Fernanda Qaray

Vikipediya, azad ensiklopediya
Jump to navigation Jump to search
Fernanda Qaray
Fe Garay, Grand Prix Łódź, Poland.jpg
Şəxsi məlumatlar
Tam adı Fernanda Garay Rodrigues
Ləqəbi Fe Qaray
Vətəndaşlıq Braziliya Braziliya
Doğum tarixi 10 may 1986 (1986-05-10) (33 yaş)
Doğum yeri Braziliya Porto Aleqre Braziliya
Boyu 179 sm
Çəкisi 74 kq

Fernanda Qaray ( tam adı Fernanda Garay Rodrigues ) (d. 10 may 1986 - Porto Aleqro, Braziliya) — Braziliyalı voleybolçu.

Karyerası[redaktə | əsas redaktə]

Uşaqlıqdan bu idmanla məşğul olan Fernandanın arzusu elə voleybolçu olmaq imiş. 2002-ci ildən peşəkar karyerasına başlayan Qaray 2010-cu ilə Braziliyanın müxtəlif klublarında forma geyib. Meydandakı çeviklik və qüvvətli hücumları onun Yaponiya klubu "NEC Red Rockets"in marağına səbəb olub. 2010-cu il onun üçün ölkə xaricində oynamaqla yanaşı daha bir ilklə yadda qalıb. Mariana Şteynbrexerin (Mari) əvəzinə milliyə çağırılan Fernanda debütünü Yaponiyada keçirilən Dünya Çempionatında edir. Həmin çempionatda finalda Rusiya millisinə uduzaraq gümüş medal qazanırlar. Fernanda Qarayın həmçinin hərbi rütbəsi də var. O, çavuşdur. 2011-ci ildə Rioda keçirilən Hərbi Dünya Oyunlarında qızıl medal qazanıb. 2011-ci ildə Volley Futuro komandası tərəfindən bir illik icarəyə götürülür. Bu komanda ilə o, liqada 3-cü yeri tutur. 2012-ci ildə London Yay Olimpiya Oyunlarında Braziliya millisilə qızıl medal qazanır. 2012/13 mövsümündə yerli Sollis Nestle Osasko komandası ilə Dohada keçirilən Klublararası Dünya Çempionatının qalibi, Braziliya Superliqasının isə gümüş medalçısı adını qazanır. 2013/14 mövsümünü Fənərbağça klubunda CEV Kubokunun qalibi olur. Türkiyə Liqasında 2-ci yerlə kifayətlənsələr də, mövsüm ərzində Vakıfbankın 72 oyunluq naməğlubluq seriyasına son qoyurlar. 2013 və 2014-cü illərdə Milli komanda ilə Dünya Qran Prisinin qalibi olub. Həmçinin Pan Amerikan Oyunları və Cənubi Amerika Oyunlarında Braziliya Milli Komandası ilə dəfələrlə çempionluq yaşayıb. Hal-hazırda Rusiyanın Dinamo Krasnodar komandasında çıxış edir.

Xüsusiyyətləri[redaktə | əsas redaktə]

  • Boy: 179 sm
  • Çəki: 74 kq
  • Mövqe: Hücumçu
  • Blok yüksəkliyi: 288 sm
  • Hücum yüksəkliyi: 308 sm
  • Nömrə: 16

Oynadığı klublar[redaktə | əsas redaktə]

Tarix Ölkə Klub
2002-2004 Braziliya São Caetano
2004-2005 Braziliya MRV/Minas
2005-2008 Braziliya Fiat/Minas
2008-2010 Braziliya Pinheiros/Mackenzie
2010-2011 Yaponiya NEC Red Rockets
2011-2012 Braziliya Vôlei Futuro
2012-2013 Braziliya Sollys Nestle
2013-2014 Türkiyə Fenerbahçe
2014-2015 Rusiya Dinamo Krasnodar

Şəxsi nailiyyətləri[redaktə | əsas redaktə]

  • "Ən dəyərli oyunçu (MVP)", 2011, Hərbi Dünya Oyunları
  • "Ən yaxşı hücumçu", 2011, Hərbi Dünya Oyunları
  • "Ən yaxşı top qəbulu", 2011, Dünya Qran Prisi
  • "Ən yaxşı top qəbulu", 2012, London Olimpiya Oyunları
  • "Ən yaxşı top qəbulu", 2012, Cənubi Amerika Klub Çempionatı
  • "Ən yaxşı top qəbulu", 2011, Cənubi Amerika Çempionatı
  • "Ən dəyərli oyunçu (MVP)", 2012, Yay Olimpiya Oyunları üçün Cənubi Amerika təsnifat mərhələsi
  • "Ən yaxşı top qəbulu", 2012, Yay Olimpiya Oyunları üçün Cənubi Amerika təsnifat mərhələsi
  • "Ən yaxşı hücumçu", 2012/13, Braziliya Superliqası
  • "Ən dəyərli oyunçu (MVP)", 2013, Montreux Volley Masters
  • "Ən yaxşı 4-cü zona oyunçusu", 2013, Cənubi Amerika Çempionatı

İstinadlar[redaktə | əsas redaktə]

Vikianbarda Fernanda Qaray ilə əlaqəli mediafayllar var.