Fuad Quliyev (həkim)

Vikipediya, azad ensiklopediya
Jump to navigation Jump to search
Fuad Quliyev
Fuad Quliyev Ədalət oğlu
Fuad Quliyev.jpg Doktor Fuad Quliyev
Doğum tarixi 28 mart 1976(1976-03-28) (43 yaş)
Doğum yeri Bakı, Azərbaycan SSR, SSRİ
Vətəndaşlığı SSRİ SSRİAzərbaycan Azərbaycan
Milliyyəti azərbaycanlı
İxtisası Onkouroloq, Uroloq
Təhsili İstanbul Universiteti Cerrahpaşa, Hacettepe Universiteti Tibb Fakültəsi - Urologiya kafedrası
Fəaliyyəti Sidik kisəsinin transuretral rezeksiyası (TUR), Plazmakinetik TUR, Prostat biopsiyası, Radikal Prostatektomiya, Radikal Sistektomiya

Fuad Quliyev (tam adı: Fuad Ədalət oğlu Quliyev; d. 28 mart 1976, Bakı, Azərbaycan SSR, SSRİ) — Azərbaycanlı onkouroloq. Tibb üzrə fəlsəfə doktoru; Avropa Urologiya Assosiasiyanın üzvü.

Həyatı[redaktə | əsas redaktə]

28 mart 1976-cı ildə Azərbaycan SSR-nin Bakı şəhərində anadan olmuşdur.

Təhsili[redaktə | əsas redaktə]

Orta təhsilini 1983-1993-cü illərdə Bakı şəhəri Yasamal rayonu 153 nömrəli orta məktəbdə almışdır.

1993-2000-ci illərdə Türkiyədə İstanbul Universiteti Cerrahpaşa Tibb fakültəsində ali təhsil almışdır.

2001-2006-cı illərdə Türkiyədə Ankara Hacettepe Universiteti Tibb fakültəsinin Urologiya kafedrasında uzmanlıq üzrə təhsil almışdır.

2006-cı ilin iyun ayında iki mərhələli imtahanı müvəffəqiyyətlə verib, Avropa Urologiya Assosiasiyanın mütəxəssisi ünvanına layiq görülmüşdür.

2006-cı ilin iyul ayından 2007-ci ilin aprelinə qədər olan müddət üçün Avropa Urologiya Assosiasiyanın təqaüdünü qazanmışdır. Heidelberq Universiteti SLK Klinikum Heilbronnda – "Laparoskopiya lazer və xərçəng cərrahiyyə" ixtisasını artırmışdır.

2010-cu ilin sentyabrında ABŞ-ın Texas Universitetinin Anderson Xərçəng Mərkəzində ixtisasını artırmışdır.

Elmi fəaliyyəti[redaktə | əsas redaktə]

100-dən çox elmi məqalə və tezisin müəllifidir.

Uroonkologiya sahəsində yerli və xarici konqres və konfranslarda məruzələrlə çıxış etmişdir[1].

Avropa Urologiya Assosiasiyanın illik konqreslərində prostat vəzi və sidik kisəsi xərçəngi mövzularında ekspert kimi iştirak etmişdir.

Əmək fəaliyyəti[redaktə | əsas redaktə]

2007-ci ilin mayından 2008-ci ilin avqustuna kimi Mərkəzi Neftçilər Xəstəxanasının Diaqnostika və endoskopik cərrahiyyə şöbəsində həkim-uroloq vəzifəsində işləmişdir.

2008-ci ilin avqustundan 2009-cu ilin sentybarınadək Mərkəzi Neftçilər Xəstəxanasının Urologiya və nefrologiya şöbəsinin müdiri vəzifəsində çalışmışdır.

2009-cu ilin sentyabrından Milli Onkologiya Mərkəzinin Onkourologiya şöbəsinin müdiridir[2].

7 yanvar 2011-ci ildən Milli Onkologiya Mərkəzinin Baş direktorunun müavinidir[3][2].

Dil biliyi[redaktə | əsas redaktə]

Ana dili olan Azərbaycan dilindən başqa, türk, rus və ingilis dillərini bilir[2].

İstinadlar[redaktə | əsas redaktə]

Xarici keçidlər[redaktə | əsas redaktə]