Faiq İsmayılov

Vikipediya, açıq ensiklopediya
Jump to navigation Jump to search
Faiq İsmayılov
Faiq İsmayılov (İqtisad Universiteti - 2015).jpg
Doğum tarixi 1957
Doğum yeri
Peşəsi yazıçı
Commons-logo.svg Vikianbarda əlaqəli mediafayllar

Faiq İsmayılov (İsmayılov Faiq İslam oğlu; 1957, Laçın) — Azərbaycanın İşğal Olunmuş Ərazilərindəki Tarix və Mədəniyyət Abidələrini Müdafiə Təşkilatı ictimai birliyinin sədri.[1]

Həyatı[redaktə | əsas redaktə]

Faiq İsmayılov 1957-ci ildə Laçın şəhərində anadan olmuş, 1959-cu ildə onun valideynləri Mirik kəndinə köçərək 18.05.1992-ci ilədək orada yaşamışdır. 1972-ci ildə Mirik kənd VIII illik, 1974-cü ildə isə Qarıqışlaq kənd orta məktəbini bitirmişdir. F.İsmaayılov 1970-1975-ci illərdə "Laçın" rayon qəzetinin nəzdindəki "İşıqlı üfüqləri" ədəbi dərnəyin üzvü olmuş həmin qəzetdə bir çox bədii yazılar və məqalələrlə çıxış etmişdir. İlk yaradıcılığa bu dərnəkdən başlayan F.İsmayılov, 1971-ci ildən "Laçın" qəzetində ədəbi və publisistik yazılarla çıxış edirdi. O, çox keçmədi ki, respublika mətbuatında da çap olunmağa başladı.

F.İsmayılov 1975-1977-ci illərdə Özbəkistanın Nəvai şəhərində hərbi xidmətdə olmuş, nümunəvi əsgər kimi bir neçə dəfə komandanlığın təşəkkürlərinə və fəxri fərmanlarına layiq görülmüşdür. Hərbi xidməti başa vurduqdan sonra, 1977-ci ilin may ayından Bakı Baş Qaz Aparatları zavodunda çilingər kimi əmək fəaliyyətinə başlamış, 1978-ci ildə M.A.Əliyev adına Azərbaycan Dövlət İncəsənət İnstitunun mədəni-maarif fakültəsinə qiyabi daxil olaraq, 1983-cü ildə oranı müvəffəqiyyətlə bitirmişdir. 1978-ci ildən 1985-ci ilədək Laçın rayonu Ocaqqulu adına Kolxoz Komsomol Komitəsinin katibi,1985-ci ildən 1991-ci ilədək Rayon İcraiyyə Komitəsində şöbə müdiri, 1991-ci ildən 1996-cı ilədək Laçın rayon İcra Hakimiyyətində əvvəl Məsləhətçi, sonra isə Başçının köməkçisi, Şöbə müdiri və daha sonralar İcra Başçısının İqtisadi məsələlər üzrə müavini vəzifələrində işləmişdir.

F.İ.İsmayılov ömrünün ən gənc çağlarını doğulduğu Laçın rayonunun inkişafına və çiçəklənməsinə sərf etmişdir. Belə ki, o müxtəlif illərdə Laçın rayon komsomol, rayon icraiyyə komitəsi, rayon mədəniyyət şöbəsi və rayon İcra Hakimiyyəti başçısı aparatında müxtəlif vəzifələrdə çalışmış, rayon İcra başçısının müavini vəzifəsinədək şərəfli bir həyat yolu keçmiş, 1985-ci ildə Laçın Şəhər Sovetinin deputatı seçilmişdir.

18 may 1992-ci ildə Laçın rayonu Ermənistan Silahlı Qüvvələri tərəfindən işğal edildikdən sonra o, Ağcabədi rayonunun Taxtakörpü ərazisində Laçın rayonundan olan məcburi köçkünlərin yerləşdirilməsində iştirak etmişdir. O, xatirələrində yazırdı:-"Mən... Taxtakörpüdə işə çıxdım. Gördüklərim məni dəhşətə gətirirdi. Burada məskunlaşan insanlar, sözün əsl mənasında cəhənnəm əzabı yaşayırdılar. Bu ərazidəki qış yataqlarında insanların bəziləri yeraltı qazmalarda, bəziləri tövlələrdə, bəziləri isə qoyunlar üçün tikilmiş kəriskələrdə məskunlaşmışdılar. Hər tövlədə böyüklüyündən asılı olaraq 3-5 ailə birlikdə yaşayırdılar. Havalar qızdıqca ağcaqanad və birələr insanlara əziyyət verirdi. İçməli su çatışmırdı, demək olar ki, hər gün, hər yataqda cəbhə bölgələrində həlak olan insanların yas mərasimləri keçirilirdi. Evlərdən insan hıçkırıqları kəsilmirdi. Adını bilmədiyimiz müxtəlif xəstəliklər baş qaldırırdı, uşaq ölümləri az qala kütləvi hal alırdı. Dərman, sarğı və qida ehtiyatımız yox idi. Yataqları gəzmək və ya əlaqə saxlamaq üçün nəqliyyat və rabitə vasitələrimiz çatışmırdı."

