Fəttah Fəttayev

Vikipediya, azad ensiklopediya
Jump to navigation Jump to search
Fəttah Fəttayev
Doğum tarixi 1969(1969-Şablondakı doğum və ya ölüm tarixində texniki yanlışlıq var!-00)
Doğum yeri Horavar, Yardımlı rayonu
Vətəndaşlığı
Fəaliyyəti pedaqoq

Fəttayev Fəttah Müştəba oğlu (1969) — Azərbaycan pedaqoqu.

Həyatı[redaktə | əsas redaktə]

Fəttah Fəttayev 1969-cu ildə, Yardımlı rayonunun Horavar kəndində ziyalı ailəsində anadan olmuşdur. 1992-ci ildə Azərbaycan Dövlət Pedaqoji Universitetini fərqlənmə diplomu ilə bitirərək, həmin ildən pedaqoji fəaliyyətə başlamışdır. 1998-ci ildə ABPK İA və YH institutunu bitirərək ikinci ali təhsilini almışdır. 1997-ci ildən Bakı Slavyan Universitetinin Humanitar liseyində riyaziyyat-informatika müəllimi vəzifəsində işləyir, hal-hazırda riyaziyyat-informatika kafedrasının müdiridir.

Ali məktəbdə oxuduğu vaxtlardan elmi işlərə maraq göstərmiş, Tələbə Elmi Cəmiyyətinin fəal iştirakçılarından olmuşdur. Universitetdə oxuduğu müddətdə "Lenin təqaüdü"nə (indiki “Prezident təqaüdü”) layiq görülmüşdür.

Azərbaycan Respublikasında yeni tədris proqramlarının yaradılması və ona müvafiq olaraq dərsliklərin yazılması prosesində iştirak etmişdir. Belə ki, yeni dərsliklərin hazırlanması məqsədilə Təhsil Nazirliyi və Açıq Cəmiyyət İnstitutu – Yardım Fondunun birgə həyata keçirdiyi layihədə xarici mütəxəssislərin iştirakı ilə treninqlərin iştirakçısı olmuş və "Dərsliklərin qiymətləndirilməsi" üzrə Ekspert Şurasına üzv seçilmişdir. Layihə başa çatana qədər Ekspert Şurasında fəaliyyət göstərmişdir.

Pedaqoji mühazirələrdə iştirak etmiş, yüksək yerlərə layiq görülmüşdür. İxtisasartırma kurslarında iştirak etmiş, "İnteraktiv təlim metodları", "İstedadlı şagirdlərlə iş" kurslarını müvəffəqiyyətlə başa vurmuş və müvafiq sertifikatlar almışdır. Kompüter bilikləri üzrə Avropa standartlarına uyğun ECDL sertifikatına layiq görülmüşdür.

Elmi fəaliyyətlə məşğuldur. Respublika mətbuatında mütəmadi olaraq məqalələrlə çıxış edir. 40-dan artıq elmi, publisistik məqalənin müəllifidir. Orta məktəblərin I-IV, V-VII, IX-XI sinifləri üçün "Həyati bacarıqlara əsaslanan təhsil" fənni üzrə müəllimlər üçün vəsaitin texniki redaktoru, "İntel" korporasiyasının bütün dünyada, o cümlədən Azərbaycanda həyata keçirdiyi "İntel – gələcək üçün təhsil" layihəsinin əsas hissəsi olan kitabın Azərbaycan variantının redaktorudur. Yeddi kitab müəllifidir. "Qızıl qələm" media mükafatı laureatıdır.

2012-ci ildə "İlin ən yaxşı müəllimi" müsabiqəsinin qalibi olmuş və Pespublika Prezidentinin fərmanı ilə mükafalandırılmışdır.

Kitabları[redaktə | əsas redaktə]

*İslam və elm. Kitabda müsəlman alimlərinin dünya elminə verdikləri töhfələr, İslamın Avropaya təsiri tarixi faktlarla açıqlanır, İslam dininin elmə münasibəti, Qurani-Kərimin ecazkarlıq meyarları, Quranın elmi ayələri haqqında məlumat verilir, elm və dinin vəhdəti elmi şəkildə əsaslandırılır. Kitaba həmçinin dünya alimlərinin İslam və Qurani-Kərim haqqında fikirləri, Quranın möcüzəvi bir kitab olduğunu təsdiqləyən faktlar da daxil edilmişdir. Kitab geniş oxucu kütləsi üçün nəzərdə tutulmuşdur.

