Fərrux Məmmədov

Vikipediya, açıq ensiklopediya
Jump to navigation Jump to search
Fərrux Məmmədov
Fərrux Məmməd oğlu Məmmədov
Ferrux Memmedov.jpg
Doğum tarixi 11 mart 1915 (1915-03-11) (104 yaş)
Doğum yeri Azərbaycan Respublikası, Şəki şəhəri, Aşağı Layski kəndi
Vəfat tarixi 1987(1987-Şablondakı doğum və ya ölüm tarixində texniki yanlışlıq var!-00)
Vəfat yeri Şəki
Vətəndaşlıq Flag of Azerbaijan.svg Azərbaycan
Elm sahəsi Rabitəçi
İş yeri "Azneft" İstehsalat birliyi Radio – telefon rabitəsi İdarəsi
Təhsili 1930-1934-cu illər Bakı Avtomovil Yolları Texnikomu və 1934-1938-ci illər Tiflis Rabitə İnstitutu


Həyatı[redaktə | əsas redaktə]

Məmmədov Fərrux Məmməd oğlu 1915-ci il martın 11-də Şəki rayonunun Aşağı Layski kəndində anadan olmuşdur. Özünün tərcümeyi halında yazdığı kimi, O, atası Həsənin 8 övladından biri idi və iki yaşında olarkən əmisi Məmməd Əhməd oğlu Mahmudov (Ləzgi Məmməd) onu övladlığa götürərək tərbiyə etmişdir. Ləzgi Məmməd fərdi təqaüdçü olmuş, 1969-cu ildə vəfat etmişdir. F.Məmmədovun anası Məmmədova Gülzar Adışirin qızı 1989-ci ildə anadan olmuş və 1973-cü ildə vəfat etmişdir.

Təhsili[redaktə | əsas redaktə]

F.Məmmədov İbtidai təhsilini Aşağı Layski kəndində almış, 1928-ci ildə Bakıya getmiş, orada 7 illik məktəbi bitirmişdir. 1930-1934-cü illərdə Avtomobil Yolları Texnikomunda təhsilini davam etdirərək yol tikinti texniki ixtisasına yiyələnmişdir. O, 1934-cü ildə Tiflis Rabitə İnstitutuna daxil olaraq, 1938-ci ilədək orada təhsil almış, lakin həmin il bu institutun bağlanması ilə əlaqədar olaraq Odessa Rabitə Mühəndisləri Elektrotexnika İnstitutuna keçirilmişdir.

Həyat fəaliyyəti[redaktə | əsas redaktə]

1940-cı ildə Bakıya qayıdan F.Məmmədov Rabitə Nazirliyinin 1 saylı rabitə xətləri texniki qovşağında sahə rəisi vəzifəsində əmək fəaliyyətinə başlanmışdır. O, 1941-1946-cı illərdə Bakı ATS-i texniki şəbəsinin mühəndisi, xətt qurğuları üzrə böyük mühəndis, rəis vəzifəsində işlənmişdir. Fərrux Məmmədov 1946-cı ildə dekabrın 24-dən 1 iyul 1985 ilədək – təxmini 40 ilə yaxın bir müddətdə “Azneft” İstehsalat birliyi Radio – telefon rabitəsi İdarəsinin Baş mühəndisi və ömrünün sonunadək həmin İdarənin rəisi işləmişdir. O, özünü Azərbaycanın neft sənayesinin radio-telefon rabitəsi sahəsində yüksək ixtisaslı mütəxəssisi kimi göstərmişdir. Neft Daşlarında, Bulla adasında, Əlibayramlı şəhərində, Siyəzəndə, Sanqaçalda və s. yerlərdə yeni istifadəyə verilən neft sahələrinin rabitə ilə təmin edilməsinin fəal təşkilatçılarından və rəhbərlərindən olmuşdur. Qocaman rabitəçi F.Məmmədov, eyni zamanda, dəyərli hami-tərbiyəçi müəllim idi. Onun bilavasitə səyi, nəzarəti və atalıq qayğısı ilə bakı telefon şəbəkəsində və “Azneft” İstehsalat Birliyində rabitə sahəsində onlarla bacarıq mütəxəssis rəhbər işçi yetişmişdir. Fərrux müəllimin əməyi dəfələrlə layiqincə qiymətləndirilmiş, orden, medal və fəxri fərmanlarla təltif edilmişdir.

