Gülşat Bajkenova
| Gülşat Bajkenova | |
|---|---|
 | |
| Təhsili | |
| Fəaliyyəti | jurnalist |
Gülşat Meyranovna Bajkenova və ya Gülnarə Bajkenova[1] (qaz. Гүлшат Мейрамқызы Бажкенова) — Qazaxıstanlı jurnalist. Orda.kz onlayn nəşrinin təsisçisi və baş redaktoru. Əvvəllər Esquire.kz və TAN telekanalının baş redaktoru olub. Rus dilində yazır.[2] Almatıda yaşayır və işləyir. Həmçinin Azadlıq Radiosunun Qazaxıstan xidməti olan "Azattyq"ın müəllifi və köşə yazarıdır.[3]
Həyatı
[redaktə | vikimətni redaktə et]Gülşat Bajkenova Əl-Fərabi adına Qazax Milli Universitetinin filologiya fakültəsini bitirib. Jurnalistika ilə tələbəlik illərindən məşğul olmağa başlayıb. "Karavan" qəzetinin müxbiri və "31-ci kanal"da "İnformbüro" teleproqramının baş prodüseri vəzifələrində çalışıb. "TAN" əyləncə kanalının baş redaktoru olub. 1999-cu ildən 2002-ci ilə qədər "Internews"un "Açıq Asiya" layihəsinə rəhbərlik edib. Daha sonra "BBC Rus xidməti" ilə əməkdaşlıq edərək "Radius" və "New Day" proqramları üçün reportajların hazırlanmasında iştirak edib. Dəfələrlə ABŞ-da staj keçib, Missuri Universitetinin treninqlərinə qatılıb.[4]
Bajkenova "Esquire" jurnalının Qazaxıstan onlayn versiyasının şef-redaktoru, daha sonra isə baş redaktoru olub, həmçinin "Azadlıq" radiosunun qazax redaksiyasının müəllifi və köşə yazarı kimi fəaliyyət göstərib. 2020-ci ilə qədər "HolaNews" nəşrinin baş redaktoru vəzifəsini tutub.[5] 2018-ci ildə Qazaxıstan Media Alyansından pul mükafatı alıb.[6] 2019-cu ildə Bajkenovanın layihəsi Qazaxıstanda kraudfandinq vasitəsilə jurnalist araşdırması üçün vəsait toplayan ilk layihə olub. Atıraunun su hövzələrində balıqların tələf olmasının araşdırılması üçün 30 dəqiqə ərzində 380 min tengə vəsait yığılıb.[7]
2020-ci ilin noyabrında öz vəsaiti hesabına "Orda.kz" onlayn nəşrini işə salıb və oranın baş redaktoru olub.[8] 2022-ci il yanvarın 4-də Qazaxıstandakı etirazlar fonunda "Orda.kz" saytı bloklanıb.[9]
2024-cü ilin iyununda Gülnarə Bajkenova Almatıda mediada senzura və özünüsenzura məsələlərinin müzakirə olunduğu mitinqin təşkilatçılarından biri olub.[10]
2024-cü ilin iyulunda Bajkenovanı və "Orda" saytını sistematik plagiatda ittiham edən almatılı jurnalist Dmitri Şişkinə qarşı qaldırdığı iddianı uduzub — məhkəmə "Orda"da bir neçə plagiat faktını müəyyən edib və Bajkenovanın şərəf, ləyaqət və işgüzar nüfuzun müdafiəsi barədə iddiasını təmin etməkdən imtina edib.[11][12]
Gülnarə Bajkenova 2024-cü ilin sentyabrında dərc olunmuş "Forbes Woman Kazakhstan" versiyasına görə "Qazaxıstanın 25 ən nüfuzlu qadını" reytinqində 13-cü yeri tutub.[13]
Mükafatları
[redaktə | vikimətni redaktə et]- "Vision" tərəfindən təşkil olunmuş Mərkəzi Asiya konfransında "Ən yaxşı bloqer" (2013)[4]
- "Vlast" jurnalının versiyasına görə "İlin publisisti" (2016)[4]
- Əlilliyi olan uşaqlar üçün inklüziv təhsilə həsr olunmuş "Ancaq bunun çox olduğunu demə" (Только не говори, что это слишком) kitabına görə "Altın Kalam" mükafatı (2014)[14]
- "Jurnalistika Günü" mükafatında "İlin jurnalisti" (2018)(2018)[15]
Əsərləri
[redaktə | vikimətni redaktə et]- Только не говорите, это слишком. М.: Издательство «Мемлекеттік Қызмет — Государственная служба», 2018.
