Fuad Hüseynzadə

Vikipediya, azad ensiklopediya
Jump to navigation Jump to search
Fuad Hüseynzadə
Fuad Hüseynzadə.jpeg
Doğum tarixi 9 dekabr 1978 (1978-12-09) (40 yaş)
Doğum yeri Cəlilabad, Azərbaycan
Milliyyəti azərbaycanlı
Atası Abı
Fəaliyyəti jurnalist
Mükafatları "Tərəqqi" medalı

Fuad Abı oğlu Hüseynzadə - jurnalist, yazar [1]

Həyatı[redaktə | əsas redaktə]

Hüseynzadə Fuad Abı oğlu 9 dekabr 1978-ci ildə Cəlilabad rayonunda anadan olub. Orta təhsilini 1985-1995-ci illərdə Cəlilabad rayon N.Gəncəvi adına 1№-li orta məktəbdə alıb.

1997-ci ildə Bakı Dövlət Universitetinin Jurnalistika fakültəsinə daxil olub, 2001-ci ildə bitirib və elə həmin il Daxili İşlər Nazirliyinin Daxili Qoşunlarının Gəncə şəhərindəki N saylı hərbi hissəsində hərbi qulluğa başlayıb.

Fəaliyyəti[redaktə | əsas redaktə]

2002-ci ildə hərbi qulluqdan tərxis olunduqdan sonra “Həftə içi” qəzetində ştatdankənar müxbir kimi çalışıb. 2003-cü ildə Mədəniyyət Nazirliyinin “Yaddaş” qəzetində şöbə redaktoru vəzifəsində çalışmışıb. 2003-2007-ci illərdə “LİDER” TV-nin “Zəif Bənd” intellektual verilişində redaktor və böyük redaktor vəzifələrində işləyib. 2007-2008-ci illərdə “İki Sahil” qəzetində müxbir, 2008-2009-cu illərdə isə “Milli Qəhrəman” qəzetində baş redaktorun müavini vəzifəzində işləyib. 2009-2011-ci illərdə İctimai Televiziya və Radio Yayımları Şirkətinin “Virtula Rinq” verilişində redaktor olub. 2009-2012-ci illərdə “Paritet” qəzetində çalışıb. 2013-cü ilin yanvarından “Palitra” (palitranews.az) qəzetində çalışır.

İctimai fəaliyyəti[redaktə | əsas redaktə]

O, eyni zamanda ictimai fəaliyyətə də diqqət ayırır. 2014-cü ildən Diaspor Fəaliyyətinə Jurnalistlərin Dəstəyi İctimai Birliyinin sədridir. 2015-ci ilin yanvarında Binəqədi Rayon İcra Hakimiyyəti yanında İctimai Şuraya üzv seçilib. Hazırda İctimai Şurada katib vəzifəsini icra edir. Xarici KİV-lərdə də Azərbaycanla bağlı yazılarla çıxış edir. Bu vaxta kimi Litvanın “slaptai.lt”, Pakistanın “Daily Parliament Times”, “Pothwarlink.com”, Türkiyənin “Guvengazetesi.com.tr”, “Turkhaber.com.tc”, “İgdirim76.com”, Gürcüstanın “İberiana2”, Avstraliyanın “Ancient-origins.net”, Latviyanın “Valmiera24”, İngiltərənin “Cyprusscene.com”, Ukraynanın “Onpress.info”, “Regionews.ua”, Macarıstanın “Turizmusonline.hu”, Meksikanın “Mx.blastingnews.com”, “Uno más uno” qəzet, jurnal və internet portallarında Azərbaycan həqiqətləri ilə bağlı məqalələrim çap olunub. Həmçinin ABŞ-ın CNN telekanalının saytında özünün bloqu var. Burada da ingilis dilində ilk Avropa Oyunları, erməni terrorizminin ifşa olunması və s. mövzularda məqalələrim yerləşdirilib.

Mükafatları[redaktə | əsas redaktə]

Azərbaycan Respublikasının Prezidenti İlham Əliyevin 15 iyul 2015-ci il tarixli sərəncamına əsasən “Tərəqqi” medalı ilə təltif olunub.[2] 2017-ci ildə “Ukraynanın müstəqilliyinin 25 illiyi” medalı ilə təltif edilib. 2018-ci ildə isə Ukrayna Azərbaycanlıları Birləşmiş Diasporu tərəfindən “Azərbaycan Xalq Cümhuriyyətinin 100 illiyi” medalı ilə təltif edilib.

Əsərləri[redaktə | əsas redaktə]

2016-cı ilin oktyabr ayında 5 qitədəki soydaşlarımızdan xəbər verən “Dünya azərbaycanlılarının palitrası” adlı kitabı işıq üzü görüb.

Həmçinin bax[redaktə | əsas redaktə]

İstinadlar[redaktə | əsas redaktə]

  1. http://www.paritet.az/
  2. Azərbaycan Respublikasının kütləvi informasiya vasitələri nümayəndələrinin təltif edilməsi haqqında Azərbaycan Respublikası Prezidentinin Sərəncamı