Gülzadə Abdulova (Axundova)

Vikipediya, azad ensiklopediya
Jump to navigation Jump to search
Gülzadə Abdulova (Axundova)
Gülzadə Sərxan qızı Abdulova (Axundova)
Gülzadə Abdulova (Axundova).jpg
Doğum tarixi 1965(1965-Şablondakı doğum və ya ölüm tarixində texniki yanlışlıq var!-00)
Doğum yeri Azərbaycan Azərbaycan SSR
Vətəndaşlığı Azərbaycan Azərbaycan
Elm sahəsi tarix
Elmi dərəcəsi tarix üzrə fəlsəfə doktoru
Elmi adı Etnoqrafiya elmi fond şöbəsinin müdiri
İş yeri Azərbaycan Tarixi Muzeyi
Təhsili ali
Mükafatları "Tərəqqi" medalı
"Tərəqqi" medalı

Gülzadə Sərxan qızı Abdulova (Axundova) - tarix üzrə fəlsəfə doktoru [1] Kərbəlayi Miralılar nəslindəndir.

Həyatı[redaktə | əsas redaktə]

Gülzadə Abdulova (Axundova) 1965-ci ildə Ağdam rayonu Seyidli kəndində anadan olmuşdur. O, 1972-1982 illərdə Seyidli kənd orta məktəbində oxumuş, 1983-1988 illərdə Azərbaycan Dövlət Universitetinin (indiki Bakı Dövlət Universiteti) Tarix fakültəsində ali təhsil almışdır. Gülzadə Abdulova (Axundova) Seyidli kənd orta məktəbində tarix müəllim kimi əmək fəaliyyətinə başlamış, 1995-2006 illərdə AMEA Arxeologiya və Etnoqrafiya İnstitutunda kiçik elmi işçi, böyük elmi işçi vəzifələrində işləmişdir. O, hazırda AMEA Milli Azərbaycan Tarixi Muzeyində Etnoqrafiya elmi fond şöbəsinin müdiri vəzifəsində çalışır.

Gülzadə Abdulova (Axundova) 1991-ci ildə AMEA Tarix İnstitutunun aspirantura şöbəsinə etnoqrafiya ixtisası üzrə qəbul olunmuşdur. O, 2005-ci ildə “XIX əsrin sonu - XX əsrin əvvəllərində Qarabağda sənətkarlıq” mövzusunda dissertasiya müdafiə edərək, tarix üzrə fəlsəfə doktoru adını almışdır.

Elmi fəaliyyəti[redaktə | əsas redaktə]

Gülzadə Abdulova (Axundova) sənətkarlığın ayrı-ayrı sahələri (xalçaçılıq, ipəkçilik, tikmə, keçəçilik, dəriişləmə, metalişləmə, ağacişləmə), atalar sözləri və xalq məsəlləri, milli geyimlər haqqında dəyərli elmi məqalələrin, monoqrafiyaların və kataloqların müəllifidir. Onun 40-a yaxın elmi məqaləsi, “Atalar sözləri və xalq məsəlləri etnoqrafik duyum-yozum kontestində” (Bakı, 2012), “Xurşud Banu Natəvan kataloqu” (Bakı, 2012), “Qarabağ xalçaları - kataloqu” (Bakı, 2013), “Azərbaycan süfrəsinin mis qabları (Milli Azərbaycan Tarixi Muzeyinin materialları əsasında) - kitab-albom " (Bakı, 2013) adlı kitabları çap olunmuşdur. O, hazırda “Azərbaycan zərgərlik sənəti” monoqrafiyası üzərində çalışır. Etnoqraf Fəzail Vəliyevlə birlikdə Elmin İnkişafı Fondunun “Şuşa qrantı” layihəsi üzrə “Qarabağ geyimləri kataloqu”nu çapa hazırlamışdır.

Azərbaycan Respublikasının Prezidenti cənab İlham Əliyevin 22 noyabr 2010-cu il tarixli sərəncamı ilə Azərbaycanda tarix elminin inkişafı və tarixi-mədəni irsin qorunub saxlanılması sahəsində xidmətlərinə görə Gülzadə Abdulova (Axundova) "Tərəqqi" medalına layiq görülmüşdür.

Gülzadə Abdulova (Axundova) Axund Molla Mustafa Əliyevin nəticəsidir.

Mənbə[redaktə | əsas redaktə]

  • Orxan Zakiroğlu (Baharlı). Qarabağın Seyidli oymağı. I kitab. Bakı, 2017

Həmçinin bax[redaktə | əsas redaktə]