Gülcahan Salamova

Vikipediya, açıq ensiklopediya
Jump to navigation Jump to search
Gülcahan Salamova
Gülcahan Əhməd qızı Salamova
Gülcahan Salamova.jpg
Doğum tarixi 1 mart 1963 (1963-03-01) (56 yaş)
Doğum yeri Bakı, Flag of the Azerbaijan Soviet Socialist Republic.svg Azərbaycan SSR
Vətəndaşlığı Flag of Azerbaijan.svg Azərbaycan
Peşəsi Aktrisa
Milliyyəti azərbaycanlı
Fəaliyyət illəri 1988-ci ildən bu günə kimi
Mükafatları "Fəxri mədəniyyət işçisi” döş nişanı

Gülcahan Əhməd qızı Salamova— Azərbaycannın teatr və kino aktrisası, Azərbaycan Dövlət Musiqili Teatrının aktrisası.

Həyatı[redaktə | əsas redaktə]

Salamova Gülcahan Əhməd qızı 1963-cü il mart ayının 1-də Bakı şəhərində anadan olub. 1980-cı ildə Nərimanov rayonu 82 saylı orta məktəbi bitirib. 1988-ci ildə M.A. Əliyev adına Azərbaycan Dövlət İncəsənət İnistutunun «Musiqili komediya aktyorluğu» fakultəsini bitirib. Həmin ildən Azərbaycan Dövlət Musiqili Komediya Teatrında «solist - vokalist» vəzifəsində işləyib. Çalışdığı müddətdə OqtayKazımov, RamizHeydər «Qızıl toy» tamaşasında Aygün, Səid Rüstəmov, Məmməd Səid Ordubadi «5 manatlı gəlinə»də Naznaz, Süleyman Ələsgərov, İsi Məlikzadə «Hərənin öz ulduz»nda Məleykə, Ramiz Mustafayev, Cahangir Məmmədov «Məsmə xala dayımdır»da Sənubər, Süleyman Ələsgərov, Şıxəli Qurbanov "Milyonçunun dilənçi oğlu”nda Xanım, Cavanşir Quliyev, Əli Əmirli "Yeddi məhbusə anası”nda Həcər, OqtayRəcəbov, Aqşin Babayev "Şeytanın yubileyi”ində Şamiyə, Emin Sabitoğlu, Rüfət Əhmədzadə "Hələlik”də Qənirə, Üzeyir Hacıbəyli "Ər və arvad”da Gülpəri, Emin Sabitoğlu, Tamara Vəliyeva "Bankir adaxlı”da Gülbikə, Cavanşir Quliyev, Qeybulla Rəsulov "Məhəbbət oyunu”nda Qəmər, Ramiz Mirişli, Marat Haqverdiyev "Qısqanc ürəklər”də Zema, Üzeyir Hacıbəyli "O olmasın, bu olsun”da Gülnaz, Emin Sabitoğlu, Sabit Rəhman "Hicran”da Hicran (ikinci qurluş1993), Süleyman Ələsgərov, Şıxəli Qurbanov "Özümüz bilərik”də Lalə, Süleyman Ələsgərov, İsi Məlikzadə "Subaylarınızdan görəsiniz”də Qəndab, Aydın Əzimov,Vaqif Səmədoğlu "Lotoreya”da Sona, Viktor Dolidze, Akvsenti Saqarelli "Xanuma”da Kabato,Əli Səmədlinin "Toya bir gün qalmış”da Toma rollarını oynamışdır. 1995-ci ildə "Bəşir" teatrında fəaliyyət göstərmişdir. Çoxsaylı intermediya və səhnəciklərdə iştirak etmişdir. Əli Əmirlinin "İtkin ər"ində Bikə, "Olmadı elə, oldu belə", S.Ələsgərov "Özümüz bilərik", E.Sabitoğlu "Hələlik", E.Sabitoğlu "Bankir adaxlı"da Gülbikə.

G. Salamova 1998-ci ildən Azərbaycan Dövlət Musiqili Teatrında yaradıcılıq fəaliyyətini davam etdirir. 2013-cü ildə Mədəniyyət və Turizm Nazirliyinin "Fəxri mədəniyyət işçisi” döş nişanı ilə təltif olunub.

Subaydır

Filmoqrafiya[redaktə | əsas redaktə]

  1. Zəncirbənd (film, 1989)
  2. Bağdada putyovka var... (film, 2000)
  3. 3 bacı (film, 2012-2014) (bədii serial) (rol: Mərdanın anası)
  4. Qayınanamız (serial, 2015)
  5. Niyə? (serial, 2018-) (rol: Südabə)

Mənbə[redaktə | əsas redaktə]

Həmçinin bax[redaktə | əsas redaktə]

Portalkino.jpg
Azərbaycan kino sənəti portalı