Gülsabah Hacıyeva

Vikipediya, açıq ensiklopediya
Jump to navigation Jump to search

Həyatı[redaktə | əsas redaktə]

Hacıyeva Gülsabah Abdul qızı 1932-ci ildə Qusar şəhərində anadan olmuşdur. 1949-cu ildə Qusar şəhər orta məktəbini bitirdikdən sonra Bakı Dövlət Universitetinin Coğrafiya fakültəsinə daxil olmuşdur. 1954-cü ildə təhsilini fərqlənmə diplomu ilə bitirmişdir. 1958-ci ildə Azərbaycan MEA Coğrafiya İnstitutunda aspiranturaya daxil olmuşdur. Azərbaycanda coğrafiya elmləri namizədi elmi dərə­cəsini (fiziki coğrafiya sahəsində) alan ilk qadın olmuşdur (1963). Dissertasiya işi "Kiçik Qafqazın şimal-şərq yamaclarının kənd təsərrüfatı məqsədilə landşaft zonal rayonlaşdırılması" mövzusuna həsr olunmuşdur. Bu müddət ərazidə ilk landşaft tədqiqatları apararaq kənd təsərrüfatı məqsədilə rayonlaşma verən ilk alimdir.

Elmi naliyyətləri[redaktə | əsas redaktə]

G.Hacıyeva 1965-ci ildən BDU-da müəllim vəzifəsinə ke­çir. 1966-cı ildən universitetin Coğrafiya fakültəsində Xarici ölkələrin iqtisadi və siyasi coğrafiyası kafedrasının dosentidir. Əmək fəaliyyəti dövründə Azərbaycanın fiziki coğrafiyasına, xarici ölkələrin iqtisadi və siyasi coğrafiyasının müxtəlif sahələrinə həsr olunmuş beş monoqrafiya və kitabı, 70-dən artıq elmi məqaləsi çap edilmişdir. Azərbaycanda pedaqoji və elmi kadr hazırlığında xidmətləri böyükdür. Əsərlərində Kiçik Qafqazın müxtəlif rayonlarının fiziki coğrafiyasına dair çox profilli məsələləri araşdırılmışdır. Eyni zamanda iqtisadi coğrafiya sahəsində tədqiqatlar aparan G.Hacıyeva ali məktəblər üçün dərs vəsaiti kimi "İqtisadi coğ­rafiya" kitabını çap etdirmişdir. Sonradan "Yeni Afrika", "Misir Ərəb respublikası", "Dünyanın cırtdan dövlətləri" və sairə kitablar yazmşdır. Bir çox ixtisas fənlərindən dərs proqramlarının müəllifidir.

Mənbə[redaktə | əsas redaktə]

  • Azərbaycanın coğrafiyaçı alimləri. Bakı: "Elm", 2013, 204 səh.