Gülnarə Abdullayeva
| Gülnarə Abdullayeva | |
|---|---|
| Gülnarə Baba qızı Abdullayeva | |
 | |
| Doğum tarixi | |
| Doğum yeri | |
| Milliyyəti | azərbaycanlı |
| Vətəndaşlığı |
 Azərbaycan |
| Fəaliyyəti | aktrisa |
Abdullayeva Gülnarə Baba qızı — Azərbaycan aktrisası.
Həyatı[redaktə | əsas redaktə]
29 dekabr 1973-cü il Bakı şəhərində anadan olub.1991-ci ildə Azərbaycan Dövlət Mədəniyyət və İncəsənət universitetinin Musiqili Teatr aktyoru fakultəsinə qəbul olub və 1996-cı ildə bitirib. Oxuduğu illərdə eyni zamanda Azərbaycan Dövlət Estrada Teatrında aktrisa vəzifəsində çalışıb. Burada R. İçərişəhərli "Evlənmək istəyirəm” tamaşasında Mehri, E.Defiliponun "Silindir” əsərində isə əsas obrazı canlandırıb. 2000-ci ildən 2008-ci ilə kimi Şuşa Dövlət Musiqili Dram teatrında aktrisa-vokalist kimi fəaliyyət göstərib. Bu teatrın səhnəsində Ə. Haqverdiyevin "Pəri cadu”, N.B. Vəzirovun "Dağılan tifaq”, S. Rüstəmin "Durna”, H. Mirələmovun "Heykəllərin fəryadı” və.s tamaşalarda rol alb. 2013-cü il aprel ayından etibarən Azərbaycan Dövlət Musiqili Komediya Teatrında vokalist-artisti vəzifəsində çalışır. Teatrda bir çox tamaşalarda müxtəlif səpkili obrazlarda oynayıb. R.Mirişli və M. Haqverdiyevin "Qısqanc ürəklər” tamaşasında Natella, O. Kazımı və R. Heydər "Qızıl toy"da Zuzu, R.Hacıyev "Talelər qovuşanda"da Sona ,Ü. Hacıbəyli "O olmasın, bu olsun”da Sənəm, F. Sücəddinov və T. Vəliyeva "Mən dəyərəm min cavana”da Naz-naz xanım, E. Sabitoğlu və T. Vəliyeva "Bankir adaxlı”da Səmayə "Yatmış gözəl”də Fauna obrazlarını canlandırıb. Teatr tamaşalarıyla yanaşı bədii film və seriallarda da rol alıb. Bunlardan "Sənə inanıram”da Suğra,"Bölmə"də Vəkilin xanımı,"Bir ovuc torpaq" Müəllimə,"Ərazi"də Qadın,"Qatarda", "Acar" Salon müdürü, "Sirr"də Məsmə,"Caqqal nəfəsi"ndə Məhbussə,"Yalan"da İş adamı,"Bir kəndin sevinci" Natəvan,"Kabusun kölgəsi" Ana, "Axınla üzü aşağı" Kubra, "Bəyaz həyat” Katibə,"Bacanaqlar" Qulluqçu ,"Qanun naminə" Həkim ,Y. Kərimzadənin "Şən dullar” Gülsurə obrazlarını qeyd etmək olar. Musiqili Teatrla yanaşı "Planet Parni iz Baku" KVN teatrında çalışır. Ailəlidir, 2 övladı var.
Filmoqrafiya[redaktə | əsas redaktə]
- Ərazi (film, 2005)
- Böhtan (film, 2008)
- Yalançılar (film, 2008)
- Bacanaqlar (film, 2009)
- Bir ovuc torpaq (film, 2009)
- Sirr (teleserial, 2012)
- Bir kəndin sevinci (2012) (serial)
- Dəfnə ağacı (teleserial, 2016)
- Ögey ana (serial, 2017)
- Lal Yuxu (teleserial, 2017)