Eyforiya (film, 2017)

Vikipediya, azad ensiklopediya
Jump to navigation Jump to search
Eyforiya
ing. Euphoria
Eyforia film.jpg
Janr dram filmi
Rejissor Liza Lanqset
Prodüser Patrik Andersson
Frida Barqo
Çarlz Kollier
Alisiya Vikander
Ssenari müəllifi Liza Lanqset
Baş rollarda Yeva Qrin
Alisiya Vikander
Şarlotta Remplinq
Çarlz Dens
Edrian Lester
Mark Stenli
Operator Rob Hardi
Bəstəkar Liza Holmqvist
İstehsalçı B-Reel
Dancing Camel Films
SF Studios
Vikarious Productions
Distribyutor:
Svensk Filmindustri (İsveç)
Wild Bunch (Almaniya)
İlk baxış tarixi 8 sentyabr 2017
(TBFF)
Vaxt 104 dəq.
Ölkə İsveç İsveç
Böyük Britaniya Böyük Britaniya
Almaniya Almaniya
Dil ingilis dili
İl 2017

"Eyforiya " (ing. Euphoria) — 2017-ci ildə çıxarılmış İsveç, Birləşmiş KrallıqAlmaniya birgə istehsalı olan dram filmidir. Eyforiya, rejissor Liza Lanqsetin ingilis dilli film debütüdür. Film, ilk dəfə 2017 Toronto Beynəlxalq Film Festivalının platforma seksiyasında nümayiş etdirilmişdir.[1]

Məzmunu[redaktə | əsas redaktə]

İki bacı olan İnes (Alisiya Vikander) və Emiliya (Yeva Qrin) uzun illərdir ki, görüşmürlər. Buna səbəb onlar arasında baş vermiş qalmaqal olsa da, bacılar barışmağa qərar verirlər. Uğurla fəaliyyət göstərən rəssam olan İnes son dövrlərdə yaradıcılıq böhran yaşayır. Emiliya bacısını gizli bir yerə birlikdə səfər etməyə çağırır və bu səfərin onun üçün çox mühüm olmasını bildirir. Onların getdikləri yer o qədər əlçatmaz məkanda yerləşir ki, ora yalnız vertolyotla çatmaq mümkündür. Məkana çatdıqda İnes öyrənir ki, bacısı müaəlicəsi mümkün olmayan bir xəstəlikdən əziyyət çəkir və onların gəldikləri bu yer bir növ imkanlı adamlar üçün nəzərdə tutulmuş hospisdir. Burada müştərilər üçün yüksək səviyyəli xidmətlə həyatdan köçmə təmin edilir və Emili üçün təyin edilmiş vaxta cəmi altı gün qalıb. Ölüm qabağı Emili bacısı ilə münasibətlərini aydınlaşdırmağa çalışsa da, o, Emlinin seçimini qəbu edə bilmir. Ölüm və ayrılıqla üzbəüz qalmış bacılar ailə və sevgini dərk etməyə çalışırlar.

Rollarda[redaktə | əsas redaktə]

İstehsal[redaktə | əsas redaktə]

2013-cü ilin dekabrında filmin istehsalının erkən mərhələsinə başlanılmış və 2015-ci ildə çıxarılması planlaşdırılmışdı.[2] 2016-cı ilin əvvəllərində verdiyi müsahibədə Lanqset üçüncü filmində Avropada yüksəlməkdə olan intihara yardım fenomeni mövzusuna toxunulacağı və hadisələrin "uydurma evtanaziya klinikasında" baş verəcəyini qeyd edir.[3]

6 may 2016-cı ildə Alisiya Vikander və onun London agenti Çarlz Kollier Vikarious Productions şirkətini yaradırlar. Şirkətin istehsalı olan ilk filmin Lanqsetin rejissorluğu ilə çəkiləcək, baş rollarda Vikander və Yeva Qrinin oynadığı iki bacının hekayəsindən bəhs edən "Eyforiya" filmi olacağı haqqında məlumat verilir.[4]

Həmin ilin iyununda Şarlotta Remplinqin filmdə naməlum bir rolla çıxış edəcəyi bildirilir.[5] Avqustda isə Çarlz Dens, Edrian Lester və MArks Stenlinin filmin aktyor heyətinə qatılması məlum olur.

Çəkilişlər[redaktə | əsas redaktə]

Filmin əsas çəkilişlərinə 2016-cı il avqustun əvvəllərində Münhendə başlanılmış, daha sonra çəkilişlər Almaniya Alplarında davam etdirilmişdir.[6]

İstinadlar[redaktə | əsas redaktə]

  1. "'The Death Of Stalin' to open Toronto Film Festival Platform programme". ScreenDaily. İstifadə tarixi: 29 iyul 2018.
  2. "Sweden's Super Indie B-Reel Unveils Ambitious Slate Including Langseth's Next Project". İstifadə tarixi: 31 iyul 2018.
  3. "INTERVIEW: LISA LANGSETH WANTS TO DO IT ALL". İstifadə tarixi: 31 iyul 2018.
  4. "Alicia Vikander Launches Vikarious Productions; Sets First Project 'Euphoria' With Eva Green- Cannes". İstifadə tarixi: 31 iyul 2018.
  5. "Charlotte Rampling Joins Alicia Vikander And Eva Green For 'Euphoria'". İstifadə tarixi: 31 iyul 2018.
  6. "Vikander Starts Filming Lisa Langseth's Euphoria". İstifadə tarixi: 31 iyul 2018.

Xarici keçidlər[redaktə | əsas redaktə]