1992-ci ilin iyun ayından 1993-cü ilin aprel ayına qədər Laçın rayonunun şimal hissəsində erməni işğalçılarından azad edilən 80–ə yaxın kənddə mülki vətəndaşların yaşayışı üçün həyat şəraitinin bərpası, hərbçilər üçün istehkam va qurğuların tikintisi məqsədi ilə yaradılmış qərargahın üzvü olmuşdur. O, məcburi köçkünlərin həyat şəraitinin yaaxşılaşdırılması üçün bütün qüüvvəsi ilə çalışırdı. 1995-ci ildə tutduğu vəzifədən naməlum səbəblərə görə uzaqlaşdırılan F.İsmayılov 1996-cı ilin fevral ayından ölkəni tərk etmək məcburiyyətində qaldı.

1996-cı ildən 2001-ci ilə qədər Rusiya Federasiyasının Saxa Yakutiya Respublikasının Vilyuysk şəhərində az sonra isə həmin rayonun Kızılsır qəsəbəsində yaşayıb işləmişdir. Yaşadığı ərazidə əhalinin ictimai həyatına qaynayıb qarışan və orada özünə böyük hörmət qazanan F.İsmayılov, yerli əhali arasında "Azer" ləqəbi ilə tanınırdı.

F.İsmayılov 2001-ci ildə Azərbaycana qayıdaraq ölkənin ictimai-siyasi həyatında çalışmağa baəladı. Onun məqsədi Azərbaycanın İşğal Olunmuş Ərazilərində sahibsiz qalmış tarix və mədəniyyət abidələrinin məhvinə yönəlmiş antihumanist hərəkətləri ifşa etmək, bununla da Bəşər Mədəniyyətinə erməni təcavüzünü Beynəlxalq səviyyədə təbliğ etmək idi. O, bu istiqamətdə bir çox önəmli layihələr həyata keçirdi. 2011-ci ildə Azərbaycanın milli-mədəni dəyərlərinin məhvinə görə Strasburq məhkəməsində Ermənistana qarşı Məhkəmə iddiasının qaldırılmasına nail oldu.

2014-cü ilin fevral ayının 26-da, Azərbaycan Respublikasının baş Naziri A.Rasicadənin 51 saylı sərəncamı ilə Nazirlər Kabineti tərəfindən təşkil edilən “Azərbaycan Respublikası Ərazilərinin Ermənistan Silahlı Qüvvələrinin İişğalı Nəticəsində İtki və Tələfatların Qiymətləndirilməsi üzrə İşçi Qrupu”nun üzvü təyin edilmişdir.

F.İsmayılov 2003-cü ildə "Tarixin faciəsi, Laçın" kitablarını və 2004-cü ildə "Qarabağ" albomunu, 2007-ci ildə "Alban mədəniyyətinə erməni təcavüzü", 2009-cu ildə "Məcburən erməniləşdirilmə", 2012-ci ildə "LAÇIN: HƏQİQƏTLƏR, MÜLAHİZƏLƏR, TARİXİ DƏYƏRLƏR ..." 2013-cü ildə “Tarix və mədəniyyət abidələrinin qorunması,istifadəsi və bərpası barədə təlimatlar” 2014-cü ildə "Azıx", 2014-cü ildə “Azərbaycanın işğal olunmuş ərazilərindəki taarix və mədəniyyət abidələrinin beynəlxalq standartlara uyğun qiymətləndirilməsi metodologiyası” kitablarını nəşr etdirmişdir.

2004-cü ildə Azərbaycanın İşğal olunmuş Ərazilərindəki Tarix və Mədəniyyət Abidələrini Müdafiə Təşkilatı İctimai birliyini yaratmışdır və həmin təşkilatın sədridir.

2014-çü il tarixdən Azərbaycan Respublikası Nazirlər Kabineti yanında İtki və Təlafatların qiymətləndirilməsi üzrə işçi qrupun üzvüdür.

2016-cı ilin Oktyabır ayından AMEA Hüquq və İnsan Haqları İnstitunun İnformasiya şöbəsində elmi işçisi kimi çalışır

2017-ci ildə Azərbaycan Memarlar İttifaqı İdarə Heyətinin üzvü seçilmişdir.