İstinadlar
[redaktə | vikimətni redaktə et]- ↑ "Биз ҳақимизда". Информационно-аналитический портал Orda.kz (rus). 12 yanvar 2022 tarixində arxivləşdirilib. İstifadə tarixi: 12 yanvar 2022.
- ↑ "Гульнара БАЖКЕНОВА". Gonzo (rus). 12 yanvar 2022 tarixində arxivləşdirilib. İstifadə tarixi: 12 yanvar 2022.
- ↑ "Гульнара БАЖКЕНОВА - Наш автор - Радио Азаттык". rus.azattyq.org (rus). 12 yanvar 2022 tarixində arxivləşdirilib. İstifadə tarixi: 12 yanvar 2022.
- 1 2 3 Джалилов Адиль. Практическая журналистика в Казахстане 3.0 (PDF). ТОО «1-Момент Сервис». 2017. 178. ISBN 978-601-06-4251-5.
- ↑ Кожагулова Аделина. "Гульнара Бажкенова: "Лучше уже не будет, разве что хуже"". Platon.asia (rus). 24 dekabr 2020. 12 yanvar 2022 tarixində arxivləşdirilib. İstifadə tarixi: 12 yanvar 2022.
- ↑ "Кто получил премии Казахстанского МедиаАльянса". forbes.kz (rus). 20 dekabr 2018. 12 yanvar 2022 tarixində arxivləşdirilib. İstifadə tarixi: 12 yanvar 2022.
- ↑ Шамсутдинов Эмиль. "Казахстанцы за полчаса собрали деньги на журналистское расследование гибели рыбы в Атырау". informburo.kz (rus). 14 mart 2019. 12 yanvar 2022 tarixində arxivləşdirilib. İstifadə tarixi: 12 yanvar 2022.
- ↑ Сагидуллакызы Жанна. "Журналистка Гульнара Бажкенова на собственные деньги создала независимое медиа Orda.kz". informburo.kz (rus). 12 noyabr 2020. 12 yanvar 2022 tarixində arxivləşdirilib. İstifadə tarixi: 12 yanvar 2022.
- ↑ "«Не надо убивать метеорологов, если вам не нравится снег». В Казахстане заблокированы сайты Orda.kz и агентства КазТАГ". Радио Азаттык (rus). 4 yanvar 2022. 12 yanvar 2022 tarixində arxivləşdirilib. İstifadə tarixi: 12 yanvar 2022.
- ↑ "Ощущение цензуры: прессозащитный митинг перед журналистским праздником". Казахстанское международное бюро по правам человека и соблюдению законности (rus). 28 iyun 2022. İstifadə tarixi: 13 iyun 2025.
- ↑ РЕСПУБЛИКА.media. "Уличили в плагиате. Основатель сайта «Орда» Гульнар Бажкенова проиграла в суде Дмитрию Шишкину". respublika.kz.media (rus). 11 iyul 2024. 25 iyul 2024 tarixində arxivləşdirilib. İstifadə tarixi: 25 iyul 2024.
- ↑ Анастасия Багрова. "Главредка Orda.kz Гульнар Бажкенова проиграла иск о защите чести и достоинства". ratel.kz (rus). 9 iyul 2024. 21 iyul 2024 tarixində arxivləşdirilib. İstifadə tarixi: 25 iyul 2024.
- ↑ Ардак Букеева, Айдын Шагиев, Арайлым Аульбекова. "25 самых влиятельных женщин Казахстана". forbes.kz (rus). 9 sentyabr 2024.
- ↑ Татьяна Панченко. "На конкурсе «Алтын калам» победила «Путинская Россия»". Forbes Kazakhstan (rus). 24 aprel 2019.
- ↑ "Главред Forbes Kazakhstan и его заместитель получили премии «День журналистики»". Forbes.kz (rus). 27 aprel 2025 tarixində arxivləşdirilib. İstifadə tarixi: 13 iyun 2025.