Gülşən Paşayeva

Vikipediya, azad ensiklopediya
Jump to navigation Jump to search
GÜLŞƏN PAŞAYEVA
Gülşən Məmmədəli qızı Paşayeva
Gülşən Paşayeva.jpg
Doğum tarixi (59 yaş)
Doğum yeri Bakı, Azərbaycan SSR

Gülşən Məmmədəli qızı Paşayeva (1 avqust 1961(1961-08-01), Bakı) — Beynəlxalq Münasibətlərin Təhlili Mərkəzinin İdarə Heyətinin üzvü, beynəlxalq münasibətlər, konfliktologiya, gender və dil siyasəti sahələrində mütəxəssis.

Həyatı[redaktə | əsas redaktə]

Gulşən Paşayeva 1 avqust 1961-ci ildə Bakı şəhərində anadan olmuşdur.

1978-ci ildə Bakı şəhərindəki 159 saylı orta məktəbi qızıl medalla bitirdikdən sonra o,M.V.Lomonosov adına Moskva Dövlət Universitetinin Fililogiya fakültəsinə "Struktur və tətbiqi linqvistika" ixtisası üzrə qəbul olunmuş və bu ali məktəbi 1983-cü illdə müvəffəqiyyətlə bitirmişdir.

1983-2001-ci illərdə Bakı Dövlət Universitetinin filologiya fakültəsində çalışmışdır. Filologiya elmləri namizədi, dosentdir.

1995-ci ilin avqust-dekabr aylarında ABŞ-ın Merilend Universitetinin Beynəlxalq İnkişaf və Münaqişələrin Həlli Mərkəzinin təşkil etdiyi "Münaqişələrdə tərəfdaşlar – Cənubi Qafqazda sülh körpülərinin yaradılması" adlı 4 aylıq proqramda iştirak etmişdir.

1998-ci ilin oktyabrından 1999-cu ilin aprelinədək Fulbrayt proqramı xətti ilə ABŞ-ın Tafs Universitetinin Hüquq və Diplomatiya üzrə Fletçer məktəbində tədqiqatlar aparmışdır.

2000-ci ilin iyun-iyul aylarında Avstriyanın Ştatşlayninq şəhərində yerləşən Sülh və Münaqişələrin həlli üzrə Avstriya tədqiqat mərkəzinin "Vasitəçilik" mövzusu üzrə təşkil etdiyi təlimdə iştirak etmişdir. 2001-ci ilin aprel-may aylarında İsveçin Upsala Universitetinin Sülh və Münaqişələrin Tədqiqatı üzrə Mərkəzin keçirdiyi münaqişələrin həlli ilə bağlı təlimin iştirakçısı olmuşdur.

2001-2006-cı illərdə Birləşmiş Millətlər Təşkilatının Qadınlar üçün İnkişaf fondunun (hazırda BMT Qadınlar) "Qadınlar Cənubi Qafqazda münaqişələrin qarşısının alınması və sülh yaradılması uğrunda" regional layihəsinin Azərbaycan üzrə Milli əlaqələndiricisi vəzifəsində çalışmış, 20072009-cu illərdə Birləşmiş Millətlər Təşkilatının İctimai İnformasiya Departamentinin Azərbaycandakı ofisinin məsul işçisi olmuşdur.

2009-2010-cu illərdə Azərbaycan Respublikası Prezidenti yanında Strateji Araşdırmalar Mərkəzinin xarici siyasət məsələlərinin təhlili şöbəsinin müdiri, 2011-2018-ci illərdə həmin Mərkəzin direktor müavini vəzifələrində işləmişdir. 2018-ci ilin iyul ayından 2019-cu ilin dekabr ayınadək Azərbaycan Respublikası Prezidentinin Administrasiyasında baş məsləhətçi vəzifəsində çalışmışdır.

Gülşən Paşayeva Azərbaycan Respublikasının Prezidentinin 9 dekabr 2019-cu il tarixli Sərəncamı ilə Beynəlxalq Münasibətlərin Təhlili Mərkəzinin İdarə Heyətinin üzvü təyin edilmişdir.