Ailəsi[redaktə | əsas redaktə]

Ailəlidir, üç övladı və nəvələri var.

* İsmayılova Nüşabə Məmməd qızı yoldaşı, 
* Zöhrə qızı, 
* Ruslan oğlu, 
* Amil oğlu.

Əsərləri[redaktə | əsas redaktə]

  • "Tarixin faciəsi: Laçın" – 2003-cü il
  • "Qarabağ" albomu – 2004-cü il
  • "Alban mədəniyyətinə erməni təcavü" – 2007-ci il
  • "Məcburən erməniləşdirilmə" – 2009-cü il[2]
  • "LAÇIN: həqiqətlər, mülahizələr, tarixi dəyərlər"-2012-ci il [Mənbə göstərin]
  • “Tarix və mədəniyyət abidələrinin qorunması,istifadəsi və bərpası barədə təlimatlar” - 2013-cü il
  • “Azərbaycanın işğal olunmuş ərazilərindəki taarix və mədəniyyət abidələrinin beynəlxalq standartlara uyğun qiymətləndirilməsi metodologiyası” - 2014-cü il
  • Azıx - 2014-cü il
  • Azərbaycanın İşğal Olunmuş Ərazilərindəki Tarix və Mədəniyyət Abidələrinə vurulan zərər – 2016-cı il.
  • Historikal and cultural monuments in the occupied territories of Azerbaijan: Damge and loss - 2016
  • http://ebooks.azlibnet.az/book-Bk5zDEay.html

Həyata keçirdiyi layihələr[redaktə | əsas redaktə]

  • "Qarabağ abidələri tariximizin əbədi yaddaşıdır". 2009-cu il.
  • "Ermənistan tərəfindən işğal olunmuş ərazilərdə Azərbaycan vətəndaşlarının mülkiyyət hüquqlarının bərpası ilə bağlı Avropa insan hüquqları məhkəmələrinə işlərin hazırlanması". 2010-cu il.
  • "Erməni təcavüzündən zərər çəkən Azərbaycan vətəndaşlarının mülkiyyət hüquqlarının bərpası ilə bağlı Avropa İnsan Hüquqları Məhkəməsində Ermənistana qarşı Məhkəmə iddiasının qaldırılması". 2011-ci il.[Mənbə göstərin]
  • Abidələrin qorunması, mühafizəsi və qeydiyyatı ilə bağlı metodiki tövsiyələrin hazırlanması, Azərbaycan Mədəniyyətinin inkişafında yeni ənənənin başlanğıcı olacaq.
  • Azərbaycanın ornamental bədii daş sənəti nümunələrinin və digər mədəni dəyərlərimizin ermənilər tərəfindən mənimsənilməsinin qarşısının alınması tədbirləri haqqında.2014-cü il
  • Erməni vandalizmi ilə bağlı Türkiyə və Avropa ölkələrində tədbirlərin təşkili-2015-ci il
  • Ermənistandakı Metsamor AES-nin yarada biləcəyi fəsadlar və onların aradan qaldırılması yolları haqqında hesabatın hazırlanması 2016-cı il
  • İşğal altındakı mədəni-dəyərlərimizin Elektron Məlumat Bazasının yaradılması, xarici ölkələrdə erməni vandalizminin ifşasına şərait yaradacaqdır. 2017-ci il

Məqalələri[redaktə | əsas redaktə]

