Günay Məmmədzadə

Vikipediya, açıq ensiklopediya
Jump to navigation Jump to search
Chess tile kl-whitebg.svg
Günay Məmmədzadə
Məmmədzadə 2017 dünya komanda çempionatında
Məmmədzadə 2017 dünya komanda çempionatında
Ölkə Flag of Azerbaijan.svg Azərbaycan
Doğum tarixi
19 iyun 2000 (2000-06-19) (18 yaş)
Doğum yeri Bakı, Azərbaycan
Titulu kişilər arasında beynəlxalq usta (2018)
Son reytinqi 2438 (oktyabr 2018)
Maksimal reytinqi 2442 (may 2018)
FİDE nömrəsi 13403729
VikiAnbarda Commons-logo.svg əlaqəli mediafayllar

Günay Vüqar qızı Məmmədzadə[1] (d. 19 iyun 2000, Bakı, Azərbaycan) — azərbaycanlı şahmatçı, qadınlar arasında beynəlxalq qrossmeyster (2014), kişilər arasında beynəlxalq usta (2018). Azərbaycan (2017), dünya (10 yaş qrupunda 2009) və ikiqat Avropa (8 yaşadək 2008 və 14 yaşadək 2013) çempionu.

Günay Məmmədzadə 2016-cı ildən qadınlardan ibarət Azərbaycan yığmasının üzvüdür. O, yığmanın heyətində Olimpiada (2016, 2018), dünya (2017) və Avropa (2017) çempionatlarının iştirakçısı olub.[2]

2014-cü ildə FİDE-nin Prezident Şurasının iclasında 14 yaşlı Azərbaycan şahmatçısı Günay Məmmədzadəyə qadınlar arasında beynəlxalq qrossmeyster adının verilməsi barədə qərar qəbul olunub. Günay Azərbaycanın şahmat tarixində belə gənc yaşda bu ada layiq görülmüş ilk şahmatçıdır.[3] 2018-ci ildə kişilər arasında beynəlxalq usta adına layiq görülüb.[4]

Günay Məmmədzadə FİDE-nin 2018-ci ilin oktyabr ayı üçün olan reytinq siyahısında 2438 xalla Azərbaycan qadın şahmatçıları arasında birinci,[5] "Ən yaxşı 100 qadın" siyahısında 33-cü,[6] "Ən yaxşı 100 qız" siyahısında isə 3-cü yerdə qərarlaşıb.[7] O, FİDE-nin reytinq siyahısında həm əmsalına (2442 xal, may 2018),[8] həm də mövqeyinə görə (32-ci yer, iyun 2018)[9] ən yüksək nəticə göstərmiş azərbaycanlı qadın şahmatçıdır.

2007, 20082009-cu illərdə Azərbaycan Respublikası Təhsil Nazirliyinin keçirdiyi "İlin ən yaxşı şahmatçısı" nominasiyasında birinci yeri tutub. 2009-cu ildə Azərbaycan Respublikası Gənclər və İdman Nazirliyi tərəfindən keçirilən "Yaxşıların yaxşısı" nominasiyasının qalibi olub.[10] 2012-ci ildə "İlin ən yaxşı qız şahmatçısı" nominasiyası üzrə respublika müsabiqəsinin qalibi olub.[11]

Uşaqlığı və şahmata başlaması[redaktə | əsas redaktə]

Günay Məmmədzadə 19 iyun 2000-ci ildə Bakı şəhərində anadan olub.[12] Babası və nənəsi həvəskar şəkildə şahmat oynayırdı.[12] Bu sahəyə marağı onların sayəsində yaranıb. Şahmatda ilk addımları atmağı da ona babası ilə nənəsi öyrədib. 5 yaşında 1 nömrəli İxtisaslaşdırılmış Olimpiya Ehtiyatları Uşaq-Gənclər Şahmat-Dama Məktəbinə getməyə başlayıb.[1][12]

Şahmat karyerası[redaktə | əsas redaktə]

Erkən illəri[redaktə | əsas redaktə]

Günayın digər idmançılardan fərqi daha çox elmli və həmişə şahmata olan həvəsinin çox olmasıdır. Onun oyun səviyyəsi, ağıllı şəkildə düşünərək addım atmağı başqa idmançılara nisbətən daha çoxdur. O, digərlərindən öz istedadı ilə də fərqlənir.

Məmmədzadə 2007-ci ildə

Günay Məmmədzadə 2005-ci ildən şahmatla məşğul olur. Şəxsi məşqçisi beynəlxalq qrossmeyster Rəsul İbrahimovdur.[12]

2007-ci ildə Azərbaycan çempionatında səkkizyaşlı qızlar arasında keçirilən yarışda 3-4-cü yerləri bölüşüb. Eyni ildə Gürcüstanın Batumi şəhərində keçirilmiş səkkizyaşlı qızlar arasında Avropa çempionatında üçüncü,[10] Türkiyənin Antalya şəhərində keçirilmiş dünya çempionatında isə ikinci yerə çıxıb.[10]

2008-ci ildə Batumidə keçirilən 8 yaşadək şahmatçılar arasında Avropa çempionatında bütün rəqiblərini üstələyərək birinci olub.[14][15] Eyni ildə Vyetnamın Vunqtau şəhərində keçirilən səkkizyaşlı qızların dünya çempionatında üçüncü olub.

