Fazil Sadıqov

Vikipediya, açıq ensiklopediya
Jump to navigation Jump to search
Fazil Sadıqov
azərb. Sadıqov Fazil İslam oğlu
Fazil Sadıqov.jpg
Fazil Sadıqov
Doğum tarixi 10 sentyabr 1949 (1949-09-10) (69 yaş)
Doğum yeri Ərəfsə, Sisiyan rayonu, Zəngəzur, Qərbi Azərbaycan, Flag of the Armenian Soviet Socialist Republic.svg Ermənistan SSR, Flag of the Soviet Union.svg SSRİ
Vətəndaşlıq Flag of Azerbaijan.svg Azərbaycan
Elm sahəsi fizika-riyaziyyat
İş yeri Azərbaycan Təhsil İşçiləri Azad Həmkarlar İttifaqı Nəsimi RŞ-nin sədri
Elmi dərəcəsi fizika-riyaziyyat elmləri namizədi
Elmi adı dosent
Mükafatları "Azərbaycan Respublikasının Qabaqcıl Təhsil işçisi"
Azərbaycan Respublikasının əməkdar müəllimi (01.10.2012)

Fazil Sadıqov (azərb. Sadıqov Fazil İslam oğlu‎; d. 10 sentyabr 1949, Qərbi Azərbaycan, Sisiyan rayonu, Ərəfsə) — Fizika-riyaziyyat elmləri namizədi, Azərbaycan Respublikasının əməkdar müəllimi (01.10.2012)[1], "Azərbaycan Respublikasının Qabaqcıl Təhsil işçisi", Azərbaycan Təhsil İşçiləri Azad Həmkarlar İttifaqı Nəsimi RŞ-nin sədri.

Həyatı[redaktə | əsas redaktə]

Fazil Sadıqov 10 sentyabr 1949-cu ildə Qərbi Azərbaycanın Sisiyan rayonunun Ərəfsə kəndində anadan olmuşdur.[2]

Kənd 8 illik məktəbini bitirdikdən sonra təhsilini Culfa şəhər 1 saylı, Naxçıvan şəhər internat məktəbində davam etdirmiş, orta məktəbi medalla başa vurmuşdur.[2]

1966-cı ildə bir imtahan verərək Azərbaycan Dövlət Universitetinin fizika fakültəsinin I kursuna daxil olmuş, 1971-ci ildə universiteti bitirmişdir.[2]

Fazil Sadıqov 1971-1973-cü illərdə Sovet ordusu sıralarında İrəvan şəhərində leytenant rütbəsi ilə vzvod və rota komandiri vəzifələrində qulluq etmişdir.[2]

1973-1991-ci illərdə SSRİ Müdafiə Nazirliyinin Moskva Tətbiqi fizika institutunun Bakı filialında (sonralar müstəqil fəaliyyət göstərən, tərkibində "Alunit" zavodu olan fotoelektronika institutu) baş laborant, mühəndis, böyük mühəndis, aparıcı mühəndis, raykom hüquqlu həmkarlar ittifaqı komitəsinin sədri vəzifələrində çalışmışdır.[2]

SSRİ Müdafiə Sənayesi işçiləri Mərkəzi Komitəsinin, Azərbaycan Həmkarlar İttifaqı Şurasının üzvü olmuş, həmin təşkilatların qurultaylarının nümayəndəsi olmuşdur.[2]

Fizika-riyaziyyat elmləri namizədidir. 27 elmi məqalənin, 2 müəlliflik şəhadətnaməsinin və 13 təkmilləşmə təklifinin müəllifidir.[2]

İnstitutdakı işləri Varşava paktı ölkələrinin silahlı qüvvələri üçün kütləvi istehsal olunmuş, SSRİ Müdafiə Sənayesi Nazirliyinin SSRİ Müdafiə sənayesi işçiləri həmkarlar ittifaqı Mərkəzi Komitəsinin birgə qərarı ilə “Jiquli VAZ 2106” minik maşını ilə mükafatlandırılmışıdır.[2]

1991-2000-ci illərdə Heydər Əliyev adına Azərbaycan Ali Hərbi Məktəbində dosent vəzifəsində çalışmış. Müstəqil Azərbaycanın Milli Ordusu üçün zabitlərin yetişdirilməsində fəal iştirak etmişdir.[2]

2000-ci ilin dekabrından 2002-ci ilin oktyabrınadək Nəsimi rayon təhsil şöbəsində müfəttiş işləmişdir.[2]

2002-ci ilin oktyabrından bu günədək Azərbaycan Təhsil İşçiləri Azad Həmkarlar İttifaqı Nəsimi RŞ-nin sədri vəzifəsində çalışır.[2]

Fazil Sadıqov "Azərbaycan Respublikasının Qabaqcıl Təhsil işçisi"dir[2]. 2012-ci ildə Azərbaycan Respublikasının əməkdar müəllimi adına layiq görülmüşdür[1].

Rusiya, Türkiyə, Kosovo ölkələrindəki forumlarda Respublika Həmkarlar İttifaqı təşkilatını təmsil etmişdir.[2]

Ailəsi[redaktə | əsas redaktə]

Ailəlidir. Bir övladı var.[2]

İstinadlar[redaktə | əsas redaktə]

  1. 1,0 1,1 Azərbaycan Respublikasının təhsil işçilərinə “Əməkdar Müəllim” fəxri adının verilməsi haqqında Azərbaycan Respublikası Prezidentinin 1 oktyabr 2012-ci il tarixli Sərəncamı
  2. 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 Araz Yaquboğlu, Tələbə dünyası. Bakı: "Elm və təhsil", 2011.