Eunkyung Oh

Vikipediya, azad ensiklopediya
Jump to navigation Jump to search
Eunkyung Oh
오은경
Eunkyung Oh1.jpg
Doğum tarixi 1969
Doğum yeri Cənubi Koreya, Seul
Vətəndaşlığı Cənubi Koreya Cənubi Koreya
İxtisası Türkologiya
Təhsili Hankuk Xarici Dillər Universiteti
Fəaliyyəti türkoloq
Tanınır Cənubi Koreyanın qadın türkoloq alimi

Eunkyung Oh (kor. 오은경; rus. Ынгёнг О; ing. Eunkyung Oh) – Cənubi Koreyanın qadın türkoloq alimi, Türk xalqları folklorunun, xüsusilə özbək dastanlarının araşdırıcısı, müqayisəli ədəbiyyat üzrə bir sıra ciddi tədqiqatların müəllifi, jurnalist, professor, elmlər doktoru. Mənşəcə koreyalıdır. Seuldakı Dongduk Qadınlar Universitetinin professoru, Avrasiya Türk Araşdırmaları İnstitutunun direktoru, YUNESKO-nun Orta Asiya ölkələri üzrə təmsilçisi.

Həyatı[redaktə | əsas redaktə]

1969-cu ildə Cənubi Koreyanın paytaxtı Seulda anadan olmuşdur. Seul şəhərindəki Hankuk Xarici Dillər Universitetinin Türkologiya fakültəsində təhsil almışdır.

1992-1999-cu illər arasında Türkiyə Cümhuriyyətinin burslu tələbəsi olaraq Ankara Hacettepe Universitetinin Türk dili və ədəbiyyati bölümüdə magistr təhsili almış, daha sonra doktoranturanı bitirmişdir.

1995-1999-ci illərdə Ankara Universitetinin Dil, tarix və coğrafiya fakültəsində Koreya dili və ədəbiyyatı bölümündə müəllim kimi çalışmışdır.

1994-1997-ci illərdə Koreya televiziyası və radiosunda Türkiyə Cümhuriyyətinin müxbiri kimi fəaliyyət göstərmişdir.

Hazırda Koreya Dongduk Qadınlar Universisitetinin professorudur.[1] Avrasiya Türk Araşdırmaları İnstitutunun nəşr etdiyi “The Journal of Eurosian Turkic Studies” dərgisinin baş redaktorudur.

“Türk ədəbiyyatında Koreya savaşı” və “XX yüzil Türkiyə və Koreya romanında qadın” əsərləri Türkiyədə nəşr olunmuşdur.

Koreya dili ilə yanaşı ingilis, fransız, rus, türk, özbək, Azərbaycan, qazax, qırğız, uyğur dillərini bilir.[2]

Təhsili[redaktə | əsas redaktə]

1987-1991- illərdə Seul şəhərindəki Hankuk Xarici Dillər Üniversitesinin Türkoloji bölümündə təhsil almışdır.

1992-1994-cü illərdə Hacettepe Üniversitetində magistr təhsili almışdır.

1994-1999-cu illərdə Hacettepe Üniversitetinin doktoranturasını bitirmişdir.

2000-ci ilin oktyabr ayından 2001-ci ilin sentyabrına qədər Koreyanın Kyunggido bölgəsindəki Koreya Araşdırma Akademiyasında doktorluq dissertrasiyası müdafiə etmişdir.

2010-2014-cü illərdə Daşkənd şəhərində Özbəkistan Elmlər Akademiyasının Dil və Ədəbiyyat İnstitutunun doktoranturasını bitirmişdir.