2009-cu ildə 10 yaşlı qızlar arasında Türkiyənin Antalya şəhərində keçirilmiş dünya çempionatında 11 oyundan 10,5 xal toplayaraq, turniri məğlubiyyətsiz başa vurmuş və dünya tacına sahib olmuşdur.[16][17]

2011-ci ildə qadınların Bakı çempionatında ikinci yeri tutub.[10]

2012-ci ildə Rumıniyanın İassi şəhərində 36 ölkənin iştirakı ilə keçirilən məktəblilər arası şahmat üzrə VIII dünya çempionatında birinci yerə çıxıb. Eyni ilin oktyabr ayında qadınlar arasında Bakı çempionu olub.[18]

2013-cü ildə Monteneqronun Budva şəhərində keçirilən 8-18 yaşlı yeniyetmələrin Avropa çempionatında 14 yaşlı qızlar arasında çempion adını qazanıb.[19][20] 2013-cü ildə həmçinin, 14 yaşadək qızlar arasında Azərbaycan birinciliyinin də qalibi olub.[21]

2014[redaktə | əsas redaktə]

Fevralın 1-dən 9-dək Moskva şəhərində keçirilən ənənəvi "Moskva Open" turnirində və fevralın 10-dan 19-dək Minskdə keçirilmiş David Bronşteynin xatirəsinə həsr olunmuş beynəlxalq turnirdə uğurla çıxış edərək, beynəlxalq qrossmeyster normasının ilk balını və beynəlxalq usta normasının sonuncu balını toplayıb.[10]

Mart ayında qadınlar arasında şahmat üzrə Azərbaycan çempionatında 7 xal toplayaraq dördüncü olub.[22]

İyulun 6-dan 17-dək Bolqarıstanın Plovdiv şəhərində keçirilmiş qadınların şəxsi Avropa çempionatında otuz səkkizinci olmuşdur.[23]

Sentyabr ayında Azərbaycanın müstəqilliyinə həsr olunmuş "Baku Open 2014" beynəlxalq şahmat turnirində iştirak edib və qırx altıncı yeri tutub.[24]

7-10 noyabr tarixləri arasında[25] Rusiyanın Soçi şəhərində keçirilmiş FİDE-nin Prezident Şurasının iclasında 14 yaşlı Azərbaycan şahmatçısı Günay Məmmədzadəyə qadınlar arasında beynəlxalq qrossmeyster adının verilməsi barədə qərar qəbul olunub. Günay Azərbaycanın şahmat tarixində belə gənc yaşında bu ada layiq görülmüş ilk şahmatçıdır.[3][Qeyd 1]

Noyabrın 26-dan dekabrın 4-dək Qətərin paytaxtı Doha şəhərində keçirilmiş "Qatar Masters Open" beynəlxalq şahmat turnirində 3 xal toplayaraq 150 şahmatçı arasında yüz otuzuncu yeri tutub.[27]

2015[redaktə | əsas redaktə]

Yanvarın 31-dən fevralın 8-dək davam edən "Moskva Open" turnirində tələbə qızların qrupunda[28] mübarizə aparan Günay Məmmədzadə 9 oyundan 5 xal toplayaraq üçüncü yerin sahibi olub.[29]

Martın 27-dən aprelin 4-dək Moskva şəhərində keçirilən ənənəvi "Aeroflot Open" beynəlxalq şahmat festivalının B qrupunda (reytinqi 2550-dən az olanlar)[30] qırx ikinci olub.[31]

Aprel ayında Gürcüstanın Çakvi şəhərində keçirilmiş qadınlar arasında 16-cı şəxsi Avropa Çempionatında 98 şahmatçı arasında qırx səkkizinci yeri tutub.[32]

İyul ayında Vyanada şahmatın rapid növü üzrə keçirilmiş "Qızlar üçün şahmat" turnirinin qalibi olub.[33][34]

Sentyabrın 2-dən 15-dək Rusiyanın Xantı-Mansi şəhərində keçirilmiş 20 yaşadək şahmatçılar arasında dünya çempionatında 13 oyundan 8 xal toplayaraq yeddinci olmuşdur.[35]

2016[redaktə | əsas redaktə]

Moskva şəhərində 30 yanvar-7 fevral tarixləri arasında keçirilmiş "Moskva Open" turnirinin A qrupunda (kişilər arasında) altmış doqquzuncu,[36] 1-9 mart tarixləri arasında keçirilmiş "Aeroflot Open" turnirinin B qrupunda (reytinqi 2550-dən az olanlar) isə yetmiş üçüncü yeri tutmuşdur.[37]

15-23 mart tarixləri arasında keçirilmiş qadınlar arasında Azərbaycan çempionatında mümkün 9 xaldan 5 xal yarım toplayaraq altıncı olub.[38]

May ayında Heydər Əliyevin xatirəsinə həsr edilmiş beynəlxalq "Naxçıvan Open" şahmat festivalının A qrupunda (reytinqi 2250-dən yuxarı olan şahmatçılar) on ikinci yeri tutub.[39]

27 may-7 iyun tarixləri arasında Rumıniyanın Mamaya şəhərində keçirilmiş qadınların şəxsi Avropa çempionatında 112 şahmatçı arasında əlli üçüncü olmuşdur.[40]

Noyabr ayında Azərbaycanın "Odlar Yurdu" klubunun heyətində Serbiyanın Novi Sad şəhərində keçirilmiş klub komandaları arasında Avropa Kuboku yarışında iştirak edib. "Odlar Yurdu" yarışı beşinci yerdə bitirib,[41] klubun heyətində ikinci lövhədə çıxış edən Günay Məmmədzadə isə şəxsi göstəricidə doqquzuncu olub.[42]

2017[redaktə | əsas redaktə]

Məmmədzadə 2017-ci ildə

Yanvarın 28-dən fevralın 5-dək Moskva şəhərində keçirilmiş "Moskva Open" turnirinin A qrupunda (kişilər arasında) 150 şahmatçı arasında doxsanıncı yeri tutub.[43]

Fevral ayında qadınlar arasında Azərbaycan çempionatında 9 mümkün xaldan 7 xal toplayaraq, Azərbaycan çempionu adını qazanıb.[44]

11-22 aprel tarixləri arasında Latviyanın paytaxtı Riqa şəhərində keçirilmiş qadınların şəxsi Avropa çempionatında mümkün 11 xaldan 7 xal toplayaraq, 144 şahmatçı arasında iyirmi beşinci olmuşdur.[45]

May ayında Naxçıvan şəhərində keçirilən ənənəvi "Naxçıvan Open" şahmat festivalının A qrupunda (reytinqi 2250-dən yuxarı olan şahmatçılar) mümkün 9 xaldan 5 xal toplayaraq on doqquzuncu olub.[46]

