Faksimile
Faksimile (lat. fac simile — "oxşarını et", "eynisini yarat") — hər hansı bir orijinal nəşrin, əlyazmanın, imzanın, rəsmin, çertyojun, qravüranın və ya monoqramın kağız və cild xüsusiyyətləri də daxil olmaqla, bütün qrafik elementlərini nöqtəsinə qədər dəqiqliklə təkrar edən nəşr növüdür.[1] Dünya poliqrafiya tarixində bu tipli ilk nəşr 1808-ci ildə Münxen şəhərində işıq üzü görmüşdür. Həmin vaxt litoqrafiya (daşbasma) üsulu ilə alman dilində çap olunmuş yeganə nüsxə olan "Xristianların türklərə qarşı xəbərdarlığı" kitabının dəqiq faksimile surəti hazırlanmışdı.[2]
Ukrayna nəşriyyat tarixində görkəmli şair Taras Şevçenkonun "Kiçik kitab" (ukr. Оренбурзька або Мала книжка) və "Böyük kitab" (ukr. Більша книжка) adlı əsərləri məhz bu üsulla — faksimile formasında nəşr edilmişdir.[3]
Bəzən faksimile nəşrlər səhvən reprint nəşrlərlə eyniləşdirilir. Lakin reprint nəşrlər əsərin məzmununu olduğu kimi bərpa etsə də, orijinalın kağız fakturası, cild materialı, köhnəlmə izləri və digər fiziki-vizual xüsusiyyətlərini tam şəkildə hifz edib saxlamaq məqsədi güdmür.[4]
İstinadlar
[redaktə | vikimətni redaktə et]- ↑ Glaister, Geoffrey Ashall. Glaister's Glossary of the Book: Terms used in paper-making, printing, bookbinding and publishing (ingilis). University of California Press. 1996. 165–168. ISBN 978-0520205703.
- ↑ Twyman, Michael. Early Lithographed Books: A study of the design and production of improper books in the age of the hand press (ingilis). Farrand Press. 1990. 72–78. ISBN 978-1851830176.
- ↑ Borodin, V. S. Taras Shevchenko: A Biography and Textual Studies (ukrayna). Naukova Dumka. 1984. 210–215.
- ↑ Savage, Albert. "Facsimile vs. Reprint: Definitions in Modern Bibliography". The Library (ingilis). 12 (3). 2005: 315–322.