Gültəkin Əsgərova

Vikipediya, azad ensiklopediya
Jump to navigation Jump to search
Gültəkin Əsgərova
Gültəkin Məlik qızı Əsgərova
Gültəkin Əsgərova.jpg
Doğum tarixi 20 noyabr 1960(1960-11-20)
Doğum yeri Bakı, Azərbaycan SSR, SSRİ
Vəfat tarixi 19 iyul 1992(1992-07-19) (31 yaşında)
Vəfat yeri Aranzəmin yüksəkliyi, Ağdam rayonu, Azərbaycan
Vəfat səbəbi Şəhid olmuşdur
Dəfn yeri Bakı şəhəri Şəhidlər xiyabanı.
Vətəndaşlığı
Uşağı Əminə Əsgərova
Atası Məlik Əsgərov
Anası Rəfiqə Əsgərova[1]
Təhsili
Fəaliyyəti Həkim
Mükafatları Azərbaycanın Milli Qəhrəmanı

Gültəkin Əsgərova (tam adı: Gültəkin Məlik qızı Əsgərova; d. 20 noyabr 1960, Bakı, Azərbaycan SSR, SSRİö. 19 iyul 1992, Aranzəmin yüksəkliyi, Ağdam rayonu, Azərbaycan) — Azərbaycanın Milli Qəhrəmanı; Qarabağ müharibəsi şəhidi.

Həyatı[redaktə | əsas redaktə]

Erkən illəri[redaktə | əsas redaktə]

Gültəkin Əsgərova 1960-ci il noyabrın 20-də Bakı şəhərində saat 15:00-da anadan olub.[2][3] O, 1985-ci ildə Azərbaycan Dövlət Tibb İnstitutunu bitirmişdir.[3] Əmək fəaliyyətinə 8 №-li təcili yardım stansiyasında başlamış, 1991-ci ildən Uroloji kliniki xəstəxanada işləmişdir.[3] Qarabağ müharibəsi başladığı zaman, öz körpəsini anasına əmanət edərək, cəbhəyə erməni gülləsindən yaralanan əsgərlərə yardım etməyə getmişdi.[3]

Qarabağ müharibəsi və döyüşlərdə iştirakı[redaktə | əsas redaktə]

O, 1992-ci il aprelin 4-də könüllü cəbhəyə yollanıb, Turşsu, Şuşa xəstəxanalarında, Ağdamın Mahrızlı kəndindəki hospitalda hərbi həkim kimi fəaliyyət göstərib.[3][4] O, ilk dəfə olaraq özü ilə 5 tibb bacısını götürərək könüllü döyüşə gedib.[4]

Şuşa şəhərinin həbsxanasında olanların da qapısının açıb azad olunmasında onun xidməti də olub.[2] Həbsxananın qapısı açılmasaydı orada olanlar əsir götürüləcəkdi.[2]

1992-ci il mayın 8-də Şuşanın işğalından bir gün sonra Şuşanı sonuncu tərk edənlərdən biri olmuşdur.[2] Anasına göndərdiyi məktubda yazılmışdı:

" Ana, salam. Mən sağ və salamatam, hər şey normaldır. Bizə yaxşı yemək verirlər. Mən qələbənin sonuna qədər buradayam. Şuşa alınana qədər! Bəlkə də indi alınmadı...[4] "

Şuşanın işğalından sonra, Gültəkin Əsgərova Laçının, daha sonra isə Qubadlının müdafiəsində iştirak edir.[3]

Ölümü[redaktə | əsas redaktə]