13-25 noyabr tarixləri arasında İtaliyanın Tarvizio şəhərində keçirilmiş 20 yaşadək yeniyetmə qızlar arasında dünya çempionatında 89 şahmatçı arasında qırx ikinci olmuşdur.[47]

Dekabrın sonunda Səudiyyə Ərəbistanının paytaxtı Ər-Riyad şəhərində şahmatın rapidblits növləri üzrə keçirilmiş şəxsi dünya çempionatında iştirak edib. Rapiddə mümkün 15 xaldan 6 xal yarım toplayaraq yetmiş yeddinci olan Günay,[48] blitsdə daha uğurlu çıxış etmiş və mümkün 21 xaldan 13 xal toplayaraq onuncu olmuşdur.[49]

2018[redaktə | əsas redaktə]

Yanvarın 27-dən fevralın 4-dək Moskva şəhərində keçirilmiş "Moskva Open" turnirinin A qrupunda (kişilər arasında) mümkün 9 xaldan 6 xal toplayaraq iyirmi dördüncü olub.[50]

Fevral ayında qadınlar arasında Azərbaycan çempionatında çempion Xanım Balacayeva ilə eyni xal toplasa da, əlavə göstəricilərə görə ikinci olub.[51][52]

Mart ayında kişilər arasında beynəlxalq usta adına layiq görülüb.[4] Bununla da o, Gülnar Məmmədovadan sonra bu ada layiq görülmüş ikinci azərbaycanlı qadın şahmatçı olub.[53]

8-19 aprel tarixləri arasında Slovakiyanın Vısoke-Tatri şəhərində keçirilmiş qadınların şəxsi Avropa çempionatında mümkün 11 xaldan 7,5 xal toplayaraq 144 şahmatçı arasında onuncu olub.[54] Bu nəticə ona 2020-ci ildə baş tutacaq və 64 şahmatçının olimpiya sistemi üzrə mübarizə aparacağı dünya çempionatına lisenziya qazandırıb.[53]

İyunun 12-dən 21-dək Rusiyanın Voronej şəhərində keçirilmiş "Voronej-2018" beynəlxalq şahmat festivalında iştirak etmiş və mümkün 9 xaldan 4 xal yarım toplayaraq 131 şahmatçı arasında altmış beşinci olmuşdur.[55] Günayın bu turnirdə keçirdiyi doqquz görüşdən yeddisində rəqibi kişi şahmatçılar olmuşdur.[56]

İyulun 25-dən avqustun 5-dək Türkiyənın paytaxtı Ankara şəhərində təşkil olunmuş klublararası Türkiyə çempionatında "Karaman Bələdiyyə İdman Klubu"nun heyətində beşinci lövhədə mübarizə aparan Günay, 11 oyundan 7 xal yarım toplayaraq şəxsi göstəricidə bürünc medal qazanıb.[57] "Karaman Bələdiyyə İdman Klubu" isə çempionatı on üç komanda arasında altıncı yerdə başa vurub.[58]

7-15 avqust tarixləri arasında Birləşmiş Ərəb Əmirliklərinin paytaxtı Əbu-Dabidə keçirilmiş 25-ci Beynəlxalq Şahmat Festivalının baş turnirində 9 mümkün xaldan 5 xal yarım toplayaraq 158 şahmatçı arasında qırxıncı yeri tutub.[59] Günayın turnirdə qarşılaşdığı rəqiblərinin hamısı kişi şahmatçılar olub.[60]

12-18 oktyabr tarixləri arasında Yunanıstanın Halkidiki şəhərində keçirilmiş klub komandaları arasında Avropa Kuboku yarışında Azərbaycanın "Odlar Yurdu" klubunun heyətində birinci lövhədə mübarizə aparıb. "Odlar Yurdu" klubu yarışı altıncı yerdə bitirib,[61] Günay isə öz lövhəsi üzrə şəxsi göstəricidə səkkizinci olub.[62]

Yığma komandanın heyətində[redaktə | əsas redaktə]

Günay Məmmədzadə (sağdan yeddinci)
2016 Şahmat Olimpiadasında xatirə şəkli çəkdirir.

2016-cı ilin iyul ayında Azərbaycanın gənclərdən ibarət şahmat üzrə yığma komandasının heyətində Slovakiyanın Poprad şəhərində keçirilmiş 15-ci Dünya Gənclər U16 Şahmat Olimpiadasında iştirak edib.[63]

2016-cı ilin sentyabrında Azərbaycanın paytaxtı Bakı şəhərində keçirilmiş 42-ci Ümumdünya Şahmat Olimpiadasında Azərbaycanın qadınlardan ibarət əsas (birinci)[Qeyd 2] komandasının heyətində Azərbaycanın qadınlardan ibarət yığma komandasında debüt edib.[66]

2017-ci ilin iyun ayında Azərbaycanın qadınlardan ibarət yığma komandasının heyətində Rusiyanın Xantı-Mansi şəhərində keçirilmiş dünya komanda çempionatında iştirak edib.[67] Eyni ilin oktyabr-noyabr aylarında Yunanıstanın Krit adasında keçirilmiş Avropa komanda çempionatında yenidən yığmanın şərəfini qoruyub.[68]

2018-ci ilin 23 sentyabr-6 oktyabr tarixləri arasında Gürcüstanın Batumi şəhərində keçirilmiş 43-cü Ümumdünya Şahmat Olimpiadasında Azərbaycanın qadınlardan ibarət yığma komandasının heyətində birinci lövhədə mübarizə aparıb.[69]

Yığma komandada statistikası[redaktə | əsas redaktə]

Mənbə:[70]

İl Turnir Şəhər Yığma Lövhə Reytinqi + = Nəticə % Yer (komanda) Yer (şəxsi)
2016 U16 Şahmat Olimpiadası Poprad Azərbaycan U16 2 2353 4 3 1 8-dən 5½ 68.8 11 bilinmir[Qeyd 3]
2016 Şahmat Olimpiadası Bakı Azərbaycan 2 2361 4 3 3 10-dan 5½ 55.0 8 10
2017 Dünya çempionatı Xantı-Mansi Azərbaycan 2 2368 3 5 1 9-dan 5½ 61.1 9 4
2017 Avropa çempionatı Krit Azərbaycan 1 2393 2 4 2 8-dən 4 50.0 8 12
2018 Şahmat Olimpiadası Batumi Azərbaycan 1 2438 3 3 3 9-dan 4½ 50.0 10 bilinmir[Qeyd 4]

