Fərid Əzizov

Vikipediya, azad ensiklopediya
Jump to navigation Jump to search
Fərid Əzizov
Fərid Əzizov.jpg
Şəxsi məlumatları
Tam adı Fərid Heydər oğlu Əzizov
Vətəndaşlığı Azərbaycan Azərbaycan
Doğum tarixi 15 fevral 1985 (1985-02-15) (34 yaş)
Doğum yeri Bakı, Azərbaycan
Məşqçisi Tarverdi Allahverdiyev
Pərviz Hüseynov
İdman növü Karate

Fərid Heydər oğlu Əzizov (15 fevral 1985-ci il, Bakı,Azərbaycan) — Karate üzrə 5 qat Dünya, 3 qat Avropa, 7 qat Respublika çempionu, "Qara kəmər" sahibi, jurnalist.

Həyat və fəaliyyəti[redaktə | əsas redaktə]

15 fevral 1985-ci ildə Bakı şəhərində anadan olmuşdur. 19922003 cü illərdə Suraxanı rayonunda yerləşən Milli Qəhrəman Səməd Abdullayev adına 290 saylı orta məktəbi bitirmişdir. Məktəbi bitirdikdən sonra 2003-2005-ci illərdə hərbi xidmətə yollanmış və cəbhə bölgəsində qoşun kəşfiyyatçısı kimi xidmət göstərmişdir. 2009-cu ildə Bakı Dövlət Universitetinin jurnalistika fakültəsini bitirmişdir. 2005-ci ildə hərbi xidməti başa vurduqdan sonra "Çağrı İctimai Birliyi"ni təsis etmişdir. 2009-cu ildə təsis etdiyi Xeyriyyə cəmiyyəti "NETTY 2009" Milli internet mükafatının nominantı olmuşdur. Xeyriyyə cəmiyyəti həmin il "Azərbaycan İnternet Formu"nun təsis etdiyi Millinet mükafatının qalibi olmuşdur. 2009-cu ildə təhsilini bitirdikdən sonra müxtəlif qəzet və jurnallarda müxbir kimi fəaliyyət göstərmişdir. 2010-2011 ci illərdə "Qurtuluş media şirkəti"ndə efir direktoru vəzifəsində çalışmışdır. 2013-cü ildə "Kral Media Group" şirkətini təsis etmişdir. 2008-2017-ci illərdə Azərbaycan Respublikasında keçirilən respublika turnirlərində iştirak edərək karate üzrə respublika çempionu olmuşdur. Karate üzrə 3-cü dan "qara kəmər" sahibidir. 2018-ci ildən Avstriya Respublikasında fəaliyyət göstərən Avstriya Azərbaycan diasporasının sədridir[1][2]. Bunlarla yanaşı, 2005-ci ildən bu günə qədər ictimai işlərdə fəal üzv olaraq yaxından iştirak etməkdədir.

Ailəsi[redaktə | əsas redaktə]

Ailəlidir, 2 övladı var.

İdman karyerası[redaktə | əsas redaktə]

Dünya Çempionatı[redaktə | əsas redaktə]

  • 2015-ci ildə Kanadada keçirilən Dünya Çempionatının qalibi.
  • 2016-cı ildə Rusiyada keçirilən Dünya Çempionatının qalibi.
  • 2017-ci ildə Bolqarıstanda keçirilən Dünya Çempionatının qalibi.
  • 2018-ci ildə Ukraynada keçirilən Dünya Çempionatının qalibi.
  • 2019-cu ildə Ukraynada keçirilən Dünya Çempionatının qalibi[3].

Avropa Çempionatı[redaktə | əsas redaktə]

Respublika Çempionatı[redaktə | əsas redaktə]

2008-2017-cı illərdə 7 dəfə Respublika çempionatının qalibi olmuşdur.

Ümumi nəticələri[redaktə | əsas redaktə]

5 dəfə Dünya, 3 dəfə Avropa, 7 dəfə Respublika çempionu olmuşdur.

Mükafatları[redaktə | əsas redaktə]

  • 2014-cü ildə "Neyro Star" şirkətinin təsis etdiyi media çalışanlarının mükafatlandırmasında "İLİN ƏN YAXŞI FOTO JURNALİSTİ" daha sonra isə, elə həmin il "ƏN YAXŞI OPERATİV XƏBƏR JURNALİSTİ "mükafatlarına layiq görülmüşdür.
  • 2015-ci ildə "ƏN YAXŞI OPERATİV JURNALİST", "ƏN YAXŞI İDMAN JURNALİSTİ" mükafatlarına layiq görülmüşdür.
  • 2016-cı ildə "İLİN ƏN YAXŞI İCTİMAİ JURNALİSTİ", "PEŞƏKAR JURNALİST" mükafatlarına layiq görülmüşür.

İstinadlar[redaktə | əsas redaktə]