Füqarə sədası (qəzet)

Vikipediya, azad ensiklopediya
Jump to navigation Jump to search

Füqarə sədasıAzərbaycan Xalq Cümhuriyyəti dövründə nəşr edilmiş gündəlik leqal bolşevik qəzeti. Qəzetin ilk nömrəsi 14 avqust 1919-cu il tarixində, sonuncu, 12-ci nömrəsi isə həmin ilin 28 avqustunda çıxmışdır. "Turan" mətbəəsində çap olunan qəzetin redaktoru və naşiri Əliheydər Qarayev idi. Qəzetdə Seyid Cəfər Cavadzadə (Pişəvəri), Həmid Sultanov, Məmməd Səid Ordubadi, Hikmət Ziya və başqaları əməkdaşlıq edirdilər. "Füqarə sədası" Azərbaycan Xalq Cümhuriyyətinə qarşı açıq-aşkar düşmən mövqe tutaraq hökuməti kəskin tənqid edirdi. Qəzetin 4-cü nömrəsindəki "Hökumət böhranı", 11-ci nömrəsindəki "Azərbaycanda vəziyyət" və bir sıra başqa məqalələrində cümhuriyyətin hakimiyyəti illərində ölkədə sinfi mübarizənin kəskinlə məsindən bəhs olunurdu. "Füqarə sədası" AXC Hökumətinin guya xalqa zidd siyasət yeritdiyini kütlələrə aşılamağa çalışır, milli istiqlaliyyət əleyhinə çıxır, Sovet Rusiyasının "demokratik", inqilabi tədbirlərini, daxili və xarici düşmənlərə qarşı "müvəffəqiyyətli" mübarizəsini işıqlandırırdı. Xalqa və hökumətə zidd mövqeyinə görə "Füqarə sədası" AXC Hökuməti tərəfindən bağlanmışdır.

Mənbə[redaktə | əsas redaktə]

Füqarə // Azərbaycan Xalq Cümhuriyyəti Ensiklopediyası: [2 cilddə] / baş red. Y. M. Mahmudov. — Bakı: “Lider” nəşriyyat, 2004. — I cild. — Səhifələrin sayı:  440. — Səh.: 411. — ISBN 9952-417-14-2.