Fazil Nəcəfov
| Fazil Nəcəfov | |
|---|---|
| Fazil İmamverdi oğlu Nəcəfov | |
 | |
| Doğum tarixi | 16 fevral 1935 |
| Doğum yeri | Bakı |
| Fəaliyyəti | Heykəltəraşlıq, Rəssamlıq |
| Təhsili |
|
| Üslub | Avangard |
| Mükafatları |
 |
Fazil Nəcəfov (16 fevral 1935, Bakı) — heykəltəraş-rəssam, Azərbaycan Respublikasının xalq rəssamı.[1] Azərbaycanda heykəltəraşlıq sənətində avangardlıq üslubun təsisçisi. [2]
Həyatı[redaktə | əsas redaktə]
Nəcəfov Fazil İmamverdi oğlu 1935-ci ildə Bakıda dünyaya göz açıb. 1955-ci ildə Ə.Əzimzadə adına Azərbaycan Dövlət Rəssamlıq Məktəbini bitirib. Bu sənət məbədində Fuad Əbdürrəhmanov və Səlim Quliyev kimi sənətkarlardan heykəltəraşlığın sirlərini öyrənib.[3]
Fazil Nəcəfov 1961-ci ildə V.İ.Surikov adına Moskva Ali Rəssamlıq İnstitutundan məzun olub. 60-cı illərdən sərgilərdə iştirak edən rəssamın “İzahat” adlı heykəl kompozisiyası, daha sonra isə “Neftçi” əsəri ictimaiyyətin diqqətini cəlb edib.[4]
Heykəltəraşın emalatxanasında “Qara ay“, “Korlar“, “Mələk“, “Həyatın mərtəbələri“, “Zamanın sədası“, “Söhbət“, “İstirahət edən qoca“, “Minillik insan“, “İbadət“, “Əkizlər“, “Fontan“ kimi nümunələr var.
Hazırda Bakıda Müasir İncəsənət Muzeyinin toplusunun əhəmiyyətli hissəsi Fazil Nəcəfovun əsərlərindən ibarətdir.[5]
2002-ci ildə Azərbaycan Respublikasının Prezidenti Heydər Əliyevin fərmanına əsasən Fazil Nəcəfov Azərbaycan Respublikasının Xalq Rəssamı adına layiq görülmüşdür.[6]
2014-cü ildə Nəcəfov Bakının mərkəzində quraşdırılmış görkəmli Azərbaycan bəstəkarı Qara Qarayevin abidəsini yaratmışdır.[7]
2019-cu ilin yanvarında Fazil Nəcəfovun yaradıcılığına həsr olunmuş "Göyə baxan daşlar" sənədli filminin təqdimatı keçirildi.[8]
Filmoqrafiya[redaktə | əsas redaktə]
İstinadlar[redaktə | əsas redaktə]
- ↑ "Təsviri sənət xadimlərinə Azərbaycan Respublikası fəxri adlarının verilməsi haqqında AZƏRBAYCAN RESPUBLİKASI PREZİDENTİNİN FƏRMANI". e-qanun.az.
- ↑ Каракмазли Д. «В камне я слышу долгое молчание». 2009 год
- ↑ Nəcəfov, F. “Yaxşı sənətkar hər yerdə özünü sübut edəcək”: [Xalq rəssamı, heykəltəraş Fazil Nəcəfovla müsahibə] /müsahibəni apardı Lalə Azəri //Mədəniyyət.- 2015.- 15 may.- S.13.
- ↑ "Yaxşı sənətkar hər yerdə özünü sübut edəcək". anl.az. Mədəniyyət (15 may 2015).
- ↑ Əfəndizadə R. Bakıda Qara Qarayevin heykəli. 2014 il
- ↑ "Təsviri sənət xadimlərinə Azərbaycan Respublikası fəxri adlarının verilməsi haqqında Azərbaycan Respublikası Prezidentinin Fərmanı" (azərb.). e-qanun.az (2002).
- ↑ Памятник Кара Караеву — памятник, который стал украшением Баку
- ↑ Xalq rəssamı Fazil Nəcəfov haqqında film çəkilib
