Fuad İsgəndərov

Fuad İsgəndərov
Fuad İsgəndərov
Azərbaycan Respublikasının; İsveçrə Konfederasiyasındakı; Fövqəladə və səlahiyyətli səfiri
	26 iyul 2021 – 10 avqust 2026
Əvvəlki	Xanım İbrahimova
Azərbaycan Respublikasının; Lixtenşteyn Knyazlığındakı; Fövqəladə və səlahiyyətli səfiri
	29 noyabr 2021 – 10 avqust 2026
Əvvəlki	Xanım İbrahimova
Azərbaycan Respublikasının; Belçika Krallığındakı; Fövqəladə və səlahiyyətli səfiri
	25 sentyabr 2012 – 26 iyul 2021
Sonrakı	Vaqif Sadıqov
Şəxsi məlumatlar
Doğum tarixi	6 avqust 1961 (65 yaş)
Doğum yeri	Bakı, Azərbaycan SSR, SSRİ;
Təhsili	Taras Şevçenko adına Kiyev Milli Universiteti;
Fəaliyyəti	diplomat
Təltifləri
	Vikianbarda əlaqəli mediafayllar

Fuad İsgəndərov (tam adı: Fuad Eldar Oğlu İsgəndərov; d. 6 avqust 1961, Bakı, Azərbaycan SSR) — Azərbaycan Respublikasının Polşa Respublikasında Fövqəladə və səlahiyyətli səfiri.

O, bundan öncə Azərbaycan Respublikasının İsveçrə Konfederasiyada, Lixtenşteyn Krallığında və Belçika Krallığında fövqə səladə və səlahiyyətli səfiri və eyni zamanda Azərbaycan Respublikasının Avropa İttifaqı yanında Nümayəndəliyinin başçısı olmuşdur.^[2]^[3]

Həyatı

Fuad İsgəndərov orta məktəbi müvəffəqiyyətlə bitirmişdir. Eyni ildə Kiyev Milli Universiteti Beynəlxalq Əlaqələr və Beynəlxalq Hüquq İnstitutuna qəbul edilmişdir. 1983-cü ildə həmin universitetin Beynəlxalq iqtisadi münasibətlər / İngilis dili üzrə tərcümə fakültəsini bitirmişdir. Bundan əlavə, o, müxtəlif təlim kurslarında iştirak etmişdir. 1999-cu ilin noyabr ayında Macarıstanın paytaxtı Budapeşt şəhərində Beynəlxalq Hüquq-Mühafizə Akademiyasının Böhranların idarə edilməsi üzrə ixtisasartırma təlim proqramına qoşulmuşdur.^[4]

Daha sonra isə 2001-ci ildə ABŞ-nin Harvard universitetinin C.F. Kennedi İdarəçilik Məktəbinin Qara Dəniz ixtisasartırma proqramının iştirakçısı olmuşdur. 2002-ci ilin iyul ayında ABŞ Dövlət Departamenti, ABŞ Ədliyyə Nazirliyi tərəfindən təşkil edilən qanunvericilik üzrə icra kurslarında iştirak etmişdir. 2006-cı ilin yanvar ayında Corc Marşal adına Avropa Təhlükəsizlik Araşdırmaları Mərkəzinin Milli Hərbi Strategiya üzrə Seminarında iştirak etmişdir.^[4]

Rus, ingilis və türk dillərində sərbəst danışır.^[4]

Fəaliyyəti

Elmi fəaliyyəti

Fuad İsgəndərov 1983–1986-cı illərdə Azərbaycan Dövlət İqtisad Universitetinin Siyasi iqtisadiyyat kafedrasında aspirant elmi işçi və dosent vəzifəsində çalışmışdır. Bundan əlavə, 1984–1985-ci illərdə Azərbaycan Dillər Universitetinin Tərcümə nəzəriyyəsi kafedrasında müəllim vəzifəsində fəaliyyət göstərib. Uzun müddətdən sonra o, 2000–2003-cü illərdə Bakı Dövlət Universitetinin Beynəlxalq münasibətlər və beynəlxalq hüquq kafedrasında müəllim vəzifəsində çalışmışdır.

