Fəxriyyə İsayeva

Vikipediya, açıq ensiklopediya
Jump to navigation Jump to search
Fəxriyyə İsayeva
Fəxriyyə İsayeva.jpg
Doğum tarixi 2 iyul 1976 (1976-07-02) (42 yaş)
Doğum yeri Bakı
Milliyyəti Azərbaycanlı
Fəaliyyəti Aparıcı, redaktor, rejissor

Fəxriyyə Lilpar İsayeva - azərbaycanlı televiziya aparıcısı, redaktor, rejissor.

Həyatı[redaktə | əsas redaktə]

1976-cı ildə Bakıda anadan olub. 1983-1993-cü illərdə Bakı Şəhər 99 saylı orta məktəbdə təhsil alıb. 1993-cü ildə Tibb Məktəbinin "Müalicə işi" fakültəsinə daxil olub və oranı fərqlənmə ilə bitirib. Dövri mətbuatda yazılarla çıxış edib. 2005-2010-cu illərdə Azərbaycan Dövlət Mədəniyyət və İncəsənət Universitetinin rejissorluq fakültəsinə daxil olub və fərqlənmə ilə bakalavr pilləsini başa vurub. 2013-2015-ci illərdə Azərbaycan Dovlət Mədəniyyət və İncəsənət Universitetinin Rejissor sənətinin nəzəriyyəsi və təcrübəsi” ixtisası üzrə magistr pilləsini fərqlənmə ilə bitirib. 2017- ci ildə Bakı Xoreoqrafiya Akademiyasının doktoranturasına daxil olub. “Müasir Azərbaycan Teleməkanında incəsənət proqramlarının yaradıcılıq problemləri” mövzusunda elmi iş üzərində çalışır. Bu sahədə bir sıra məqalələr müəllifidir. İki övladı var.

Yaradıcılığı[redaktə | əsas redaktə]

2005-ci ildən İctimai Televiziya və Radio Yayımları Şirkətində müəllif, aparıcı, redaktor vəzfələrində çalışıb. Bir sira bədii-publisistik verilişlərin, o cümlədən ədəbi-bədii verilişlərin yaradıcısı və aparıcısı olub. İctimai Televiziyada “Ovqat” veriliçinin aparıcısı olub. Müxəlif səpgili sənədli filmləri və bir sıra verilişləri kadrarxası səsləndirib. TRT-nin “Türkiyənin səsi” radiosunda “Dədə Qorqud” layihəsinin aparıcısı kimi çalışıb. Görkəmli ədiblərin həyat və yaradıcılıqlarını əks etdirən portret verilişlər və yaradıcılıq gecələrinin müəllifi və aparıcısı olub. O cümlədən İctimai Radioda uzun illər “Yeni gün”, Radioalmanax”, “Həmişə istirahətdə” , eyni zamanda qadın proqramının və bədii-əyləncəli verilişlərin müəllif və aparıcısı olub. 2013-cü ildə Azad Azərbaycan Tele-Radio Şirkətinin 106.3 Fm-də “Zərif bənd” Qadın proqramının müəllif və aparıcısı olub. 2015-ci ildən Lider Televiziyasında “Xəzərin sahilində” verilişinin müəllif və aparıcısıdır. Verilişdə cəmiyyətdə fəaliyyət göstərən ziyalılar öz həyat və fəaliyyəti, həyat fəlsəfəsi haqqında fikirlərini tamaşaçılarla bölüşür. İTV və ATV-nin istehsalı olan bir sıra filmlərdə cəkilb.

Xarici keçidlər[redaktə | əsas redaktə]