Exokardioqrafiya

Exokardioqrafiya - ürəyin ultrasəs müayinəsi. EKQ ilə birlikdə kardiologiyanın önəmli qeyri-invaziv müayinə üsullarından biridir.

Növləri[redaktə | əsas redaktə]

Transtorakal Exokardioqrafiya (TTE) zamanı ürək döşüstü, yəni bədənin xaricindən, müayinə olunur. Bu zaman əsasən 2 nöqtədən baxış keçirilir:

sol parasternal (döşsümüyü yanı) baxışda 2 müayinə kəsiyi var:
- qısa ox kəsiyi
- uzun ox kəsiyi
apikal (ürək zirvəsindən) baxışda 4 görünüş var:
- dörd boşluq görüntüsü (dördkameralı görünüş)
- beş boşluq görüntüsü (beşkameralı görünüş)
- üç boşluq görüntüsü (üçkameralı görünüş)
- iki boşluq görüntüsü (ikikameralı görünüş)

Digər əlavə ölçmə nöqtəsi subcostal nöqtədir (qabırğaaltı görünüş, xəncərəbənzər çıxıntının altından).

Döşüstü exocardioqramda müxtəlif kəsiklərdə ürəyin görünüşü

Apikal dörd boşluq görüntüsü

Subkostal görünüş

Sol parasternal uzun ox kəsiyində görünüşü

Apikal iki boşluq görüntüsü

Sol mədəciyin qısa ox kəsiyində görünüşü

Aortal qapağın qısa ox kəsiyində görünüşü

Müxtəlif yöntəmlərlə ürəyin fəaliyyətini aşağıdakı kimi müayinə etmək olar:

M-rejim ultrasəsin birölçülü müayinəsidir. Bu zaman sol parasternal yandan aortal və mitral qapaqlar, sol mədəcik müayinə olunur.

2-ölçülü B-rejimində ağ-qara görüntülərin sayəsində real zamanda qapaqların quruluşu, mədəciklərin yığılma fəaliyyəti və ölçüləri müayinə edilir.
PW- və CW-Doppler
Rəngli Doppler ^[1]