Siyasi və diplomatik fəaliyyəti

Fuad İsgəndərov 1986–1995-ci illərdə hərbi xidmətdə olmuşdur. 1995-ci ilin aprel ayında Azərbaycan Respublikasının Milli Təhlükəsizlik Nazirliyinin İnformasiya və təhlil idarəsinin rəisi vəzifəsində işə başlamışdır. 2002–2006-cı illərdə Azərbaycan Respublikasının milli təhlükəsizlik nazirinin müavini vəzifəsində çalışmışdır. 2006-cı ildə Azərbaycan Respublikasının Xarici İşlər Nazirliyinin xüsusi tapşırıqlar üzrə səfiri, 2006–2007-ci illərdə isə Azərbaycan Respublikasının YUNESKO üzrə Milli Komissiyasının baş katibi olmuşdur.^[4]

Fuad İsgəndərov 2007-ci ildən 2012-ci ilədək Azərbaycan Respublikasının Niderland Krallığında fövqəladə və səlahiyyətli səfiri olmuşdur. 2012-ci il sentyabrın 25-dən 26 iyul 2021-ci ilədək Azərbaycan Respublikasının Belçika Krallığı və Lüksemburq Böyük Hersoqluğunda fövqəladə və səlahiyyətli səfiri, Azərbaycan Respublikasının Avropa İttifaqı yanında Nümayəndəliyinin rəhbəri olmuşdur.^[2]^[3] 26 iyul 2021 tarixindən 10 avqust 2026-cı ilədək Azərbaycan Respublikasının İsveçrə Konfederasiyasındakı Fövqəladə və səlahiyyətli səfiri.

10 avqust 2026 tarixdən isə Azərbaycan Respublikasının Polşa Respublikasındakı Fövqəladə və səlahiyyətli səfiridir.

İstinadlar

1 2 "F.E.İsgəndərovun Azərbaycan Respublikasının İsveçrə Konfederasiyasında fövqəladə və səlahiyyətli səfiri təyin edilməsi haqqında Azərbaycan Respublikası Prezidentinin Sərəncamı". 26 iyul 2021 tarixində arxivləşdirilib. İstifadə tarixi: 26 iyul 2021.
1 2 "F.E.İsgəndərovun Azərbaycan Respublikasının Belçika Krallığında fövqəladə və səlahiyyətli səfiri və eyni zamanda Azərbaycan Respublikasının Avropa İttifaqı yanında Nümayəndəliyinin başçısı təyin edilməsi haqqında Azərbaycan Respublikası Prezidentinin Sərəncamı". president.az. 25.09.2012. 2023-07-20 tarixində arxivləşdirilib. İstifadə tarixi: 21.01.2019.
1 2 "Fuad İsgəndərov Azərbaycanın Belçikada səfiri və Aİ yanında Nümayəndəliyinin başçısı təyin edilib". news.milli.az. 25.09.2012. 2023-07-20 tarixində arxivləşdirilib. İstifadə tarixi: 21.01.2019.
1 2 3 4 "Səfir Fuad İsgəndərovun tərcümeyi-halı". brussels.mfa.gov.az. 2016-09-19 tarixində orijinalından arxivləşdirilib. İstifadə tarixi: 21.01.2019.

Xarici keçidlər

[x-1] 1 2 "F.E.İsgəndərovun Azərbaycan Respublikasının İsveçrə Konfederasiyasında fövqəladə və səlahiyyətli səfiri təyin edilməsi haqqında Azərbaycan Respublikası Prezidentinin Sərəncamı". 26 iyul 2021 tarixində arxivləşdirilib. İstifadə tarixi: 26 iyul 2021.

[helo-2] 1 2 "F.E.İsgəndərovun Azərbaycan Respublikasının Belçika Krallığında fövqəladə və səlahiyyətli səfiri və eyni zamanda Azərbaycan Respublikasının Avropa İttifaqı yanında Nümayəndəliyinin başçısı təyin edilməsi haqqında Azərbaycan Respublikası Prezidentinin Sərəncamı". president.az. 25.09.2012. 2023-07-20 tarixində arxivləşdirilib. İstifadə tarixi: 21.01.2019.

[standard-3] 1 2 "Fuad İsgəndərov Azərbaycanın Belçikada səfiri və Aİ yanında Nümayəndəliyinin başçısı təyin edilib". news.milli.az. 25.09.2012. 2023-07-20 tarixində arxivləşdirilib. İstifadə tarixi: 21.01.2019.

[modern-4] 1 2 3 4 "Səfir Fuad İsgəndərovun tərcümeyi-halı". brussels.mfa.gov.az. 2016-09-19 tarixində orijinalından arxivləşdirilib. İstifadə tarixi: 21.01.2019.

[1]

[2]

[3]

[4]