*Fizika-7 (orta ümumtəhsil məktəblərinin VII sinfi üçün dərs vəsaiti). Dərslik Təhsil Nazirliyinin VII siniflər üçün təsdiq etdiyi proqrama uyğun şəkildə yazılmışdır. Proqramın tələblərinə uyğun olaraq məkan və zamamn ilkin fəlsəfi anlayışlar kimi formalaşmasına, kainatın daim hərəkətdə olan materiyadan ibarət îlması və hadisələrin pərakəndə deyil, müəyyən qanunauyğunluqla baş verməsi və s. məsələlərə elmi-metodik cəhətdən yanaşılmışdır. Dərslikdə Dunya və Azərbaycan fizikləri haqqında geniş material verilmiş, fizika elminin digər təbiət elmləri arasındakı çəkisi àşkar gostərilmisdir. Nəzəri materialların daha yaxşı mənimsənilməsi uçun onların tətbiq sahələri haqqında geniş məlumat verilir. Dərslikdə sərbəst is üçün təcrübi tapşırıqlar təklif olunur ki, bu da nəzəriyyə ilə praktikanı əlaqələndirməyə, müstəqil əqli nəticə çıxarmağa imkan verir. Şagirdlərin işini asanlaşdırmaq məqsədilə proqrama uygun olaraq hər bir movzu planlı şəkildə şərh olunur və bu prinsip bütün mövzuların şərhində gözlənilir. Dərslikdə müəllimlərin interaktiv təlim metodlarından istifadə etmələri uçun də lazımi materiallar verilmişdir. Vəsait orta ümumtəhsil məktəblərinin VII sinifləri üçün nəzərdə tutulmuşdur

*Həndəsə (abituriyentlər üçün vəsait). Vəsait ali məktəblərə qəbul proqramları əsasında hazırlanmışdır. Kitabda əsas məqsəd qısa müddət ərzində həndəsi biliklərə yiyələnmək istəyənlərin ehtiyaclarını ödəmək olduğundan, həndəsə fənni üzrə ümumi kursun materialları yığcam və ardıcıl şəkildə, isbatsız və əlavə şərhlərə çox da yer verilmədən şərh olunmuşdur. Ali məktəblərə qəbul imtahanlarında istifadə olunan, digər vəsaitlərdə ötəri bəhs olunan bir çox məsələlər vəsaitdə öz əksini tapmışdır. Bu baxımdan da, vəsait ali məktəblərə qəbul imtahanlarına hazırlaşanlar üçün qiymətlidir. Kitab abituriyentlər üçün nəzərdə tutulmuşdur. Vəsaitdən həmçinin orta məktəb şagirdləri və müəllimlər də istifadə edə bilərlər.

*Fizika (abituriyentlər üçün vəsait). Vəsaitdə orta məktəbin ümumi fizika kursunu əhatə edən düsturlar, fiziki kəmiyyətlərin vahidləri, fiziki cihaz və qurğular, onların ölçdüyü kəmiyyət, iş prinsipi və şərti işarəsi, sabit kəmiyyətlər, onların fiziki mənası və ədədi qiymətləri verilmişdir. Kitab abituriyentlər üçün nəzərdə tutulmuşdur. Vəsaitdən həmçinin yuxarı sinif şagirdləri və müəllimlər də istifadə edə bilərlər.

*Həndəsə – 7 (orta ümumtəhsil məktəblərinin VII sinfi üçün dərs vəsaiti). Vəsait orta ümumtəhsil məktəblərinin VII sinif proqramına uyğun hazırlanmışdır və iki hissədən ibarətdir: I hissədə həndəsə fənni üzrə VII sinif kursunun materialları yığcam və ardıcıl şəkildə, isbatsız və əlavə şərhlərə çox da yer verilmədən şərh olunmuşdur. II hissədə nəzəri bilikləri tətbiq etmək və onları möhkəmləndirmək üçün testlər verilmişdir. Testlər fəsillər üzrə və "sadədən mürəkkəbə" doğru prinsipi ilə düzülmüşdür. Vəsait orta məktəb və liseylərin VII sinifləri və abituriyentlər üçün nəzərdə tutulmuşdur.

*Həndəsə – 8 (orta ümumtəhsil məktəblərinin VIII sinfi üçün dərs vəsaiti). Vəsait orta ümumtəhsil məktəblərinin VIII sinif proqramına uyğun hazırlanmışdır və iki hissədən ibarətdir: I hissədə həndəsə fənni üzrə VIII sinif kursunun materialları yığcam və ardıcıl şəkildə, isbatsız və əlavə şərhlərə çox da yer verilmədən şərh olunur. Bu hissədə həmçinin yeni mövzuların öyrənilməsində vacib olan və VII sinifdə öyrənilmiş bəzi mövzular da təkrar edilmişdir. II hissədə nəzəri bilikləri tətbiq etmək və onları möhkəmləndirmək üçün testlər verilmişdir. Testlər 3 variantdan ibarət olmaqla fəsillər üzrə, proqrama uyğun ardıcıllıqla düzülmüşdür. I variant sinif işi, II variant ev tapşırığı, III variant isə müstəqil iş üçün tövsiyə edilir. Vəsait orta məktəb və liseylərin VIII sinifləri və abituriyentlər üçün nəzərdə tutulmuşdur.

*Məntiq. (Bakı Slavyan Universiteti Məktəb-Lisey Kompleksi üçün dərs vəsaiti). Vəsait lisey şagirdləri, xaricdə təhsil almaq istəyənlər, ali məktəblərin magistratura pilləsinə və dövlət qulluğuna işə qəbul imtahanlarına hazırlaşanlar üçün nəzərdə tutulmuşdur.

Xarici keçidlər[redaktə | əsas redaktə]

Bioqrafiyası Fəttah Fəttayevin kitabları