Tanınmış Şəxslərlə olan dostluğu[redaktə | əsas redaktə]

Tanınmış ziyalı və ağsaqqalların Fərrux Məmmədov şəxsiyyətinə olan münasibətləri: Fərrux Məmmədov yolunun sadiq davamçısı Nadir Alı oğlu Əhmədov: “Fərrux Məmmədovu böyük bir palıd ağacına bənzətsək, deyə bilərik ki, bu qocaman palıd ağacının möhkəmliyindən, böyüklüyündən, yaraşığından, kölgəsindən, uzunömülüyündən, hamı ilə eyni xoş münasibətindən və səmimiliyindən, xeyirxahlığından danışşaq onun haqqında fəlsəfi fikir yaratmaq çətin olmaz... Sadə, dilində “yox” kəlməsi olmayan, müdrik ağsaqqal, yıxılanın qolundan tutan, təmənnasız, dəqiq, sözübütöv, çox şərəfli və ləyaqətli bir ömür sürmüş, böyük məslək sahibi, həyatda özünə layiqli yer tutmuş, ideal, əsl insan...”. El ağsaqqalı, keçmiş Sovxozlar naziri Soltan Hümmət oğlu Əzizov: “50 illik zaman keşiyində dostluq etdiyim Fərrux müəllimin geniş dünyagörüşü, yüksək mədəniyyəti, ədəb-ərkanı, məslək sahibi idi”.

Ailə həyatı[redaktə | əsas redaktə]

F.Məmmədov vaxtilə Odessa Elektrorabitə İnstitutunda oxuyarkən Dilbər Heydərqulu qızı Məmmədova ilə ailə həyatı qurmuşdur. Dilbər xanım 1914-cü ildə anadan olmuş, 1933-cü ildən əmək fəaliyyətinə başlamışdır. 1940-cı ildə Odessa Elektro-Texnika İnstitutunun şəhərlərarası telefon teleqraf rabitəsi fakültəsini bitirmiş və Bakı Şəhər Telefon Şəbəkəsində baş mühəndis vəzifəsində işlənmişdir. 1956-1967-ci illərdə Rabitə Nazirliyinin 8 saylı rabitə peşə məktəbinin direktoru vəzifəsində işləmişdir. Milli kadrların hazırlanmasında müstəsna rolu olmuşdur. 1967-1984-cü illərdə isə Bakı Şəhər Telefon Şəbəkəsində müştəlif vəzifələrdə çalışmışdır. İşlədiyi bütün müəssisələrdə fədakarlığı, tələbkarlığı və səmimiyyəti ilə seçilmişdir. O, 1982-ci ildə Azərbaycanın əməkdar rabitəçisi fəxri adına layiq görülmüşdür. Fərrux Məmmədovun övladları da öz valideynlərinə layiq şərəfli insanlardır. Ailənin böyük övladı Fərdil Məmmədov 1950-ci ildə anadan olmuşdur. Azərbaycan Dövlət Tibb Universitetini bitirmiş, tibb elmləri doktoru, professordur. O, zəngin həkim təcrübəsinə və mükəmməl biliyə malik mütəxəssisdir. Moskva şəhərində ilk özəl tibb mərkəzlərindən birinə rəhbərlik edir. Fərdil valideynləri haqda: “Deyirlər ki, Allahdan sonra valideyn övladlar üçün Allahdır. Məndə qardaşlarım və baclarımla birgə ata və anamı müqəddəs sayır, özümüzü ömrümüz boyu onlara borclu hesab edir,qoyub getdikləri saysız hesabsız gözəl keyfiyyətləri yaşatmaga çalışırıq. Onların mənalı həyatı bizim üşün dəyərli bir örnəkdir”. Ailənin kiçik oğlu Fikrət Məmmədov Lomonosov adına Moskva Dövlət Universitetinin hüquq fakültəsini qurtarmış, seçdiyi sənətin çətin və şərəfli pillələrini peşəkarcasına keçərək, müstəqil dövlətimizin Ədliyyə Nazirliyinə başçılıq edir. Ailənin iki qızı həkimdir. Dilarə Məmmədova 1947-ci ildə anadan olmuşdur. Azərbaycan Tibb İnstitutunu bitirmiş, hazırda Respublika Onkoloji Mərkəzində həkimdir. Ümumrusiya Ultrasəs Diaqnostikası cəmiyyətinin üzvüdür, bu sahədə tanınmış mütəxəssis sayılır. Arzu terapevtdir. Xalq təbabəti ilə daha çox maraqlanır. Ailənin kiçik qızı Dilfər Azərbaycan Dövlət İqtisad Universitetində çalışır, Almaniya İqtisad Akademiyasının dosenti adına layiq görülmüşdür.


Məmmədov Fərrux Məmməd oğlu 1987-ci ildə öz doğma torpağı olan Şəki şəhərində vəfat etmişdir.

Mənbə[redaktə | əsas redaktə]

Ənvər Mete "O torpağın övladları", Bakı, "Nurlan", 2006, səh.236-240.