Gülgəz Maqsudqızı

Vikipediya, açıq ensiklopediya
Jump to navigation Jump to search
Picto infobox auteur.png
Gülgəz Maqsudqızı
Qocamanova Gülgəz Maqsud qızı
Fotoqrafiya
Doğum tarixi 1885(1885-Şablondakı doğum və ya ölüm tarixində texniki yanlışlıq var!-00)
Doğum yeri Bəcirəvan, Bərdə rayonu
Vəfatı 1960(1960-Şablondakı doğum və ya ölüm tarixində texniki yanlışlıq var!-00)
Vəfat yeri Yeni Daşkənd, Bərdə rayonu

Həyatı[redaktə | əsas redaktə]

Qocamanova Gülgəz Maqsud qızı 1885-ci ildə Bərdə rayonunun Bəcirəvan kəndində Təhlə Maqsud kişinin ailəsində anadan olmuşdur. 1902-ci ildə Göyçə mahalının Daşkənd kəndində Qocaman Ağanın oğlu Camalla ailə həyatı qurmuşdur. Lakin 1923-cü ildə Camal Kərbəla ziyarətinə getmiş və Kərbəlada vəfat etmiş, orada da dəfn olunmuşdur. Gülgəz bütün çətinliklərə dözərək övladlarını böyütmüş və təsəllisini öz bayatılarında tapmışdır.

Gülgəz Maqsudqızının Qarabağ zonasında qohumları Bərdə rayonunun Bəcirəvan, PiyadalarHacallı kəndlərində bu gün də yaşayırlar. 1953-cü ildə erməni millətçiləri Qərbi Azərbaycandan azərbaycanlıları deportasiya edərkən Gülgəz Maqsudqızı da bir çox daşkəndlilər kimi Göyçədən Bərdə rayonunun Yeni Daşkənd kəndində köçmüşdür.

1960-cı ildə Bərdə rayonunun Yeni Daşkənd kəndində vəfat etmiş və Yeni Daşkənd kənd qəbiristanlığında dəfn olunmuşdur. "Qarabağlı qızı" kimi tanınan Gülgəz Maqsudqızı çox gözüaçıq, hazırcavab, rəvan təbə malik bayatıçı qadınlarımızdan olmuşdur.
Gülgəz Maqsudqızı haqqında bir neçə kitablarda məlumat verilmişdir:

  • Əzizə Cəfərzadənin 1991-ci ildə "Gənclik" nəşriyyatında çap olunan "Azərbaycanın aşıq və şair qadınları" kitabında Gülgəz Maqsudqızının bayatıları nəşr olunmuşdur (səh 123-124).
  • 2005-ci ildə "Avrasiya press" nəşriyyatında çap olunan "Azərbaycan qadın şairləri antologiyası" kitabında bayatıları nəşr olunmuşdur (səh. 129-130).
  • 2007-ci ildə "Nurlan" nəşriyyatında çap olunan Qocaman Qocamanovun "Göyçə mahalında, Daşkənd elində" adlı kitabında Gülgəz Maqsudqızı haqqında geniş məlumat verilib (səh.99-101).
  • 2010-cu ildə "MBM" mətbəəsində çap olunan "Aşıq qadınların antologiyası" kitabında Gülgəz Maqsudqızının bayatıları nəşr olunmuşdur (səh 49-50).

Mənbə[redaktə | əsas redaktə]