Fəxri Vəkilov

Vikipediya, açıq ensiklopediya
Jump to navigation Jump to search
Fəxri Vəkilov
Fəxri Məmmədrza ağa oğlu Vəkilov
Fəxri Vəkilov.jpg
bayraqAzərbaycan SSR səhiyyə nazirinin müavinibayraq
1952
bayraqBakı Şəhər İcraiyyə Komitəsi sədrinin 1-ci müavinibayraq
1959 — 1961
bayraqAzərbaycan Respublikası Nazirlər Soveti İşlər İdarəsinin müdiribayraq
1961 — 1963
bayraqAzərbaycan SSR Səhiyyə naziribayraq
1963 — 1970

Doğum tarixi 11 oktyabr 1916(1916-10-11)
Doğum yeri Salahlı, Qazax qəzası
Vəfat tarixi 2 fevral 1987 (70 yaşında)
Vəfat yeri Bakı, Flag of the Azerbaijan Soviet Socialist Republic.svg Azərbaycan SSR Flag of the Soviet Union.svg SSRİ



Fəxri Vəkilov - görkəmli səhiyyə təşkilatçısı, tibb alimi, bir neçə dəfə Azərbaycan SSR Ali Sovetinin deputatı, 1-ci dərəcəli Vətən Müharibəsi ordeni, Qırmızı Əmək Bayrağı ordeni, bir cox SSRİ medalları, Laosun Üç Fil ordeni ilə təltif etmişdir. 1947-1952-ci illərdə SSRİ Səhiyyə naziri olmuş Yefim İvanoviç Smirnovun (1904-1989) baş referenti, Azərbaycan SSR-nin Səhiyyə Naziri (1963-1970). Azərbaycanın əməkdar həkimi, səhiyyə əlaçısı, tibb elmləri namizədi.

ADR Parlamentinin üzvü, Azərbaycanda səhiyyənin ilk təşkilatçılarından biri olan Məmmədrza ağa Vəkilovun oğludur.

Şair Mənsur Vəkilovun atasıdır.

Həyatı və fəaliyyəti[redaktə | əsas redaktə]

1916-cı ildə oktyabr ayının 11-də Qazax qəzasının Yuxarı Salahlı kəndində ziyalı ailəsində anadan olmuşdur.

1937-1941-ci illərdə Azərbaycan Tibb İnstitutunda təhsil almışdır. İkinci dünya müharibəsi illərində sovet ordusunda xidmət etmiş, tibb xidməti kapitanı rütbəsinə qədər yüksəlmişdir. 1946-ci ildə müharibədən qayıtdıqdan sonra Tibb İnstitutunu bitirmişdir. Moskvada səhiyyə təşkilatçılarının ali kurslarını bitirdikdən sonra 1947-1952-ci illərdə SSRİ Səhiyyə naziri Yefim İvanoviç Smirnovun (1904-1989) şəxsi təşəbbüsü ilə həmin Naziirliyin aparatına işə dəvət edilmiş, nazirin baş referenti kimi 1952-ci ilə qədər orada çalışmışdır.

1952-ci ildə Azərbaycan SSR səhiyyə nazirinin müavini, 4-cü Baş İdarənin rəisi vəzifəsini daşımışdır. 1959-1961-ci illərdə Bakı Şəhər İcraiyyə Komitəsi sədrinin 1-ci müavini vəzifəsində işləmişdir. 1961-1963-cü illərdə Azərbaycan Respublikası Nazirlər Soveti İşlər İdarəsinin müdiri vəzifəsində çalışmışdır. 1963-1970-ci illərdə Azərbaycan SSR Səhiyyə Naziri olmuş, 1970-1976-ci illərdə Elmi-Tədqiqat Vərəm İnstitutunda direktor işləmişdir.

Ədəbiyyat və musiqi sərrafı, fortepinao və akkardeonda gözəl ifaçı idi.

Mükafatları[redaktə | əsas redaktə]

Fəxri Vəkilov Azərbaycanın əməkdar həkimi, Səhiyyə əlaçısı adını daşıyırdı. 1-ci dərəcəli Vətən Müharibəsi ordeni, Qırmızı Əmək Bayrağı ordeni, bir cox SSRİ medalları ilə təltif olunmuşdu.

Laos kralı Azərbaycanda səfərdə olarkən, şəxsən onu ölkəsinin Üç Fil ordeni ilə təltif etmişdi.

Tibb elmləri namizədi idi. Doktorluq dissertasiyası üzərində işləyirdi. Dəfələrlə Azərbaycan Ali Soveti deputatı seçilmişdir. Anadan olmasının 80 illiyi təntənə ilə qeyd edilmişdi.

Ailəsi[redaktə | əsas redaktə]

Böyük qızı Adilə xanım Vəkilova (1937) Azərbaycan Musiqi Akademiyasının pedaqoqlarından biridir. Oğlu mərhum şair və tərcüməçi Mənsur Vəkilov (1939-2009), "Литературный Азербайджан" (rus dilində) jurnalının baş redaktoru idi. Bir sıra kitabların müəllifi olmuşdur. Mənsurun xanımı İradə Vəkilova (1935-1998) jurnalist, "Бакинский рабочий" qəzetinin baş redaktoru idi. Onun da qələmindən bir sıra əsərlər çıxmışdır. Kiçik qızı Nailə xanım (1941) ata-babasının yolunu gedərək, özünə həkim peşəsini seçmişdir.

1987-ci ilin fevral ayının 2-də 70 yaşında dünyasını dəyişmişdi.

Mənbə[redaktə | əsas redaktə]

  • İsmayıl Umudlu. Vəkiloğulları, Bakı: "QAPP-poliqraf" nəşriyyatı, 2003, səh.388-389, 536 səh.

Həmçinin bax[redaktə | əsas redaktə]