Azərbaycan Respublikasının Prezidenti yanında Strateji Araşdırmalar Mərkəzinin yaradılmasının 10 illik yubileyi münasibətilə və ölkənin ictimai-siyasi həyatında səmərəli fəaliyyətinə görə Azərbaycan Respublikası Prezidentinin 10 noyabr 2017-ci il tarixli Sərəncamı ilə “Tərəqqi” medalı ilə təltif edilmişdir.

19962018-ci illər ərzində dünyanın müxtəlif ölkələrində keçirilmiş 120-dan artıq beynəlxalq konfrans, seminar və təlimlərdə iştirak etmişdir.

Gülşən Paşayeva 100-dən artıq elmi-publisistik məqalənin, "Müxtəlif sistemli dillərdə cinsin ifadə vasitələri" adlı monoqrafiyanın müəllifi və ikisi xaricdə çap edilməklə ümumilikdə üç kitabın (“The EU Eastern Partnership: Common framework or Wider Opportunity?” (2012), “Cooperation in Eurasia: Linking Identity, Security, and Development” (2016) və “Trapped between War and Peace: The Case of Nagorno-Karabakh”  (2017)) həmredaktorudur.

Məqalələri[redaktə | əsas redaktə]

2009-cu ildə çap edilmiş məqalələr[redaktə | əsas redaktə]

2010-cu ildə çap edilmiş məqalələr[redaktə | əsas redaktə]

2011-ci ildə çap edilmiş məqalələr[redaktə | əsas redaktə]

2012-ci ildə çap edilmiş məqalələr[redaktə | əsas redaktə]

2013-cü ildə çap edilmiş məqalələr[redaktə | əsas redaktə]

2014-cü ildə çap edilmiş məqalələr[redaktə | əsas redaktə]

2015-ci ildə çap edilmiş məqalələr[redaktə | əsas redaktə]

2016-cı ildə çap edilmiş məqalələr[redaktə | əsas redaktə]

2017-ci ildə çap edilmiş məqalələr[redaktə | əsas redaktə]

2018-ci ildə çap edilmiş məqalələr[redaktə | əsas redaktə]

  • Beynəlxalq və dövlət dilləri rəqabətdən harmonik qarşılıqlı əlaqəyə doğru (Azərbaycan Respublikasının nümunəsində) // "Polietnik dövlətlərdə dil birliyi və dil müxtəlifliyi" adlı beynəlxalq konfransın materialları. (Moskva, 14-17 noyabr 2018-ci il). Rusiya Elmlər Akademiyasının Dilçilik İnstitutu, Moskva, 2018, səh..53-59
  • Azərbaycan dili qloballaşması şəraitində: dil siyasətinin bəzi aspektləri // "Tədqiqlər" jurnalı, Azərbaycan Milli Elmlər Akademiyası Nəsimi adına Dilçilik İnstitutu, Bakı, 2018, say 3, səh.11-18
  • Dil "yumşaq gücün" mənbəyi kimi // Language Problems and Language Planning jurnalı. Vol. 42:2 (2018), səh. 132–143 (ingilis dilində)
  • Dağlıq Qarabağda uğursuzluq: Kimə  faydalıdır?  "EurActive" internet saytı, 20 fevral, 2018-ci il (ingilis dilində)
  • Tanınmamış "dövlət" fenomeni. "Newtimes.az" Analitik-informasiya portalı. 04 aprel 2018-ci il. (Azərbaycan dilində)
  • Avrasiyada təhlükəsizlik alyansları identiklik baxımından // Avrasiyada əməkdaşlıq: İdentiklik, təhlükəsizlik və inkişafın əlaqələndirilməsi (Karlo Frappi və Gülşən Paşayevanın redaktəsi ilə). Milan, 2018-ci il (ingilis dilində)
  • Azərbaycan diplomatiyası və təhlükəsizlik alyansları arasında körpülərin yaradılması //  Eurasia Daily monitor, toplu 15, № 70, 8 may 2018-ci il (ingilis dilində)
  • Avropa İttifaqı və Cənubi Qafqazda etno-ərazi münaqişələr // The South Caucasus – Security, Energy and Europeanization kitabında. Redaktorlar: Meliha B. Altunışık, Oktay F. Tanrisever. Routledge: London and New York, 2017, səh. 121-142 (ingilis dilində)

