Fətulla Hüseynov
| Fətulla Hüseynov | |
|---|---|
| Fətulla Əli oğlu Hüseynov | |
 | |
| Doğum tarixi | 21 dekabr 1937 |
| Doğum yeri | Tovuz, Azərbaycan SSR, SSRİ |
| Vəfat tarixi | 14 iyun 2004 (66 yaşında) |
| Vəfat yeri | Bakı, Azərbaycan |
| Vəfat səbəbi | qətlə yetirilib |
| Vətəndaşlığı | |
| Uşaqları |
Tahir Hüseynov Adil Hüseynov |
| Atası | Əli Hüseynov |
| Milliyyəti | Azərbaycanlı |
| Fəaliyyəti | Azərbaycan Daxili İşlər Nazirliyi polis polkunun komandiri |
Fətulla Əli oğlu Hüseynov (21 dekabr 1937, Tovuz – 14 iyun 2004, Bakı) — Azərbaycan Respublikası Daxili İşlər Nazirliyi polis polkunun komandiri, polkovnik. Fətulla Hüseynov Azərbaycan Silahlı Qüvvələrinin 1994-cü il qış kampaniyasında keçirdiyi ən uğurlu əməliyyatı olan Horadiz əməliyyatına rəhbərlik edib.
Həyatı[redaktə | əsas redaktə]
Erkən illəri[redaktə | əsas redaktə]
Fətulla Əli oğlu Hüseynov 1937-ci ildə Tovuz rayonunda anadan olub. Azərbaycan Texniki Universitetinin avtomobil-tikinti fakültəsini və Bakı Dövlət Universitetinin hüquq fakultəsini bitirib. Sonra O, SSR-nin Daxili İşlər nazirliyinin Yüksək Akademik kurslarını bitirir. 1960-90-cı illərdə Respublika yol polisinin rəis müavini və Bakı şəhər yol polisi idarəsinin rəisi vəzifəsində çalışıb. Bundan əlavə Fətulla Hüseynov Azərbaycanın baş yanğınsöndürmə idarəsinin rəis müavini, DİN–in polis polkunun komandiri və s. vəzifələrdə çalışıb.
Qarabağ müharibəsində iştirakı[redaktə | əsas redaktə]
1993-cü ildə Qarabağ Azadlıq Təşkilatının üzvü olub.[1] Fətulla Hüseynov 1993-cü il dekabrından başlamış 6 yanvar tarixinə kimi davam edən Horadiz əməliyyatına rəhbərlik edib.[2] Horadiz əməliyyatı Azərbaycan Milli Ordusunun 1994-cü il qış kampaniyasında keçirdiyi ən uğurlu əməliyyat olub. Horadiz əməliyyatında iştirak edən 702-ci briqada 5 yanvar tarixində bir gün ərzində qənimət olaraq 3 tank, 1 ədəd "Şturm-S", 6 ədəd top, 6 ədəd top qoşqusu, 10-a yaxın nəqliyyat vasitəsi, çoxlu sayda silah və sursat götürüb. Düşmən ağır itkilər verərək cəsədlərini döyüş meydanında qoyaraq geri çəkilib.
Fətulla Hüseynov Qarabağ münaqişəsinin hərb yolu ilə həllinin tərəfdarlarından olub.
Siyasi fəaliyyəti[redaktə | əsas redaktə]
Fətulla Hüseynov 1995-ci ildə Rövşən Cavadovun xüsusi təyinatlı dəstəsinin qiyamının yatırılması ilə bağlı DİN-dən istefa verib.
İctimai fəaliyyəti[redaktə | əsas redaktə]
1992-ci ildə Fətulla Hüseynov AFFA-nın nizam-intizam komitəsinin sədri oldu. O, 1996-cı ildən 2001-ci ilədək AFFA-nın viste-prezidenti vəzifəsində işləyib. UEFA-nın Azərbaycanda futbol oyunlarının keçirilməsi üzrə nümayəndəsi olub.
Ölümü[redaktə | əsas redaktə]
Fətulla Hüseynov 2004-cü il 14 iyunda yaşadığı binanın qarşısında öldürülüb.[3] Onu Hacı Məmmədovun dəstə üzvlərinin qətlə yetirdiyi deyilir.[3] Hacı Məmmədov məhkəmədə bu qətlin də «siyasi sifariş» olduğunu bildirmişdi.[3] Amma sifarişçinin kimliyini açıqlamamışdı.[3]
Şəxsi həyatı[redaktə | əsas redaktə]
Ailəli idi, Tahir və Adil adlı oğlu var. 2012-ci il 9 avqustda onun oğlu Tahirə məxsus “Toyota” markalı avtomobil yoldan çıxaraq aşıb.[4] Nəticədə avtomobilin sürücüsü T.Hüseynov aldığı xəsarətdən hadisə yerində dünyasını dəyişib.[4]
Ləqəbi[redaktə | əsas redaktə]
Azərbaycanda Fətulla Hüseynov "qara polkovnik" ləqəbi ilə tanınırdı.[5]
Təltif və mükafatları[redaktə | əsas redaktə]
 | Bu altbaşlığı genişləndirmək lazımdır. |
İstinadlar[redaktə | əsas redaktə]
 | Bu məqalədəki istinadlar müvafiq istinad şablonları ilə göstərilməlidir. |
- ↑ Səfəroğlu, Xaqani. ""Sədrlikdən gedə bilərəm..."". modern.az. modern.az. İstifadə tarixi: 31 December 2015.
- ↑ "Так в Горадизе был спущен армянский флаг". oxu.az. oxu.az. İstifadə tarixi: 31 December 2015.
- ↑ 1 2 3 4 "Onlar hamısı evinin kandarında öldürülüblər..." www.azadliq.org. Azadlıq Radiosu. İstifadə tarixi: 31 December 2015.
- ↑ 1 2 ""Qara polkovnik"in oğlu yol qəzasında ölüb". modern.az. modern.az. İstifadə tarixi: 31 December 2015.
- ↑ "Evlərinin kandarında öldürülənlər..." www.azadliq.org. www.azadliq.org. 29 iyun 2016 tarixində orijinalından arxivləşdirilib. İstifadə tarixi: 29 iyun 2016.