Eynar fon Şuler

Vikipediya, azad ensiklopediya
Jump to navigation Jump to search
Eynar fon Şuler
alm. Einar von Schuler
Doğum tarixi 28 oktyabr 1930(1930-10-28)[1]
Doğum yeri
Vəfat tarixi 14 fevral 1990(1990-02-14)[1] (59 yaşında)
Vətəndaşlığı
İş yerləri

Eynar fon Şuler (alm. Einar von Schuler‎; 28 oktyabr 1930[1], Leypsiq, Prussiya[d]14 fevral 1990[1]) — Almaniya şərqşünası.

Həyatı[redaktə | mənbəni redaktə et]

Eynar fon Şuler 28 oktyabr 1930-cu ildə Almaniyanın Leypsiq şəhərində anadan olmuşdur. O, Leypsiqdəki Tomas məktəbində təhsil almışdır. Şuler daha sonra Leypsiq UniversitetindəAzad Berlin Universitetində İohann Fridrixin rəhbərliyi altında qədim Yaxın Şərq (xüsusilə hetologiya) üzrə təhsil almışdır. O, 1954-cü ildə doktorluq dissertasiyası müdafiə etmişdir. Şuler daha sonra Heydelberq və Münster Universitetlərində Adam Falkenşteynin köməkçisi olmuşdur. O, Berlinə qayıdaraq habilitasiya təcrübəsindən keçmişdir. Şuler 1963-cü ildə Azad Berlin Universitetində qədim şərq filologiyası üzrə professor olmuşdur. O, 1969-cu ildə Suriyada Həbubə Qəbirə və Təll Munbəqat qazıntılarına rəhbərlik etmişdir. Şuler 1974-cü ildə Vilhelm Eylersi əvəz edərək Vürtsburq Universitetində şərq filologiyası üzrə professoru olmuşdur. O, 1987-ci ildə xəstəlik səbəbindən təqaüdə çıxmışdır. Şuler etnoloq İmmin fon Şuler-Şöninqlə (1926-1988) evlənmişdir.[2]

Şulerin əsərlərində əsas diqqət hetlərin tarixi və mədəniyyətinə yönəlmişdir və o, bu sahədə qaynaqların verilməsində qabaqcıl alimlərdən olmuşdur.[3]

İstinadlar[redaktə | mənbəni redaktə et]

  1. 1 2 3 4 Bibliothèque nationale de France BnF identifikatoru (fr.): açıq məlumat platforması. 2011.
  2. von Schuler-Schöning, Immina, in: Bettina Beer, Frauen in der deutschsprachigen Ethnologie. Ein Handbuch. Köln : Böhlau, 2007, ISBN 978-3-412-11206-6, S. 200f.
  3. Soysal, Oğuz. "Prof. Dr. Phil. Einar von Schuler". Belleten. 57 (219). 1993: 641–642. ISSN 0041-4255.

Xarici keçidlər[redaktə | mənbəni redaktə et]

  • Einar von Schuler, in: Orientalia, 1990, S. 103–106 JSTOR 43075879