Fəxri Proletar Döş Nişanı

Vikipediya, açıq ensiklopediya
Jump to navigation Jump to search

Fəxri Proletar Döş NişanıAzərbaycan SSR-in ilk dövlət mükafatı[1].

Tarixi[redaktə | əsas redaktə]

1920-ci ilin yayında təsis edilmiş və 1921-ci ilin sonunadək mövcud olmuşdur[1].

Ovalşəkilli formada gümüşdən düzəldilmiş və qızıl suyuna çəkilmiş bu nişanın ölçüsü 3,5 x 4,5 sm olmuş, hər iki tərəfdən yarpaqlarla haşiyələnmişdir (soldan hərbi xidmətləri simvolizə edən dəfnə yarpağı ilə, sağdan isə mülki xidmətləri simvolizə edən palıd yarpaqları ilə).

Fəxri nişanın aşağısında qırmızı rənglə mina qatı çəkilmiş lentin üzərində “АССР” (yəni - rus. Азербайджанская Советская Социалистическая Республика) abreviaturası həkk olunmuşdur. Nişanın ortasında Yer kürəsinin mavi və sarı rənglərlə minalanmış qabarıq təsviri üzərində üzüyuxarı şəkildə qırmızı rəngli ay-ulduz yerləşdirilmişdir. Nişanın yuxarı hissəsində 1920 rəqəmi yazılmışdır. Nişanın çevrəsi boyu ərəb qrafikası ilə “Azərbaycan Şura Cümhuriyyəti” sözləri yazılmışdır.[2]

Nişan Bakı zərgərləri tərəfindən əllə hazırlanırdı.[3]

Təltif olunanlar[redaktə | əsas redaktə]

Mükafat Azərbaycan İnqilab Komitəsinin qərarı ilə təltif edilirdi.

1920-1921-ci illərdə təxminən 20 nəfər Azərbaycan SSR İnqilab Komitəsinin qərarı ilə bu mükafatla təltif edilmişdir[1].

İstinadlar[redaktə | əsas redaktə]

  1. 1,0 1,1 1,2 Deputatın döş nişanının mənası nədir? - TƏHLİL
  2. Azərbaycan SSR-in ordenləri, medalları və döş nişanları — files.preslib.az saytı
  3. Санубар Касимова. Фалеристика Азербайджана первой половины XX века, «İRS- Наследие», №3, 2009 г., s. 24-28.