Fərhad Yusifov

Vikipediya, açıq ensiklopediya
Jump to navigation Jump to search
Infobox-realisateur.png
FƏRHAD YUSİFOV
Fotoqrafiya

Doğum tarixi
27 sentyabr 1954 (1954-09-27) (64 yaş)
Doğum yeri Moskva, Flag of the Russian Soviet Federative Socialist Republic.svg Rusiya SFSR, Flag of the Soviet Union.svg SSRİ
Atası Fəttah Yusifov
Anası Nigar
Peşələrirejissor, aktyor
Fəaliyyət illəri1973-günümüz
IMDb:ID 0951154

Fərhad Fəttah oğlu Yusifov və ya Mark Jozef (ing. Mark Joseph) — Azərbaycan aktyoru və rejissoru, Kanada ssenaristi və prodüseri.

Həyatı[redaktə | əsas redaktə]

Bakıdakı Konservatoriya yanında Xüsusi Musiqi Məktəbini pianoçu kimi bitirmiş Fərhad Yusifov sonra aktyorluq fakültəsinə daxil olaraq ikinci təhsil alıb. 1982-ci ildə Rusiya dövlət kinemotoqrafiya institutunun “bədii film rejissorluğu” bölməsini bitirib. Bir sıra ekran əsərlərində - “Nizami”, “Dədə Qorqud”, habelə digər filmlərdə müxtəlif obrazları canlandırıb.

Onun xüsusilə “Tacikfilm”in istehsalı olan “Siyavuş haqqında dastan” filmində canlandırdığı obraz Rusiya və Tacikistanın kino həvəskarları arasında məşhurluq qazanıb. Hazırda Amerika qitəsində Mark Jozef adıyla yaşayan, aktyor, rejissor, ssenarist və prodüser 1989-cu ildə SSRİ-ni tərk edib.

Kanadada tammetrajlı “Aldanış” (Заблуждение) filmi üçün ssenari yazan Fərhad Yusifov qrafik dizayn və videomontaj üzrə təhsil alıb. “RTVC” Telekanalında çalışmış aktyor-rejissor müəllif proqramları, habelə reklam çarxları hazırlayıb.

Son bir neçə ildə sənədli filmlər silsiləsindən "Yuxuların Səbəti" eksperimental layihəsi üzərində çalışmış Mark Jozef planetimizin ayrı-ayrı ölkələrində yaşayan sakinlərin bugünkü həyatını işıqlandırıb. Bu silsilədən olan Peruda çəkilmiş birinci film "Salado" 2015-ci ildə "Avropaya Pəncərə" Rusiya kinosu festivalı müsabiqəsində yüksək mükafata layiq görülüb.

Hazırda Kanadanın Kvebek əyalətində yaşayır və ssenarist kimi fəaliyyət göstərir.

Filmoqrafiya[redaktə | əsas redaktə]

  1. Dədə Qorqud (film, 1975)
  2. Yarımçıq qalmış mahnı (film, 1979)
  3. Nizami (film, 1982)
  4. Aşkarsızlıq şəraitində... (film, 1986)
  5. Salado (film, 2014)[1]

İstinadlar[redaktə | əsas redaktə]

  1. Трейлер к фильму "Саладо. Корзина снов"

Mənbə[redaktə | əsas redaktə]