Faiq Ağayev (hüquqşünas)

Vikipediya, azad ensiklopediya
Jump to navigation Jump to search
Faiq Ağayev
Faiq Bahadur oğlu Ağayev
Faiq Bahaduroglu.jpg
Doğum tarixi 12 noyabr 1986 (1986-11-12) (33 yaş)
Doğum yeri Azərbaycan SSR, Bakı
Vətəndaşlığı Azərbaycan Azərbaycan
Milliyyəti azərbaycanlı
İxtisası Hüquqşünaslıq ixtisası
Təhsili Bakı Dövlət Universiteti
Fəaliyyəti Dövlət qulluğunun baş müşaviri
Mükafatları "Tərəqqi" medalı

Faiq Ağayev (Tam adı:Faiq Bahadur oğlu Ağayev; d.12 noyabr 1986; Azərbaycan SSR, Bakı) — Hüquqşünas, Azərbaycan Respublikasının İnsan Hüquqları üzrə Müvəkkilinin (Ombudsmanın) Aparatında Hüquqi maarifləndirmə, elmi-analitik, informasiya və beynəlxalq əlaqələr şöbəsinin müdiri.

Həyatı[redaktə | əsas redaktə]

Faiq Ağayev 12 noyabr 1986-cı ildə Bakı şəhərində anadan olub. 1991-2001-ci illərdə Bakı şəhəri 159 saylı orta məktəbdə orta təhsil alıb. Orta məktəb illərində riyaziyyat fənni üzrə məktəb və rayon olimpiadalarının qalibi olub. 2001-2005-ci illərdə Bakı Dövlət Universitetinin Tətbiqi Riyaziyyat və Kibernetika fakültəsinin, İnformatika ixtisasında təhsil alıb, bakalavr təhsilini fərqlənmə diplomu ilə başa vurub. 2005-2007-ci illərdə Bakı Dövlət Universitetində Tətbiqi Riyaziyyat və Kibernetika fakültəsi, İnformatika ixtisası üzrə magistr təhsili alıb. 2007-2011-ci illərdə Bakı Dövlət Universitetində əlavə təhsil olaraq hüquqşünaslıq ixtisasına yiyələnib, 2013-2015-ci illərdə Azərbaycan Dövlət İqtisad Universitetində Biznesin təşkili və idarə edilməsi fakültəsində, “Beynəlxalq biznes üzrə” ixtisası MBA magistr dərəcəsi alıb. 2013-cü ildən AMEA-nın İdarəetmə Sistemləri İnstitutunda dissertantdır.

Fəaliyyəti[redaktə | əsas redaktə]

İnsan hüquqlarına dair 21 elmi məqalələrin[1] [2] [3]müəllifi olan F.Ağayev 2006-cı ildən indiyədək Azərbaycan Respublikasının İnsan Hüquqları üzrə Müvəkkilinin (Ombudsmanın) Aparatında çalışır. 2016-cı ildən Azərbaycan Respublikasının İnsan Hüquqları üzrə Müvəkkilinin (Ombudsmanın) Aparatında Hüquqi maarifləndirmə, elmi-analitik, informasiya və beynəlxalq əlaqələr şöbəsinin müdiridir. Dövlət qulluğunun baş müşaviridir. Eyni zamanda 2017-ci ildən indiyədək Bakı Dövlət Universitetinin “İnsan hüquqları və informasiya hüququ üzrə YUNESKO” kafedrasının müəllimidir.

Haqqında məqalələr olan kitablar[redaktə | əsas redaktə]

  • Azərbaycan XXI əsrə İstedadlarla” kitabının ilk cildi;
  • 777 sual” kitab;
  • Hamımızın bir vətəni var – Azərbaycan” adlı kitab;
  • Azərbaycan Uşaq və Gənclərin Sülh Şəbəkəsi – 10 il” kitabı

Təltifləri[redaktə | əsas redaktə]

Azərbaycan Respublikası Prezidenti cənab İlham Əliyevin 23 dekabr 2016-cı il tarixli Sərəncamı ilə “Tərəqqi” medalı ilə təltif edilib. [4]

İstinadlar[redaktə | əsas redaktə]

Xarici keçidlər[redaktə | əsas redaktə]