Fəhmin Hacıyev

Fəhmin Hacıyev
Azərbaycanın Daxili Qoşunlarının Komandanı 22 may 1992 — 16 iyun 1993
Sələfi	Rafiq Ağayev
Xələfi	Ramiz Məmmədov
Şəxsi məlumatlar
Doğum tarixi	23 aprel 1959
Doğum yeri	Ucar, Azərbaycan SSR
Vətəndaşlığı	Azərbaycan
Hərbi xidmət
Xidmət illəri	1992—1993
Mənsubiyyəti	Daxili İşlər Nazirliyi
Qoşun növü	Daxili Qoşunlar
Döyüşlər	Birinci Qarabağ müharibəsi

Fəhmin Əhmədpaşa oğlu Hacıyev (23 aprel 1959; Ucar, Azərbaycan SSR) — Azərbaycan Silahlı Qüvvələrinin zabiti, Daxili İşlər Nazirliyinin Daxili Qoşunlarının Komandanı (1992—1993).

Həyatı

Fəhmin Hacıyev 1959-cu il aprelin 23-də Ucar şəhərində anadan olub.

Hərbi xidməti

1988-ci ildən Azərbaycan Xalq Cəbhəsinin (AXC) fəal üzvü olub. AXC Hərbi Çağırış üzrə Komissiyasının sədri olub.

1990-cı ilin 20 yanvar hadisələrindən sonra həbs edilib. 9 ay müddətində əvvəlcə Lefortovo həbsxanasında, sonra isə Bayıl həbsxanasında saxlanılıb.

Azərbaycan Ali Sovetinin sədri İsa Qəmbərin 22 may 1992-ci il tarixli Sərəncamına əsasən Fəhmin Hacıyev Daxili İşlər Nazirliyinin Daxili Qoşunlarının Komandanı vəzifəsinə təyin edilib. 1993-cü il iyunun 16-da isə həmin vəzifədən azad olunub.

Daxili Qoşunlarının Komandanı vəzifəsindən azad olunandan sonra Fəhmin Hacıyev İstanbul şəhərinə mühacirətə gedib, bir müddət sonra isə Azərbaycanın tələbi ilə həbs edilib. 2004-cü il mayın 10-da Azərbaycan Prezidenti İlham Əliyevin imzaladığı Sərəncama əsasən əfv olunub.

Siyasi fəaliyyəti

2004-2011-ci illərdə Müsavat Partiyasının, 2011-ci ildən 2013-cü ilədək isə Azərbaycan Xalq Cəbhəsi Partiyasının üzvü olmuşdur.