Fəttah Heydərov

Vikipediya, açıq ensiklopediya
Jump to navigation Jump to search
Fəttah Heydərov
Fəttah Səməd oğlu Heydərov
Fəttah Heydərov.jpg
bayraqAzərbaycan Respublikası Milli Məclisinin deputatıbayraq

Təhsili Azərbaycan Dövlət Universiteti, Bakı Ali Partiya Məktəbi
Doğum tarixi 23 fevral 1938 (1938-02-23) (81 yaş)
Doğum yeri Naxçıvan MSSR, Babək rayonu, Çeşməbasar Flag of the Azerbaijan Soviet Socialist Republic.svg Azərbaycan SSR
Həyat yoldaşı Sahibəxanım Heydərova
Uşaqları 5 övladı var

Təltifləri "İstiqlal" ordeni "Şərəf" ordeni "Şöhrət" ordeni (Azərbaycan) "Şərəf Nişanı" ordeni
Commons-logo.svg Vikianbarda əlaqəli mediafayllar

Fəttah Heydərov (azərb. Fəttah Səməd oğlu Heydərov‎) — Azərbaycan Respublikası Milli Məclisinin deputatı, Milli Məclisin Hesablayıcı Komissiyasının sədri, Regional Məsələlər Komitəsinin sədr müavini, Azərbaycan Ağsaqqallar Şurasının sədri

Həyatı[redaktə | əsas redaktə]

Fəttah Heydərov 1938-ci il fevralın 23-də Naxçıvan MR-nın Babək rayonunun Çeşməbasar kəndində anadan olmuşdur. 1955-ci ildə Nehrəm kənd orta məktəbini, 1959-1964-cü illərdə Azərbaycan Dövlət Universitetinin mexanika-riyaziyyat fakültəsini, 1975-ci ildə Bakı Ali Partiya Məktəbini bitirmişdir.

Əmək fəaliyyətinə 1955-ci ildə Babək rayonu Güznüt kənd klubunun müdiri kimi başlamışdır. 1958-ci ildən Çeşməbasar səkizillik məktəbinin müəllimi, 1968-ci ildən Naxçıvan Vilayət Partiya Komitəsinin təlimatçısı, 1970-ci ildən Ordubad Rayon Partiya Komitəsinin ikinci katibi işləmiş, 1970-1990 –cı illərdə Naxçıvan şəhər və Ordubad rayon XDS-in deputatı seçilmişdir.

1976-1978-ci illərdə Naxçıvan MSSR Əhaliyə Məişət Xidməti naziri işləmişdir.

1978-ci ildən Ordubad, 1986-cı ildən Culfa Rayon Partiya Komitəsinin I katibi, 1983-cü ildən Naxçıvan MR Mədəniyyət naziri işləmişdir.

1990-1995–ci illərdə Naxçıvan MR Ali Sovetinin deputatı olmuşdur. Azərbaycan Respublikası I (1995-ci il), II (2000-ci il), III (2005-ci il) IV (2010-cu il) çağırış Milli Məclisinin deputatı olmuşdur. 1 noyabr 2015-ci il tarixində Azərbaycan Respublikası V çağırış Milli Məclisinin deputatı seçilmişdir[1]. Milli Məclisin Hesablayıcı Komissiyasının sədri, Regional Məsələlər Komitəsinin sədr müavinidir. Azərbaycan Ağsaqqallar Şurasının sədridir.

Mükafatları[redaktə | əsas redaktə]

  • SSRİ-nin "Şərəf nişanı" ordeni (1975) və medallarla təltif edilmişdir.
  • 20 fevral 2008-ci ildə Azərbaycan Respublikasının mədəni və ictimai-siyasi həyatında fəal iştirakına görə Fəttah Səməd oğlu Heydərov “Şöhrət” ordeni ilə təltif edilmişdir[2]
  • 22 fevral 2013-cü ildə Azərbaycan Respublikasının ictimai-siyasi həyatında fəal iştirakına görə Fəttah Səməd oğlu Heydərov “Şərəf” ordeni ilə təltif edilmişdir[3].
  • 22 fevral 2018-ci ildə Azərbaycan Respublikasının ictimai-siyasi həyatında uzunmüddətli səmərəli fəaliyyətinə görə Fəttah Səməd oğlu Heydərov “İstiqlal” ordeni ilə təltif edilmişdir[4].

Ailəsi[redaktə | əsas redaktə]

  • Evlidir, 5 övladı var.
  • Azərbaycan Respublikasının Fövqəladə Hallar naziri, general-polkovnik Kəmaləddin Heydərovun atasıdır.
  • "Avropa-Azərbaycan Cəmiyyəti"nin sədri, “Qəbələ” Futbol Klubunun prezidenti Tale Heydərovun babasıdır.

İstinadlar[redaktə | əsas redaktə]

  1. deputat
  2. Azərbaycan Respublikası Prezidentinin Sərəncamı
  3. F.S. Heydərovun “Şərəf” ordeni ilə təltif edilməsi haqqında Azərbaycan Respublikası Prezidentinin Sərəncamı
  4. İlham Əliyev Milli Məclisin deputatı Fəttah Heydərova “İstiqlal” ordeni təqdim edib

Xarici keçidlər[redaktə | əsas redaktə]

Vikianbarda Fəttah Heydərov ilə əlaqəli mediafayllar var.