2019-cu ildə çap edilmiş məqalələr[redaktə | əsas redaktə]

2020-ci ildə çap edilmiş məqalələr[redaktə | əsas redaktə]

  • Koronavirus böhranı Dağlıq Qarabağ münaqişəsinin həllinə təsir edə biləcəkmi? EurActiv.com, 22 aprel 2020-ci il (ingilis dilində)
  • Eqoizmdən peyvənd -1news.az, 27 aprel 2020-ci il. (rus dilində)
  • Madrid prinsiplərindən Münhen dalanına doğru. Вестник Кавказа, 9 iyul 2020-ci il. (rus dilində)
  • Minsk qrupu üçün "B" planı. Вестник Кавказа, 29 iyul 2020-ci il. (rus dilində)

Seçilmiş elmi əsərlər, tədqiqatlar (1997-2004-cü illər)[redaktə | əsas redaktə]

  • "Müstəqil Azərbaycanda dil siyasəti", Cənubi Qafqazda etno-siyasi münaqişələr: onların kökləri və həlli yolları. Merilend Universiteti, ABŞ, 1997 (rus dilində)
  • "Azərbaycanda dil siyasətinin planlaşdırılması", Dil siyasətinin planlaşdırılması üzrə bülleten, Hindistan, 1997, № 12 (ingilis dilində)
  • "Qarabağ münaqişəsinin həlli yolları" Mərkəzi Asiya və Qafqaz, Sosial və siyasi araşdırmalar jurnalı, İsveç, 1999, № 5(6) (rus dilində)
  • "Eyni dəyərli kompromislər pozitiv sülhün zəmanəti kimi", "Zerkalo" qəzeti, Bakı, 12 noyabr, 1999, № 138 (rus dilində)
  • "QHT-lər körpülər yarada bilərmi?" "Give & Take" jurnalı, Vaşinqton, 2000, cild 3, № 1 (ingilis dilində)
  • "Qarabağ münaqişəsinin həlli yolları" Mərkəzi Asiya və Qafqaz, Sosial və siyasi araşdırmalar jurnalı, İsveç, 2000, № 2 (ingilis dilində)
  • "Üç məchuldan ibarət tənlik", "Private view" jurnalı, Türkiyə, 2000, № 9 (ingilis dilində)
  • "Hərbi münaqişələrin həlli yolları: hərb və sülh perspektivlərindən baxış", "Azərbaycan" qəzeti, Bakı, 17 mart, 2001-ci il, № 61 (azərbaycan dilində)
  • "Cənubi Qafqazda regional təhlükəsizlik sisteminin mif və reallıqları, Mərkəzi Asiya və Qafqaz, Sosial və siyasi araşdırmalar jurnalı, İsveç, 2001, № 1(7), (ingilis və rus dillərində)
  • "Qarabağ münaqişəsinin həllinə dair bəzi yanaşmalar", Cənubi Qafqaz regional təhlükəsizlik İnstitutunun illik hesabatı. Gürcüstan, Friedrich Ebert Stiftung fondu (Friedrich Ebert Foundation), 2003 (rus dilində).
  • "Azərbaycan haqqında"; "Erməni icması Azərbaycanda (Dağlıq Qarabağ)". Avropanın Etno-siyasi Ensiklopediyası. Karl Cordel və Stefan Wolfun redaktorluğu altında. Böyük Britaniya, London, Palgrave Macmillan, 2004 (ingilis dilində)

Müsahibələr və çıxışlar[redaktə | əsas redaktə]

Xarici keçidlər[redaktə | əsas redaktə]