Fransua-Haviyer Bonyu Assosiasiyası

Vikipediya, açıq ensiklopediya
Jump to navigation Jump to search

"Fransua-Haviyer Bonyu Assosiasiyası" (fr. Association François-Xavier Bagnoud və ya FXB International) — QİÇS və yoxsulluğun zərər çəkmiş uşaqlar üçün yardım təmin etməyə yönəlmiş beynəlxalq təşkilat.

Tarixi[redaktə | əsas redaktə]

Təşkilat 1989-cu ildə təsis edilib. Belə ki, fransalı keçmiş jurnalist və film istehsalçısı Albina dü Buaruvrey 1986-cı ildə həyatının ən ağır itkisini verdikdən - yeganə oğlu Fransua-Haviyer Bonyunu itirdikdən sonra nə isə yaxşı bir iş görmək istəyir.[1] Ona görə də oğlunun adını daşıyan, kasıb ölkələrdəki insanlara yardım edəcək xeyriyyə təşkilatını – "Fransua-Haviyer Bonyu Assosiasiyası"nı yaradır.[1]

"Mən bu təşkilatı yaratmaqla onun etmək istədiklərini, insanları xilas etmək, əsasən də uşaqlar olmaqla, imkansız, çox şeydən məhrum olan insanlara yardım etmək istədim."[1]

Albina dü Buaruvrey

Fəaliyyəti[redaktə | əsas redaktə]

Təşkilat fəaliyyətinə 1990-ci illərdə, uşaqlarda QİÇS xəstəliyi olan Uqandadan başlayıb.[1] Hazırda Afrika, AsiyaLatın Amerikasının ən yoxsul 8 ölkəsində fəaliyyət göstərir.[1]

Büdcə proqramı[redaktə | əsas redaktə]

İlk üç ildə hər 100 ailədən 80-i bu proqrama daxil edildi.[1] Birinci il onlar pulsuz ərzaq, tibbi yardım, təhsil və evlə təmin edilirdi ki, bu müddət ərzində ailə başçısı pul qazanmaq üçün yollar axtarırdı. Bu, ya bir inək, ya bir paltartikən maşın, ya da kənd təsərrüfatı üçün lazım olan alət ola bilərdi. Bunları əldə etmək üçün təşkilat onlara kredit pul da verirdi. Artıq ikinci il onlar qənaət edə bildilər və öz büdcələrini yaratdılar. Bu büdcənin təxminən 25 faizi ailələr, 75 faizini təşkilat formalaşdırırdı. Üçüncü il 50-50-yə oldu. Dördüncü il isə artıq bütün büdcəni ailələr özləri formalaşdırırdı.[1]

25 il ərzində bu büdcə proqramı 80 mindən çox kasıb insana yardım edib.[1] Bu proqrama əsasən bir insan ildə 125-230 dollara başa gəlir, amma proqramı bitirən ailələrin 86 faizi yoxsulluqdan xilas olur.[1]

İstinadlar[redaktə | əsas redaktə]

  1. 1,0 1,1 1,2 1,3 1,4 1,5 1,6 1,7 1,8 Yeganə oğlunu itirən ana övladının irsini yaşadır. amerikaninsesi.org, 22.05.2015  (azərb.)

Həmçinin bax[redaktə | əsas redaktə]