  • Alban dövrü memarlıq abidələri məqsədli şəkildə erməniləşdirilir.
  • Dağıdılan.., dəyişdirilən.., erməniləşdirilən.., Şuşamız...
  • İşğal Altındakı Ərazilərdə Monumental İncəsənət nümunələrinin və İslam dini abidələrinin ermənilər tərəfindən dağıdəlmasının səbəbləri.
  • Azərbaycan həqiqətlərinin beynəlxalq müstəvidə təbliği necə olmalıdır?
  • Ermənilər Qarabağda xəzinə axtarırlar.
  • Ermənistan işğal altında saxladığı ərazilərimizin görkəmini tanınmaz hala gətirir...
  • Azərbaycanın işğal altındakı ərazilərindəki Alban dövrü xaç rəmzləri erməniləşdirilir.
  • Ermənistan işğalının qaçqın və məcburi köçkün əhalinin təbii artımına təsiri
  • Laçın “koridoru”: - Ermənistanın vaz keçə bilmədiyi ərazi.
  • Şahbulaq qıfılı, yoxsa “Tiqrankert” əfsanəsi?
  • Təhsil Nazirliyindən daha bir dezinformasiya.
  • Erməni işğalının görünməyən tərəfləri
  • Ağılli olmaq xəstəliyi.
  • Ayaz Mütəllibov uğradığı məğlubiyyətin məsuliyyətini köçkünlərin üzərinə qoymağa çalışırdı...
  • "Daş yuxular"
  • ERMƏNİ XAÇKARLARI: Mifologiya, yoxsa reallıq?
  • Erməni xofu...
  • Laçının Tarix və Mədəniyyət Abidələri
  • Erməni mətbuatında əhalinin sosial durumunun dilənçilik həddinə çatması barədə aparılan təbliğat kampaniyası, siyasi avantüradan başqa bir şey deyil.
  • Ermənilərin mənəvi varislik layihəsi, Yoxsa erməni katalikosunun növbəti hiyləsi?
  • Qarabağ turizminin inkişafı üçün Ermənistan 10-dan çox muzey yaradıb.
  • Qarabağın təbii sərvətləri belə talan edilir və ya bilmədiyimiz həqiqətlər...
  • Ermənistandakı Metsamor (AES) dünya üçün niyə təhlükəli sayılır?
  • Mağavuz kəndi Ermənistanın ekoloji terror siyasətinin qurbanı oldu.
  • İşğal altındakı tarixi abidələrin sahibi kimdir?
  • İşğal altındakı mədəni irsimizə vurulan zərbə.
  • “Tarix və Mədəniyyət abidələrinin qorunması haqqında”
  • 10 aprel 1998-ci il tarixli Azərbaycan Respublikasının qanununu rəhbər tutaraq, tərəfimizdən işğal olunmuş ərazilərimizdəki milli-mədəni dəyərlərimizin təhlili bu sahədə nöqsanlarımızın olduğunu üzə çıxarır.
  • Məcburən erməniləşdirilmə: Ağdam-Ani, Şahbulaq-Tiqrankert oldu. Bəs sonra?
  • Qarabağda Rusiya bazarları üçün araq istehsal olunur.
  • Ermənistan Hökuməti, Dağlıq Qarabağa Xristian əraziləri görkəmi verir.
  • Qarabağın xarabalıqları ermənilərə gəlir gətirir.
  • Müsəlman məscidlərinin təhqir edilməsi Ermənistanın Dövlət siyasətidir.
  • Populyar olmağın iki yolu...
  • Prezidentin sərəncamı təcili icra olunmasa mədəni irsimizin qorunması və mühafizəsi işləri iflasa uğrayacaq.
  • Azərbaycanda “Tiqranakert” adlı tarix muzeyi fəaliyyətə başlayıb.
  • Ermənistandan fərqli olaraq, Azərbaycan tolerant ölkədir.
  • Türkiyə-Ermənistan münasibətlərinə İqbal Ağazadənin “Ümid”-li baxışı.
  • Valideyn himayəsindən məhrum, yetim və kimsəsiz uşaqların orta təhsildən sonrakı həyatlarına kim məsuliyyət daşımalıdır?
  • Şahbulaq qıfılı, yoxsa “Tiqrankert” əfsanəsi?
  • Beynəlxalq Böhran Qrupu, Dağlıq Qarabağda status kvonun saxlanmasında maraqlıdır.
  • Kainatın dərk edilməsində Qarabağ Kabbalahı fəlsəfəsi.
  • НАСИЛСТВЕННАЯ АРМЕНИЗАЦИЯ. Причины арменизации Южного Кавказа
  • Принудительная арменизация.
  • Что такое хачкары?
  • Армянский вандализм против Азербайджанских памятников
  • В Карабахе идет масштабное обармянивание албанских и тюркских памятников
  • Армения выступила с идеей создания на оккупированных территориях Азербайджана курдской области
  • Немного природа и истории Нагорного Карабаха
  • Архитектурно историческое памятники Карабаха.
  • Памятники Гадрутского региона
  • Памятники Мартунинский регион
  • Памятники Каркарской долины.
  • Памятники Агдеренский регион
  • Памятники долина Хачен
  • КУЛЬТУРНЫЕ ЦЕННОСТИ: НАСЛЕДИЕ И ОТВЕТСТВЕННОСТЬ
  • УКРЫТИЕ ДВИЖИМЫХ КУЛЬТУРНЫХ ЦЕННОСТЕЙ
  • Gasimushagi carpets – Azerbaijani culture under threat
  • The Azykh Cave – emblematic of Armenian destruction
  • QARABAĞ sindromu...
  • Laçın koridoru: barıt qoxulu,  erməniləşmiş  torpaq...
  • Putin Qarabağ probleminin həllində Azərbaycanın mövqeyini müdafiə etsə, Rusiyanın Qafqaz siyasətinə xəyanət etmiş olar.
  • Архитектурно историческое   памятники Гадрутского регионa

Vebsayt[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Faiq İsmayılov ilə əlaqəli mediafayllar var.