Fərid Sədi Mələn

Fərid Sədi Mələn
türk. Ferit Sadi Melen
Türkiyənin 14-cü Baş naziri
22 may 1972 – 15 aprel 1973
Prezident	Cövdət Sunay, Fəxri Qorutürk
Əvvəlki	Nihad Erim
Sonrakı	Naim Talu
Türkiyənin Milli Müdafiə Naziri
31 mart 1975 – 21 iyun 1977
Baş nazir	Süleyman Dəmirəl
Əvvəlki	İlhami Səncər
Sonrakı	Həsən Əsat İşıq
Türkiyənin Maliyyə Naziri
26 mart 1971 – 22 may 1972
Baş nazir	Nihad Erim
Əvvəlki	Əhməd Topaloğlu
Sonrakı	Məhmət İzmən
Türkiyə Böyük Millət Məclisi, 9, 11 və 17-ci dövr millət vəkili
25 iyun 1962 – 20 fevral 1965
Baş nazir	İsmət İnönü
Seçim bölgəsi	1950 - Van 1957 - Van 1983 - Van
Əvvəlki	Osman Şəfiq İnan
Sonrakı	Ehsan Gürsan
Şəxsi məlumatlar
Doğum tarixi	1906
Doğum yeri	Van
Vəfat tarixi	3 sentyabr 1988(1988-09-03)
Vəfat yeri	Ankara, Ankara ili, Türkiyə
Dəfn yeri	Cəbəci Əsri qəbiristanlığı
Partiya	Cümhuriyyət Xalq Partiyası
Təhsili	Ankara Universiteti Siyasi elmlər fakültəsi, Ankara Universiteti
Vikianbarda əlaqəli mediafayllar

Fərid Sədi Mələn (1906, Van, Van vilayəti – 3 sentyabr 1988, Ankara) — Türkiyəli bürokrat, siyasətçi, Türkiyə Respublikasının keçmiş Baş naziri.

Həyatı və təhsili

Fərid Mələn 1906-cı ildə Van şəhərində anadan olub. İbtidai və orta təhsilini Vanda alıb. 1928-ci ildə Bursa Erkek Liseyindən məzun olub. Əvvəl İstanbulda yerləşən və adı daha sonra Ankara Universiteti Siyasi Elmlər fakültəsi olan Dövlət Qulluğu Məktəbinə daxil olub. 1931-ci ilin iyulunda məzun olub.

Siyasi fəaliyyəti

1931-ci il 26 avqustda Bursa Maiyet memurluğunda dövlət qulluğuna daxil olub. 25 oktyabr 1932-ci ildə Maliyyə Müfəttişinin köməkçisi vəzifəsinə təyin edilib. 1 yanvar 1936-cı ildə dördüncü dərəcəli, 14 iyul 1939-cu ildə üçüncü dərəcəli, 26 yanvar 1940-cı ildə ikinci dərəcəli və 28 yanvar 1943-cü ildə birinci dərəcəli müfəttişliyə yüksəlib. 1940-cı il 1 may – 27 noyabr 1941-ci il tarixləri arasında keçən əsgərliyində leytenant olub. Bir il müddətində Fransa Maliyyə Nazirliyinin təşkilatında incələmə etmək üçün Parisə göndərilib. 29 noyabr 1943-cü ildə Dolayı Vergilər üzrə Baş Menecer olub. 20 iyun 1946-cı ildə isə Gəlirlər Baş İdarəsinə təyin edilib.

ABŞ prezidenti Con Kennedi Vaşinqtonda, Ağ Evdə Türkiyə Baş nazirinin müavini Əkrəm Əlican, səfir Rüfət Turqut Mənəmencioğlu və Maliyyə Naziri Fərid Mələn ilə görüşündən

9-cu Dövr seçkilərində Van millət vəkili seçilib, dövrün sonunda fəaliyyətinə ara verərək sərbəst maliyyə məsləhətçisi kimi çalışıb. 1959-cu il 30 sentyabrda təqaüdə çıxıb. Lakin Fərid Mələn 11-ci Dövr seçkilərində yenidən Van millət vəkili seçilib. 1961-ci ildə Müəssisə Məclisində Van vilayətinin nümayəndəsi olub. O, IX və X İnönü kabinetlərində TBMM xaricindən Maliyyə Naziri vəzifəsini icra edib. 1964-cü il 7 iyun – 14 oktyabr 1979-cu il tarixləri arasında Van Respublikası Senatının üzvü olub. 1967-ci ildə Cümhuriyyət Xalq Partiyasından istefa verib və Güvən Partiyasının qurucularından biri olub. 26 mart 1971-ci ildən 22 may 1972-ci ilədək 1-ci və 2-ci Erim Hökumətlərində Milli Müdafiə Naziri vəzifəsində çalışıb. 1972-ci il mayın 22-də Baş nazir olub. 31 mart 1975-ci ildə 4-cü Dəmirəl Hökümətində yenidən Milli Müdafiə Naziri təyin olunub. 12 iyul 1980-ci ildə Prezident səlahiyyətlərini icra edən Ehsan Səbri Çağlayangil tərəfindən Respublika Senatının üzvü seçilib. 1980-ci ilin 12 sentyabrınadək bu vəzifədə qalıb. 1983-cü ildə isə yenidən Van millət vəkili seçilib.

Vəfatı

Fərid Mələn 1988-ci ilin sentyabrın 3-də Ankarada vəfat edib, Cəbəci Əsri qəbiristanlığında dəfn edilib. O, 23-cü Dövr İstanbul millət vəkili Mithat Mələnin atasıdır. Vanda yerləşən hava limanı Fərid Mələnin adını daşıyır.

İstinadlar

Sələfləri  İlhami Sancar	Türkiyənin Milli Müdafiə Naziri 31 mart 1975 - 21 iyun 1977	Xələfləri  Həsən Əsat İşıq
Sələfləri  Nihad Erim	Türkiyənin 14-ci Baş naziri 22 may 1972 - 15 aprel 1973	Xələfləri  Naim Talu
Sələfləri  Əhməd Topaloğlu	Türkiyənin Milli Müdafiə Naziri 26 mart 1971 - 22 may 1972	Xələfləri  Məhmət İzmən
Sələfləri  Osman Şəfiq İnan	Türkiyənin Maliyyə Naziri 25 iyun 1962 - 20 fevral 1965	Xələfləri  Ehsan Gürsan