O, 1992-ci il mayın 14-də Ağdam istiqamətində gedən döyüşlərə yollandı.[2] O, Bakıdakı hərc-mərclikdən cana yığılmışdı.[2] Ağdamın Mahrızlı kəndindəki hospitalda hərbi həkim kimi yenidən xidmətə başlayır.[2] Aranzəmin yüksəkliyinin ətəyində onun tibbi xidməti üçün yer ayrılır.[2] Buraya yaralıları hərbçilər gətirməliydi ki, o da əsgərləri müalicə etsin.[2] Lakin atəş səslərinin gücləndiyini eşidir.[2] Burada dayana bilməyib, Aranzəmin yüksəkliyinə qalxır.[2] Aranzəmin yüksəkliyi uğurunda gedən döyüşdə 1992-ci il 19 iyul saat 15:00-də şəhid olub.[2][3]

Onu özündən də kiçik olan dəmir tabutda Azərbaycan Respublikası Müdafiə Nazirliyinə UAZ-la gətirmişdilər.[2] Onun tabutunun üstündə də xarı bülbül var idi.[2] 1992-ci ildə Bakıda Şəhidlər xiyabanında dəfn edilib.[2]

Şəxsi həyatı[redaktə | əsas redaktə]

Ailəli idi, Əminə adlı qızı yadigar qalıb.[2]

İrsi[redaktə | əsas redaktə]

Gültəkin Əsgərovanın oxuduğu 200 saylı orta məktəbə onun adı verilmiş və büstü qoyulmuşdur.[3] Bakıda Nərimanov rayonundakı xəstəxananın önündə büstü qoyulmuşdur.[3] Bakıda yaşadığı Mustafa Kamal Atatürk prospekti 2a ünvanındakı binaya xatirə lövhəsi vurulmuşdur.[3] Elm və Təhsil Mərkəzi Təfəkkür Universitetinin Tibbi biologiya kafedrası onu adını daşıyır, kafedrada xatirə lövhəsi vurulmuşdur.[3] Xəzərdə üzən gəmilərdən biri onun adını daşıyır, gəmidə muzeyi yaradılmışdır.[3]

Filmoqrafiya[redaktə | əsas redaktə]

20 iyun 2014-cü ildə Nizami Kino Mərkəzində Gültəkin Əsgərovaya həsr olunan "Gültəkin" filminin təqdimat mərasimi keçirilmiş, ona həsr olunan "Gültəkin zirvəsi" kitabı təqdim olunmuşdur[5].

Təltif və mükafatları[redaktə | əsas redaktə]

Azərbaycan Respublikası Prezidentinin 20 noyabr 1993-cü il tarixli 31 saylı fərmanı ilə Gültəkin Məlik qızı Əsgərova ölümündən sonra "Azərbaycanın Milli Qəhrəmanı" adına layiq görülmüşdür.[3]

İstinadlar[redaktə | əsas redaktə]

  1. Şəhid anası hərbi qulluqçuların çiyinlərində son mənzilə yola salındı - FOTO
  2. 1 2 3 4 5 6 7 8 9 10 11 12 13 14 15 16 "Döyüş yolu 20 yanvar faciəsindən başlayan qəhrəman". anl.az. anl.az. 28 iyun 2016 tarixində arxivləşdirilib. İstifadə tarixi: 28 iyun 2016.
  3. 1 2 3 4 5 6 7 8 9 10 11 12 13 14 "Milli Qəhrəman Gültəkin Əsgərovanın bu gün doğum günüdür". azadqadin.az. azadqadin.az. 28 iyun 2016 tarixində arxivləşdirilib. İstifadə tarixi: 28 iyun 2016.
  4. 1 2 3 ""Vətən elə igid qızlarımızdan, qəhrəman oğullarımızdan başlayır"". anl.az. anl.az. 28 iyun 2016 tarixində arxivləşdirilib. İstifadə tarixi: 28 iyun 2016.
  5. Ləman Mustafaqızı (20.06.2014 / 17:03). ""Gültəkin" filminin təqdimatı oldu". LENT.AZ (azərb.). news.lent.az. İstifadə tarixi: 2014-09-08.

Ədəbiyyat[redaktə | əsas redaktə]

Xarici keçidlər[redaktə | əsas redaktə]