Reytinqi[redaktə | əsas redaktə]

Günay Məmmədzadə FİDE-nin 2018-ci ilin oktyabr ayı üçün olan reytinq siyahısında 2438 xalla Azərbaycan qadın şahmatçıları arasında birinci,[5] "Ən yaxşı 100 qadın" siyahısında 33-cü,[6] "Ən yaxşı 100 qız" siyahısında isə 3-cü yerdə qərarlaşıb.[7] O, FİDE-nin reytinq siyahısında həm əmsalına (2442 xal, may 2018),[Qeyd 5] həm də mövqeyinə görə (32-ci yer, iyun 2018) ən yüksək nəticə göstərmiş azərbaycanlı qadın şahmatçıdır.

Mükafatları[redaktə | əsas redaktə]

2007, 20082009-cu illərdə Azərbaycan Respublikası Təhsil Nazirliyinin keçirdiyi "İlin ən yaxşı şahmatçısı" nominasiyasında birinci yeri tutub.[10]

2009-cu ildə Azərbaycan Respublikası Gənclər və İdman Nazirliyi tərəfindən keçirilən "Yaxşıların yaxşısı" nominasiyasının qalibi olub.[10]

2012-ci ildə "İlin ən yaxşı qız şahmatçısı" nominasiyası üzrə respublika müsabiqəsinin qalibi olub.[6]

Oyun stili[redaktə | əsas redaktə]

Günay Məmmədzadə qarşılaşmalara daha çox piyada e2-e4 gedişi ilə başlayır.[12] Oyun tərzini görüşün gedişinə uyğun seçir.[12] Günayın şahmat taxtasında ən çox sevdiyi fiqurlar atvəzirdir.[26] O, bu fiqurları şahmat taxtasında özünün "əsas silahları" sayır. Şahmatçının kumiri isə norveçli dünya çempionu Maqnus Karlsendi.[26]

Qadınlardan ibarət şahmat üzrə Azərbaycan yığmasının kapitanı Fikrət Sideifzadə 2017-ci ildə verdiyi müsahibədə bildirib ki, "Günay yaxşı debüt biliklərinə və möhkəm sinir sisteminə malikdir."[74]

Şəxsi həyatı[redaktə | əsas redaktə]

Günay Məmmədzadə şahmatdan başqa digər idman növləri ilə də maraqlanır. O, vaxtilə voleybolla məşğul olub. Şahmatvoleyboldan başqa sevdiyi idman növləri isə atçılıq, üzgüçülükatıcılıqdır.[26]

Məmmədzadə Bakı şəhərində yerləşən 6 nömrəli "İntellekt" məktəb-liseyinin şagirdi olub.[13] O, hazırda Azərbaycan Dövlət Bədən Tərbiyəsi və İdman Akademiyasında təhsil alır.[75]

Diqqətəlayiq oyunları[redaktə | əsas redaktə]

Chess zhor 26.png
Chess zver 26.png
Chess l44.png Chess d44.png Chess l44.png Chess d44.png Chess l44.png Chess rdd44.png Chess l44.png Chess kdd44.png
Chess d44.png Chess l44.png Chess pdd44.png Chess l44.png Chess nld44.png Chess l44.png Chess d44.png Chess pdl44.png
Chess rdl44.png Chess d44.png Chess l44.png Chess pld44.png Chess pll44.png Chess d44.png Chess pdl44.png Chess d44.png
Chess pdd44.png Chess pdl44.png Chess d44.png Chess l44.png Chess qld44.png Chess pdl44.png Chess d44.png Chess l44.png
Chess l44.png Chess d44.png Chess qdl44.png Chess d44.png Chess l44.png Chess d44.png Chess l44.png Chess d44.png
Chess d44.png Chess l44.png Chess d44.png Chess l44.png Chess d44.png Chess l44.png Chess d44.png Chess l44.png
Chess pll44.png Chess d44.png Chess bll44.png Chess d44.png Chess l44.png Chess kld44.png Chess l44.png Chess d44.png
Chess d44.png Chess l44.png Chess d44.png Chess l44.png Chess d44.png Chess l44.png Chess d44.png Chess rll44.png
Chess zver 26.png
Chess zhor 26.png
Məmmədzadənin 35-ci (vəzir e5) gedişindən sonra, keçmiş dünya və Avropa çempionu Antoaneta Stefanova təslim olub

Qeydlər[redaktə | əsas redaktə]

  1. Günaya qədər bu ada layiq görülmüş ən gənc azərbaycanlı şahmatçı, 2007-ci ildə, 18 yaşı olarkən bu adı almış Türkan Məmmədyarova olub.[26]
  2. Azərbaycan ev sahibi kimi Olimpiadada həm kişilərin, həm də qadınların yarışında üç komanda ilə təmsil olunurdu.[64][65]
  3. İlk üçlükdə olmadığı məlumdur.[71]
  4. İlk iyirmilikdə olmadığı məlumdur.[72]
  5. Günaya qədər ən yüksək əmsallı şahmatçı, 2420 xal (yanvar, 1997) toplamış İlahə Qədimova olub.[53][73]
  6. Valentina Qunina 2018-ci ildə üçqat Avropa çempionu olub.[79]
  7. Yu Venyun 2018-ci ildə digər Çin təmsilçisi Tan Çjunyini məğlub edərək, dünya çempionu olmuşdur.[82]

İstinadlar[redaktə | əsas redaktə]

