Fikrət Nağıyev

Vikipediya, açıq ensiklopediya
Jump to navigation Jump to search
Fikrət Nağıyev
Fikrət Əmiraslan oğlu Nağıyev
Doğum tarixi 7 iyul 1972 (1972-07-07) (47 yaş)
Doğum yeri Bakı şəhəri, Azərbaycan
Flag of the Azerbaijan Soviet Socialist Republic.svg Azərbaycan SSR
Peşəsi politoloq

Nağıyev Fikrət Əmiraslan oğlu (təxəllüsü: Fikrət Əmiras) — Tanınmış bioqrafist, Azərbaycan Respublikası Ensiklopediya Nəşriyyatının direktoru, azərbaycanlı politoloq, publisist, "Qızıl Qələm" mükafatı laureatı.

Həyatı[redaktə | əsas redaktə]

Fikrət Nağıyev 1972-ci il iyulun 7-də Azərbaycan Respublikasının Bakı şəhərində ziyalı ailəsində anadan olmuşdur. Ali təhsilli filoloq (1991-1996-cı illərdə M.F.Axundov adına APRDƏİ-Bakı) və psixoloqdur (Психологический Центр РОСТ Саратов РФ). 1997-2001-ci illərdə Lənkəran Dövlət Universitetində kadrlar şöbəsinin rəisi, eyni zamanda "Ədəbiyyat" kafedrasının müəllimi və universitetin mətbuat katibi vəzifələrində işləmişdir. 2001-ci ildən mühüm dövlət orqanlarının mətbuat xidmətlərində müxtəlif vəzifələrdə çalışmaqla yanaşı, dövlət mətbuatında və xarici ölkə KİV-lərində periodik olaraq ictimai-siyasi mövzularda yazıları ilə müntəzəm çıxış edir. Apardığı çoxsaylı elmi-pedaqoji təcrübələri və qazandığı nailiyyətləri barədə respublika səviyyəli elmi-praktiki konfranslarda daim təmsil olunmuşdur. Akademik Budaq Budaqovun rəhbərliyi və bilavasitə redaksiya şurasının sədrliyi ilə üç dildə - Azərbaycan, ingilis və rus dillərində nəfis şəkildə nəşr olunan müasir dövrdə tanınmış, uğurlu və işgüzar insanların həyatı silsiləsindən 12 cildlik "Azərbaycanda tanınmış simalar" bioqrafik ensiklopediyasının müəllifi və redaktorudur. Bədii, elmi və ictimai-siyasi mövzularda nəşr olunmuş 9 kitabın müəllifidir. Tədqiqat sahələri post-Sovet məkanında konfliktlər, təhlükəsizlik, neft və siyasət məsələlərini əhatə edir. "Qızıl qələm" mükafatı laureatıdır. 2008-ci ildə Beynəlmiləlçi döyüşçülərin sosial müdafiəsinin təkmilləşdirilməsi ilə bağlı həyata keçirilən ictimai işlərdə fəal iştirak etdiyinə görə MDB Hökumət Başçıları yanında Beynəlmiləlçi Döyüşçülərin İşləri üzrə Komitənin təsis etdiyi "Əfqanıstandan Sovet qoşunlarının çıxarılmasının 20 illiyi" yubiley medalına layiq görülmüşdür. Həmçinin Azərbaycan Respublikası Ensiklopediya Nəşriyyatının direktoru, "Bioqrafiya" elmi-publisistik, ictimai-siyasi, beynəlxalq jurnalının (http//www.biography.az), "İnfotibb" elmi-praktik, tibbi informasiya jurnalının baş redaktorudur. 1995-ci ildən müntəzəm olaraq respublikanın aparıcı kütləvi informasiya vasitələrində Azərbaycan xalqının Ümummilli lideri, dahi öndər Heydər Əliyevin fəaliyyətindən bəhs edən maraqlı, elmi-publisistik monoqrafiyaların müəllifidir. Fikrət Nağıyev ilk növbədə özünə qarşı çox tələbkar, üzərində daim işləyən və təvazökar bir insandır. Məqsədlərin düzgün seçilməsində, qiymətləndirilməsində və həyata keçirilməsində yüksək intellekti, səbirliliyi, dözümlülüyü, geniş düşünmə qabiliyyəti ona hər zaman yardımçı olur. F.Nağıyev qayğıkeş ailə başçısı olmaqla bərabər, həm də vətəndaş, vətənpərvər insan və sadiq dost üçün lazım olan bütün yüksək keyfiyyətlərə malikdir. Belə ki, onun daxili dünyası təkcə onun şəxsi həyatı ilə deyil, həm də ölkəsi və xalqı ilə bağlı hadisələrin təsiri ilə formalaşıb. Fikrət Nağıyev öz xalqının tarixinə, mədəniyyətinə, adət və ənənələrinə böyük hörmət və ehtiramla yanaşan bir insandır. Bu, onun yüksək əxlaqi potensialından və mənəvi zənginliyindən xəbər verir. Həyatda yolunu sapmadan enişli-yoxuşlu yolları şərəflə və müvəffəqiyyətlə keçən, ləyaqəti hər şeydən üstün tutan, geniş həyat təcrübəsinə malik olan Fikrət müəllim çox optimist bir insan olmaqla Azərbaycanın parlaq gələcəyinə böyük əminliklə inanır. O, respublikamızın ictimai-siyasi, sosial iqtisadi sabahının etibarlı təminatını praqmatik düşüncəyə və geniş erudisiyaya malik olan Prezident İlham Əliyevin düzgün siyasəti və çevik diplomatiyası sayəsində artıq bərqərar olmuş qüdrətli dövlətimizdə, respublikamızda hökm sürən siyasi sabitlikdə, güclü iqtisadiyyatımızda, gündən-günə peşəkarlaşan kadr potensialımızın olmasında görür. Fikrət Nağıyev "100 tarixi epizod" silsiləsindən bir sıra sanballı kitabların müəllifidir. O, 2016-cı ilin noyabr ayından Azərbaycan Respublikasının Prezidenti İlham Əliyevin və Azərbaycanın birinci xanımı, Azərbaycan Respublikasının Birinci Vitse Prezidenti, Heydər Əliyev Fondunun prezidenti, UNESCO-nun və ISESCO-nun xoşməramlı səfiri, Mehriban Əliyevanın həyat və fəaliyyətindən bəhs edən “100 tarixi epizod” sənədli-publisistik kitabları üzərində işləyir. Qeyd olunan sanballı nəşr əsərləri azərbaycan, ingilis və rus dillərində 2018-ci ilin avqust ayında işıq üzü görəcəkdir. Fikrət Nağıyev həmçinin tanınmış rəssam-modelyer, Əməkdar İncəsənət Xadimi Fəxriyyə Xələfova ilə birgə ilk dəfə olaraq azərbaycan və ingilis dillərində 2 cildlik "Azərbaycanın Moda Ensiklopediyası" üzərində işləyir. Qeyd olunan Ensiklopediya 2018-ci ilin sonunda işıq üzü görəcəkdir.

