Fridrix Meklenburq

Fridrix Meklenburq
alm. Friedrich zu Mecklenburg-Schwerin‎
Doğum tarixi	9 noyabr 1717(1717-11-09)
Doğum yeri	Şverin, Meklenburq-Şverin
Vəfat tarixi	24 aprel 1785(1785-04-24) (67 yaşında)
Vəfat yeri	Lüdviqslust[d], Lyudviqslyust-Parxim[d], Meklenburq-Ön Pomeraniya, Almaniya Demokratik Respublikası
Dəfn yeri	Lüdviqslust[d]
Fəaliyyəti	universitet müəllimi, siyasətçi
Mükafatları
Vikianbarda əlaqəli mediafayllar

Müttəqi Fridrix Meklenburqlu (alm. Friedrich, Herzog zu Mecklenburg-Schwerin; 9 noyabr 1717, Şverin — 24 aprel 1785, Lüdviqslüst) — Meklenburq hersoqu, Meklenburq - Şverin hakimliyinin rəhbəri.

Haqqında

Fridrix — Meklenburq hersoqu II Kristian Lüdviqin və onun həyat yoldaşı, Meklenburqlu II Adolf Fridrixin qızı Qustava Karolinanın oğludur. Uşaqlıq və gənclik illərində Fridrixin mənəvi inkişafına, tez-tez qonağı olduğu böyük bibisi Avqusta Meklenburqlu böyük təsir göstərmişdir. Məhz Avqustanın sayəsində Fridrix pietizmə əsaslanan dindarlıq ruhunda tərbiyə almışdır. Atasının vəfatından sonra Fridrix 1756-cı il mayın 30-da hersoqluq taxtına sahib oldu.

Hakimiyyətə gəlişindən qısa müddət sonra Meklenburq Yeddiillik müharibəyə cəlb olundu. Hersoq Prussiya kralı II Fridrixə qarşı imperiya ekzekusiya ordusunun formalaşdırılmasını dəstəklədiyinə görə, Prussiya qoşunları mütəmadi olaraq Meklenburq ərazisinə daxil olur, yerli əhalidən zorla əsgər toplayır, sakinlərin və hersoq mülklərinin üzərinə ağır xərclər (kontribusiya) qoyurdu. Fridrixin Prussiya kralı II Fridrixə göndərdiyi şikayətlər heç bir nəticə vermədi.

1757-ci ilin martında Fridrix İsveç və Fransa ilə müdafiə ittifaqı bağladı. O, isveçlilərə Meklenburq ərazisindən keçmək hüququ verərək öz mülklərinin hərbi əməliyyatlar meydanına çevrilməsinə şərait yaratdı. 1760-cı ildə Fridrix Prussiya generalı Paul fon Vernerin qoşunlarından qaçaraq Meklenburqu tərk edib Lübekə sığınmaq məcburiyyətində qaldı və 1762-ci ilin yayına qədər orada yaşadı. Sülh bağlandıqdan sonra Meklenburq Prussiyaya təzminat ödəməli oldu.