  1. 1,0 1,1 "Şahmat üzrə dünya və Avropa birincisi". Muallim.edu.az. Arxivləşdirilib: [1] saytından 13 Aprel 2018 tarixində. https://web.archive.org/web/20180413155047/http://www.muallim.edu.az/www.old/arxiv/2014/22/33.htm.
  2. "Mammadzada, Gunay ALL-TIME PLAYER HISTORY". Olimpbase.org. Arxivləşdirilib: [2] saytından 17 Aprel 2018 tarixində. https://web.archive.org/web/20180416224314/http://www.olimpbase.org/players-ind/d/dxbrh13h.html.
  3. 3,0 3,1 "Azərbaycan şahmat tarixində rekord". Sportpress.az. Arxivləşdirilib: [3] saytından 24 Aprel 2018 tarixində. https://web.archive.org/web/20180424000411/http://sportpress.az/?p=4509.
  4. 4,0 4,1 "Новые звания ФИДЕ - представителям Азербайджана!". Azerichess.az. Arxivləşdirilib: [4] saytından 17 Aprel 2018 tarixində. https://web.archive.org/web/20180416223528/http://www.azerichess.az/ru/home/614-fide-title-2018-03.
  5. 5,0 5,1 "Federations Ranking - Azerbaijan (Active players) Only Women". Fide.com. Arxivləşdirilib: [5] saytından 5 oktyabr 2018 tarixində. https://archive.fo/QrgAm.
  6. 6,0 6,1 6,2 "Ən yaxşı 100 qadın". Fide.com. Arxivləşdirilib: [6] saytından 5 oktyabr 2018 tarixində. https://archive.fo/AdEKl.
  7. 7,0 7,1 "Ən yaxşı 100 qız". Fide.com. Arxivləşdirilib: [7] saytından 5 oktyabr 2018 tarixində. https://archive.fo/D3OfF.
  8. "Ən yaxşı 100 qadın". Fide.com. Arxivləşdirilib: [8] saytından 1 İyun 2018 tarixində. https://web.archive.org/web/20180430211303/https://ratings.fide.com/top.phtml?list=women.
  9. "Ən yaxşı 100 qadın". Fide.com. Arxivləşdirilib: [9] saytından 1 İyun 2018 tarixində. https://web.archive.org/web/20180605181853/https://ratings.fide.com/top.phtml?list=women.
  10. 10,0 10,1 10,2 10,3 10,4 10,5 10,6 "14 yaşlı ilk qadın qrossmeyster". Dsport.az. Arxivləşdirilib: [10] saytından 10 Yanvar 2016 tarixində. https://web.archive.org/web/20170110194530/http://www.dsport.az/news/shahmat/196/?sphrase_id=4772483.
  11. "Respublika müsabiqəsi qaliblərinin mükafatlandırılması haqqında Azərbaycan Respublikası təhsil nazirinin əmri". Edu.gov.az. Arxivləşdirilib: [11] saytından 13 May 2018 tarixində. https://web.archive.org/web/20180512205615/http://edu.gov.az/az/page/451/6234.
  12. 12,0 12,1 12,2 12,3 12,4 12,5 "Qadın qrossmeysterimiz: “Kişilərdən ibarət yığmada oynamaq istəyirəm”". Sportpress.az. Arxivləşdirilib: [12] saytından 10 Yanvar 2016 tarixində. https://web.archive.org/web/20170110193651/http://sportpress.az/?p=5080.
  13. 13,0 13,1 "Dünya və Avropa çempionatlarının mükafatçısı". Anl.az. Arxivləşdirilib: [13] saytından 17 Aprel 2018 tarixində. https://web.archive.org/web/20180417161231/http://www.anl.az/down/meqale/az_muellimi/2012/iyun/02.htm.
  14. "Шахматистка из Азербайджана стала чемпионкой Европы". Day.az. Arxivləşdirilib: [14] saytından 26 Aprel 2018 tarixində. https://web.archive.org/web/20180426004706/https://news.day.az/sport/121336.html.
  15. "European Youth U8 Championship 2008". Fide.com. Arxivləşdirilib: [15] saytından 30 Avqust 2018 tarixində. http://web.archive.org/web/20150906020336/https://www.fide.com/index.php?option=com_fidecalendar&view=archiveview&aid=464.
  16. "ON YAŞLI AZƏRBAYCAN ŞAHMATÇISI GÜNAY MƏMMƏDZADƏ DÜNYA ÇEMPİONU OLMUŞDUR". Azertag.az. Arxivləşdirilib: [16] saytından 26 Aprel 2018 tarixində. https://web.archive.org/web/20180426005554/https://azertag.az/xeber/ON_YASLI_AZARBAYCAN_SAHMATCHISI_GUNAY_MAMMADZADA_DUNYA_CHEMPIONU_OLMUSDUR-460430.
  17. "10-летняя азербайджанская шахматистка стала чемпионкой мира!". Apa.az. Arxivləşdirilib: [17] saytından 27 Aprel 2018 tarixində. https://web.archive.org/web/20180426235847/http://ru.apa.az/sport-azerbaydjan/nastolnye-igry/10-letnyaya-azerbajdzhanskaya-shakhmatistka-stala-chempionkoj-mira-.html.
  18. "Qadınlar arasında Bakı çempionatı". Chess-results.com. Arxivləşdirilib: [18] saytından 17 Aprel 2018 tarixində. https://web.archive.org/web/20180417170506/http://chess-results.com/tnr82812.aspx?lan=34&art=4&turdet=YES.
  19. "3 şahmatçımız medalla dönür". Azerisport.com. Arxivləşdirilib: [19] saytından 27 Aprel 2018 tarixində. https://web.archive.org/web/20180427000258/http://www.azerisport.com/az/chess/20131009044443542.html.
  20. "Yeniyetmələrimiz qalib gəldi". Lent.az. Arxivləşdirilib: [20] saytından 27 Aprel 2018 tarixində. https://web.archive.org/web/20180427000632/http://news.lent.az/news/141771.
  21. "14 yaşadək qızlar arasında Azərbaycan birinciliyi". Chess-results.com. Arxivləşdirilib: [21] saytından 17 Aprel 2018 tarixində. https://web.archive.org/web/20180417171956/http://chess-results.com/tnr95842.aspx?lan=34.