Ədəbi-elmi çalışmaları[redaktə | əsas redaktə]

Türkologiya məsələləri ilə bağlı 150-dən artıq araşdırması yayınlamışdır. Bunların içərisində 25-dən artıq kitab vardır. Özbək türklərinin “Alpamış” və başqa dastanları ilə bağlı monografik araşdırmanın müəllifidir. O həmçinin Sibir türklərinin folklor materilallarını da tədqiqata cəlb etmişdir. Türkiyə, Çin, Özbəkistan, Hindistan və başqa ölkələrdə keçirilən uluslararası türkoloji konfrans, forum və simpoziumlarda iştirak etmişdir.[3]

Azərbaycanla əlaqələri[redaktə | əsas redaktə]

Eunkyung Oh Azərbaycan Yazıçılar Birliyinin fəxri üzvüdür. Bakı Dövlət Universiteti, Xəzər Universiteti, Bakı Qızlar Universiteti, AMEA-nın Folklor İnstitutu ilə əməkdaşlıq edir. Azərbaycan nəsrinin bəzi örnəklərini Koreya dilinə tərcümə edərək Seulda nəşr olunan “Asiya” dərgisində yayınlamışdır. Bəxtiyar Vahabzadənin şeirlər toplusunu Koreya dilinə çevirmişdir. Onun rəhbərliyi altında Azərbaycandan olan doktorant və magistrlər elmi tədqiqat işləri aparırlar.[4] Bir neçə dəfə Azərbaycanda elmi ezamiyyətdə olmuşdur.

Əsərləri[redaktə | əsas redaktə]

  • Feminist Eleştiri: XX. Yüzyıl Türk ve Kore Romanında Kadın, Ankara: Aydan Veb Ofset Tesisleri, 2005. - vııı+220 s. ISBN 975-8694-21-9.
  • Türk Edebiyatında Kore savaşı, Ankara: Aydan Veb Ofset Tesisleri, 2005. - 162 s. - ISBN 975-8694-20-0.
  • Creative Expressions of Open-Minded Thinking, Seoul, Dongduk Women’s University Publishing Company, 2007 (Korean Language)
  • Introduction to Central Asian Studies, Seoul, Publishing Company for Hankuk University of Foreign Studies, 2009 (Korean Language)
  • Feminism- Difference and Between: A Study on Changes of Geography of Gender and Cultural Studies on Feminism, Seoul: Munhak dongne, 2010 (Korean Language)
  • A Journey for 1,400 Years of Islamic Civilization, Seoul, Praha, 2012 (Korean Language)
  • Turks and Central Asia- Cultural Story about Turks for Understanding Economic and Culture in Regions of Turkic People, Seoul: Dahae, 2014 (Korean Language)
  • Women in the Veil and Islam, Seoul, Window of the Times, 2014 (Korean Language)
  • S. Gölsel Türközü, Hatıce Türközü, Eungkyung Oh, Kore'yi Tanıyarak Korece Öğrenelim, Ankara Lotus Yayınevi, 2014. - 196 s. - ISBN 978-975-6665-85-5.
  • “Алпомиш” ва “Жумонг” достонларининг қиёсий-типологик таҳлили / Масъул муҳаррир: Ўзбекистонда хизмат кўрсатган маданият ходими, филология фанлари доктори, профессор Маматқул Жўраев. – Тошкент: Turon zamin ziyo, 2014. - 220 s. - Ўзбекистон Республикаси Фанлар Академияси. Алишер Навоий номидаги Тил ва адабиёт институти. - ISBN 978-943-335-53-0.
  • Living as Women in Islam: Psychoanalytic View on Islam, War, Terror and Women, Seoul, Window of the Times, 2015 (Korean Language)
  • Talking About IS (Islamic State), Seoul, Moshien Saramdeul, 2015 (Korean Language)
  • A Journey for World Mythology: Stories of Unknown, Seoul: Action and Literature, 2015 (Korean Language)
  • Feminist Eleştiri: Türk Ve Kore Romanında Kadın (A Study on Comparison of Women in Korean and Turkish Novels by Feminist Criticism), Ankara, Ürün, 2016 (Turkish Language)
  • The Origin of Korean Culture and New Altaic Cultural Belt 1, Kyunggi-do, Publish Company for the Academy of Korean Studies, 2017 (Korean Language)
  • Эстетика героических дастанов: «Алпамыш» и «Жумонг» (Estetic of Heroic Epic Poems:Alpamish and Jumong), Dusseldorf, Lambert Academic Publishing, 2017 (Russian Language)
  • Eurasia for Coexistance and Communication: Searching for its Origins, Seoul, Minshokwon, 2017 (Korean Language)


İstinadlar[redaktə | əsas redaktə]