Fəxrəddin Yusifov

Vikipediya, açıq ensiklopediya
Jump to navigation Jump to search
FƏXRƏDDİN YUSİFOV
Doğum tarixi 1956(1956-Şablondakı doğum və ya ölüm tarixində texniki yanlışlıq var!-00)
Doğum yeri Muğanlı, Başkeçid, Gürcüstan
Elm sahəsi pedaqoq
İş yeri Azərbaycan Dövlət Pedaqoji Universiteti
Elmi dərəcəsi pedaqoji elmlər namizədi (1988)

Fəxrəddin Yusifov - pedaqoq.

Həyatı[redaktə | əsas redaktə]

Fəxrəddin Yusifov 1956-cı ildə Gürcüstan Respublikasının Başkeçid rayonunun Muğanlı kəndində anadan olmuşdur. 1973-cü ildə Müğanlı kənd orta məktəbini "əla" qiymətlərələ bitirmiş və həmin ildə Gəncə (keçmiş Kirovabad) Dövlət Pedaqoji İnstitutuna daxil olmuşdur. 1977-ci ildə həmin İnstitutu fərqlənmə diplomu ilə başa vurmuş və təyinatı üzrə Füzuli Rayon Təhsil Şöbəsinin sərəncamına göndərilmişdir. 1977-80-ci illərdə Böyük Bəhmənli kəndində ixtisası üzrə - Azərbaycan dili və ədəbiyyat müəllimi kimi fəaliyyət göstərmişdir. Bu dövr ərzində o olduqca səmərəli və yaradıcı fəaliyyət göstərmiş, dərs dediyi siniflər üçün rayon səviyyəsində bəyənilən ədəbiyyat kabineti yaratmışdır. Onun dərs dediyi siniflərdə 27 nəfər şagirddən 16-sı "yaxşı" və "əla" qiymətlərələ oxumuşlar. Təsadüfi deyildi ki, bu dövrdə F.Yusifovun iş təcrübəsinin öyrənilməsi və yayılması barədə Təhsil Şöbəsinin xüsusi göstərişi olmuşdu. Amma 1980-ci ildə istehsalatdan ayrılmaqla aspiranturaya qəbul olunması onun burada başlanan işini yarımçıq qoymuşdu. 1980-83-cü illərdə Lenin adına APİ-nin ədəbiyyatın tədrisi metodikası ixtisası üzrə aspiranturasında (istehsalatdan ayrılmaqla) təhsil almış, həmin ildən də adı çəkilən institutda(hazırkı Azərbaycan Dövlət Pedaqoji Universiteti) əmək fəaliyyətinə başlamışdır. 1988-ci ildə namizədlik işini müdafiə edərək pedaqoji elmlər namizədi alimlik dərəcəsini almışdır.

Onun indiyə qədər ədəbiyyatın tədrisi sahəsində xeyli elmi-pedaqoji yazıları çar olunmuş, "Orta məktəbdə S.Ə.Şirvani əsərlərinin dilinin öyrədilməsi"(Bakı 2001), "Orta mktəbdə "Dastani Əhməd hərami"nin məzmununun öyrədilməsi"(Bakı 2003, "Məktəbdə ədəbiyyat dərslərinin təşkili"(Bakı 2003), "Məktəbdə Nəsimi əsərlərinin məzmununun öyrədilməsi"(Bakı 2004), "İfadəli oxu"(pedaqoji fakültə tələbələri üçün dərs vəsaiti, Bakı 2007), "Ədəbiyyatın tədrisi metodikası"(filologiya fakültənin tələbələri üçün dərs vəsaiti, Bakı 2008) adlı metodik vəsaitlərin müəllifidir. Respublikamızda fəal interaktiv təlim üzrə treninqlər keçmiş və bu sahə üzrə "təlimçi" sertifikatını almışdır. O elmi-pedaqoji fəaliyyəti, mətbuatda və televiziyadakı çıxışları ilə daim metodikanın ən aktual problemlərinə dair faydalı işlər görmüşdür. Hazırda ADPU-da öz müəllimlik işini davam etdirir.