  22. "Azerbaijan Women's Championship 05 - 15 March 2014, Baku". Chess-results.com. Arxivləşdirilib: [22] saytından 17 Aprel 2018 tarixində. https://web.archive.org/web/20180417223425/http://chess-results.com/tnr126524.aspx?lan=34&art=4.
  23. "15th European Individual Women's Chess Championship". Chess-results.com. Arxivləşdirilib: [23] saytından 17 Aprel 2018 tarixində. https://web.archive.org/web/20180417224127/http://chess-results.com/tnr136442.aspx?lan=34&art=4&turdet=YES&flag=30.
  24. "Baku Open 2014, group A, 21 September - 01 October 2014, Baku". Chess-results.com. Arxivləşdirilib: [24] saytından 17 Aprel 2018 tarixində. https://web.archive.org/web/20180417224733/http://chess-results.com/tnr144353.aspx?lan=34&art=4.
  25. "4th quarter Presidential Board Meeting, 7-10 November 2014, Sochi, RUS". Fide.com. Arxivləşdirilib: [25] saytından 10 May 2018 tarixində. https://web.archive.org/web/20180510212134/http://ratings.fide.com/title_applications.phtml?details=1&id=13403729&title=WGM&pb=41.
  26. 26,0 26,1 26,2 26,3 "Kişilərə meydan oxuyan 16 yaşlı xanım - Portret". Kaspi.az. Arxivləşdirilib: [26] saytından 9 May 2018 tarixində. https://web.archive.org/web/20180509235034/http://www.kaspi.az/az/kisilere-meydan-oxuyan-16-yasli-xanim-portret/.
  27. "Qatar Masters Open 2014 26 November - 4 December 2014". Chess-results.com. Arxivləşdirilib: [27] saytından 15 May 2018 tarixində. https://web.archive.org/web/20180514225309/http://chess-results.com/tnr153113.aspx?lan=1&art=4&fed=AZE&turdet=YES&flag=30.
  28. ""Moskva Open 2015" beynəlxalq şahmat festivalına yekun vuruldu". Dsport.az. Arxivləşdirilib: [28] saytından 22 Aprel 2018 tarixində. https://web.archive.org/web/20180421232904/http://dsport.az/news/shahmat/2460/.
  29. "Moscow-Open 2015 G". Chess-results.com. Arxivləşdirilib: [29] saytından 21 Aprel 2018 tarixində. https://web.archive.org/web/20180421232753/http://chess-results.com/tnr159902.aspx?lan=34&art=1.
  30. "Azərbaycan şahmatçıları "Aeroflot Open 2015" beynəlxalq turnirində uğurla çıxış edirlər". Azertag.az. Arxivləşdirilib: [30] saytından 23 Aprel 2018 tarixində. https://web.archive.org/web/20180422212739/https://azertag.az/xeber/Azerbaycan_sahmatchilari_Aeroflot_Open_2015_beynelxalq_turnirinde_ugurla_chixis_edirler-841888.
  31. "Aeroflot Open 2015 B". Chess-results.com. Arxivləşdirilib: [31] saytından 23 Aprel 2018 tarixində. https://web.archive.org/web/20180422212946/http://chess-results.com/tnr164196.aspx?lan=34&art=4&turdet=YES.
  32. "16th European Individual Women's Chess Championship". Chess-results.com. Arxivləşdirilib: [32] saytından 23 Aprel 2018 tarixində. https://web.archive.org/web/20180422213924/http://chess-results.com/tnr164130.aspx?lan=34&art=4&turdet=YES&flag=30.
  33. "Top global talents compete at "Chess for Girls" tournament on campus". Webster.ac.at. Arxivləşdirilib: [33] saytından 8 May 2018 tarixində. https://web.archive.org/web/20180507222942/http://webster.ac.at/article/top-global-talents-compete-chess-girls-tournament-campus.
  34. "WOM Chess for Girls in Vienna Rapid-Chess". Chess-results.com. Arxivləşdirilib: [34] saytından 24 Aprel 2018 tarixində. https://web.archive.org/web/20180423234800/http://chess-results.com/tnr177824.aspx?lan=34&art=4&turdet=YES.
  35. "FIDE World Junior U20 Championship (Girls)". Chess-results.com. Arxivləşdirilib: [35] saytından 24 Aprel 2018 tarixində. https://web.archive.org/web/20180424000240/http://chess-results.com/tnr185842.aspx?lan=34&art=4&turdet=YES.
  36. "Moscow-Open 2016 A". Chess-results.com. Arxivləşdirilib: [36] saytından 26 Aprel 2018 tarixində. https://web.archive.org/web/20180426001948/http://chess-results.com/tnr205427.aspx?lan=34&art=4&turdet=YES.
  37. "Aeroflot Open 2016 B". Chess-results.com. Arxivləşdirilib: [37] saytından 26 Aprel 2018 tarixində. https://web.archive.org/web/20180422212946/http://chess-results.com/tnr164196.aspx?lan=34&art=4&turdet=YES.
  38. "2016-cı il qadınlar arasında Azərbaycan Çempionatı 15-23 mart 2016, Bakı". Chess-results.com. Arxivləşdirilib: [38] saytından 27 Aprel 2018 tarixində. https://web.archive.org/web/20180426234449/http://chess-results.com/tnr212381.aspx?lan=34&art=4.
  39. "Nakhchivan Open 2016, group A, 09-18 May 2016, Nakhchivan". Chess-results.com. Arxivləşdirilib: [39] saytından 28 Aprel 2018 tarixində. https://web.archive.org/web/20180428001722/http://chess-results.com/tnr219951.aspx?lan=34&art=4.
  40. "European Individual Women's Chess Championship". Chess-results.com. Arxivləşdirilib: [40] saytından 29 Aprel 2018 tarixində. https://web.archive.org/web/20180428225301/http://chess-results.com/tnr214515.aspx?lan=34&art=4&turdet=YES&flag=30.
  41. "European Club Cup 2016 Women Section". Chess-results.com. Arxivləşdirilib: [41] saytından 29 Aprel 2018 tarixində. https://web.archive.org/web/20180428233526/http://chess-results.com/tnr246471.aspx?lan=34&art=63&turdet=YES.