Ailəlidir, iki övladı var.

Kitabları[redaktə | əsas redaktə]

  1. Bu dünya ana bətnidir (şeirlər). Bakı: Mütərcim, 1997,
  2. Деление стран по уровню экономического развития после распада СССР. Баку: LDU, 1999, 167 стр.
  3. Siyasət bu gün: Statistik məcmuə. Bakı: Səda, 2002, 120 səh.
  4. Dünya və Azərbaycan geosiyasi dairədə. Bakı: LDU, 2004, 210 səh.
  5. Культура определяет политику. Баку: Бакполиграф, 2007, 175 стр.
  6. Azərbaycanın şəhər və rayonlarının bioqrafiyası. Bakı: Xerox, 2011. 319 səh.
  7. "Azərbaycanda tanınmış simalar" bioqrafik ensiklopediyası. Bakı: Xerox, 2012. I cild, 650 səh.
  8. "Azərbaycan Bioqrafiyalar Ensiklopediyası". Bakı: 2015, azərbaycan, ingilis və rus dillərində, 808 səhifə.
  9. "Ümumdünya Bioqrafiyalar Ensiklopediyası" beşcildliyi. Bakı, 2017, azərbaycan və ingilis dillərində, 6500 səhifə (www.worldbiofund.com)

Məqalələri[redaktə | əsas redaktə]

  • Milli heraldikamızın inkişafı dövlətin vahiq siyasətinin əsas istiqamətlərindən biridir. "Azərbaycan" qəzeti, 11 aprel, 2006, N 77, səh. 5.
  • Ömrün sirli rəqəmləri. "Azərbaycan" qəzeti, 11 dekabr, 2007, N 279, səh. 2.
  • Uğurlu xarici siyasət milli maraqlarımıza tam cavab verir. "Respublika" qəzeti, 28 iyun, 2009, N 138, səh. 3.

Xarici keçidlər[redaktə | əsas redaktə]