  42. "Mammadzada, Gunay - EUROPEAN WOMEN'S CHESS CLUB CUP". Chess-results.com. Arxivləşdirilib: [42] saytından 29 Aprel 2018 tarixində. https://web.archive.org/web/20180428233635/http://www.olimpbase.org/playersb/dxbrh13h.html.
  43. "Moscow-Open 2017 A". Chess-results.com. Arxivləşdirilib: [43] saytından 3 May 2018 tarixində. https://web.archive.org/web/20180503001016/http://chess-results.com/tnr260496.aspx?lan=34&art=4&turdet=YES.
  44. "Первенство Азербайджана по шахматам (среди женщин), 2017!". Azerichess.az. Arxivləşdirilib: [44] saytından 3 May 2018 tarixində. https://web.archive.org/web/20180503001454/http://azerichess.az/az/home/537-azechmp2017-women.
  45. "European Individual Women Chess Championship 2017". Chess-results.com. Arxivləşdirilib: [45] saytından 4 May 2018 tarixində. https://web.archive.org/web/20180504000049/http://chess-results.com/tnr269716.aspx?lan=34&art=4&turdet=YES&flag=30.
  46. "Nakhchivan Open 2017, group A, 02-12 May 2017, Nakhchivan". Chess-results.com. Arxivləşdirilib: [46] saytından 6 May 2018 tarixində. https://web.archive.org/web/20180505220700/http://chess-results.com/tnr272440.aspx?lan=34&art=4&turdet=YES&flag=30.
  47. "World Girls under 20 Championship 2017 (150310)". Chess-results.com. Arxivləşdirilib: [47] saytından 6 May 2018 tarixində. https://web.archive.org/web/20180505221804/http://chess-results.com/tnr306061.aspx?lan=34&art=4&turdet=YES&flag=30.
  48. "King Salman World Rapid Championship 2017 Women". Chess-results.com. Arxivləşdirilib: [48] saytından 7 May 2018 tarixində. https://web.archive.org/web/20180507001950/http://chess-results.com/tnr323007.aspx?lan=34&art=4.
  49. "King Salman World Blitz Championship 2017 Women". Chess-results.com. Arxivləşdirilib: [49] saytından 7 May 2018 tarixində. https://web.archive.org/web/20180507002052/http://chess-results.com/tnr323555.aspx?lan=34&art=4&flag=30.
  50. "Moscow-Open 2018 A". Chess-results.com. Arxivləşdirilib: [50] saytından 9 May 2018 tarixində. https://web.archive.org/web/20180508235635/http://chess-results.com/tnr328740.aspx?lan=34&art=4&turdet=YES.
  51. "Чемпионат Азербайджана среди женщин, 2018!". Azerichess.az. Arxivləşdirilib: [51] saytından 17 Aprel 2018 tarixində. https://web.archive.org/web/20180416224600/http://www.azerichess.az/ru/home/602-aze-chmp-2018-women.
  52. "Azerbaijan Women's Championship". Chess-results.com. Arxivləşdirilib: [52] saytından 9 May 2018 tarixində. https://web.archive.org/web/20180509000523/http://chess-results.com/tnr333294.aspx?lan=34&art=4.
  53. 53,0 53,1 53,2 "Məşqçisi Günay Məmmədzadənin uğurundan danışdı". Futbol+. Arxivləşdirilib: [53] saytından 18 May 2018 tarixində. https://web.archive.org/web/20180517143420/http://www.football-plus.az/idman/6328-meshqchisi-gunay-memmedzadenin-ugurundan-danishdi.html.
  54. "European Individual Women Chess Championship 2018 Slovakia". Chess-results.com. Arxivləşdirilib: [54] saytından 9 May 2018 tarixində. https://web.archive.org/web/20180509003849/http://chess-results.com/tnr338143.aspx?lan=34&art=4&turdet=YES&flag=30.
  55. "Master Open Alekhine Memorial 2018". Chess-results.com. Arxivləşdirilib: [55] saytından 22 İyun 2018 tarixində. https://web.archive.org/web/20180621220516/http://chess-results.com/tnr360617.aspx?lan=34&art=1&rd=9.
  56. "Oyunçunun məlumatı". Chess-results.com. Arxivləşdirilib: [56] saytından 22 İyun 2018 tarixində. https://web.archive.org/web/20180621220218/http://chess-results.com/tnr360617.aspx?lan=34&art=9&fed=AZE&snr=34.
  57. "2018 TÜRKİYE İŞ BANKASI SATRANÇ SÜPER LİGİ / Bireysel Masa Dereceleri". Superlig.tsf.org.tr. Arxivləşdirilib: [57] saytından 8 avqust 2018 tarixində. https://web.archive.org/web/20180808191741/http://superlig.tsf.org.tr/tr/component/turnuva/?task=fileview&kid=966.
  58. "2018 TÜRKİYE İŞ BANKASI SATRANÇ SÜPER LİGİ / Final Sıralama". Superlig.tsf.org.tr. Arxivləşdirilib: [58] saytından 8 avqust 2018 tarixində. https://web.archive.org/web/20180808194258/http://superlig.tsf.org.tr/tr/component/turnuva/?task=fileview&kid=3.
  59. "25th Abu Dhabi International Chess Festival - Masters". Chess-results.com. Arxivləşdirilib: [59] saytından 17 avqust 2018 tarixində. http://web.archive.org/web/20180816215204/http://chess-results.com/tnr354821.aspx?lan=34&art=4&flag=30&zeilen=99999.
  60. "Oyunçunun məlumatı". Chess-results.com. Arxivləşdirilib: [60] saytından 17 avqust 2018 tarixində. http://web.archive.org/web/20180816215337/http://chess-results.com/tnr354821.aspx?lan=34&art=9&fed=AZE&flag=30&snr=59.
  61. "23rd European Women Club Cup". Chess-results.com. Arxivləşdirilib: [61] saytından 24 Oktyabr 2018 tarixində. https://web.archive.org/web/20181023234758/http://chess-results.com/tnr373919.aspx?lan=34&art=63&flag=30&turdet=YES.
  62. "23rd European Women Club Cup". Chess-results.com. Arxivləşdirilib: [62] saytından 24 Oktyabr 2018 tarixində. https://web.archive.org/web/20181023234923/http://chess-results.com/tnr373919.aspx?lan=34&art=81&flag=30.
  63. "15th World Youth U16 Chess Olympiad: Poprad 2016". Olimpbase.org.. Arxivləşdirilib: [63] saytından 10 May 2018 tarixində. https://web.archive.org/web/20180509224935/http://www.olimpbase.org/2016wy/2016aze.html.
  64. "Bakı-2016: Şahmat Olimpiadasına söz ardı". Sportline.az. Arxivləşdirilib: [64] saytından 16 Aprel 2017 tarixində. https://web.archive.org/web/20180416221958/http://sportline.az/post/baki-2016-shahmat-olimpiadasina-soz-ardi.
  65. "İlham Əliyev 42-ci Ümumdünya Şahmat Olimpiadasının təntənəli açılış mərasimdə iştirak edib". President.az. Arxivləşdirilib: [65] saytından 16 Aprel 2017 tarixində. https://web.archive.org/save/http://www.president.az/articles/20926.
  66. "“Gücümüz çatan qədər mübarizə aparacağıq” - Günay Məmmədzadə". Apasport.az. Arxivləşdirilib: [66] saytından 10 May 2018 tarixində. https://web.archive.org/web/20180509225402/http://www.apasport.az/news/122155.
  67. "Mammadzada, Gunay WORLD WOMEN'S TEAM CHESS CHAMPIONSHIP". Olimpbase.org.. Arxivləşdirilib: [67] saytından 10 May 2018 tarixində. https://web.archive.org/web/20180509225850/http://www.olimpbase.org/playersv/dxbrh13h.html.
  68. "Mammadzada, Gunay EUROPEAN WOMEN'S TEAM CHESS CHAMPIONSHIP". Olimpbase.org.. Arxivləşdirilib: [68] saytından 10 May 2018 tarixində. https://web.archive.org/web/20180509225704/https://www.olimpbase.org/playersu/dxbrh13h.html.
  69. "43rd Olympiad Batumi 2018 Women". Chess-results.com. Arxivləşdirilib: [69] saytından 5 oktyabr 2018 tarixində. https://archive.fo/WjdaS.
  70. "Mammadzada, Gunay ALL-TIME PLAYER HISTORY". Olimpbase.org.. Arxivləşdirilib: [70] saytından 10 May 2018 tarixində. https://web.archive.org/web/20180510224733/http://www.olimpbase.org/players-ind/d/dxbrh13h.html.
  71. "15th World Youth U16 Chess Olympiad: Poprad 2016, Statistics, Individual statistics". Olimpbase.org. Arxivləşdirilib: [71] saytından 15 oktyabr 2018 tarixində. https://archive.fo/32zEs.
  72. "43rd Olympiad Batumi 2018 Women, Lövhə-mükafatlar (11 turdan sonra yekun sıralama) - Women". Chess-results.com. Arxivləşdirilib: [72] saytından 15 oktyabr 2018 tarixində. https://archive.fo/6gntt.
  73. "FIDE rating history - Kadimova, Ilaha". Olimpbase.org.. Arxivləşdirilib: [73] saytından 18 May 2018 tarixində. https://web.archive.org/web/20180518004216/https://www.olimpbase.org/Elo/player/Kadimova,%20Ilaha.html.
  74. Round 5. Press conference with Fikret Sideifzade, head coach and captain of Azerbaijan women team (4:26)  (rus.)  (ing.)
  75. "Milli Məclisdə Uşaqların Beynəlxalq Müdafiəsi Gününə həsr edilən tədbir keçirilib". Azertag.az. Arxivləşdirilib: [74] saytından 5 Noyabr 2018 tarixində. https://web.archive.org/web/20181105023412/https://azertag.az/xeber/Milli_Meclisde_Usaqlarin_Beynelxalq_Mudafiesi_Gunune_hesr_edilen_tedbir_kechirilib-1168621.
  76. "Ehsan Ghaem Maghami vs Gunay Mammadzada". Chessgames.com. Arxivləşdirilib: [75] saytından 15 May 2018 tarixində. https://web.archive.org/web/20180514223650/http://www.chessgames.com/perl/chessgame?gid=1779362.
  77. "Qatar Masters Open 2014 26 November - 4 December 2014". Chess-results.com. Arxivləşdirilib: [76] saytından 15 May 2018 tarixində. https://web.archive.org/web/20180514223803/http://chess-results.com/tnr153113.aspx?lan=1&art=2&rd=2&fed=AZE&flag=30.
  78. "Mammadzada, Gunay - Stefanova, Antoaneta". 2700chess.com. Arxivləşdirilib: [77] saytından 17 May 2018 tarixində. https://web.archive.org/web/20180517142226/https://2700chess.com/games/mammadzada-stefanova-r4-riga-2017-04-14.
  79. "Гунина третий раз в карьере стала чемпионкой Европы по шахматам". İTAR-TASS. Arxivləşdirilib: [78] saytından 18 May 2018 tarixində. https://web.archive.org/web/20180518200815/http://tass.ru/sport/5140883.
  80. "Mammadzada, Gunay - Gunina, Valentina". 2700chess.com. Arxivləşdirilib: [79] saytından 18 May 2018 tarixində. https://web.archive.org/web/20180518201016/https://2700chess.com/games/mammadzada-gunina-r3-khanty-mansiysk-2017-06-19.
  81. "Tan, Zhongyi - Mammadzada, Gunay". 2700chess.com. Arxivləşdirilib: [80] saytından 18 May 2018 tarixində. https://web.archive.org/web/20180519001503/https://2700chess.com/games/tan-mammadzada-r4-khanty-mansiysk-2017-06-20.
  82. "Ju Wenjun is the 17th Women’s World Champion". Chess24.com. Arxivləşdirilib: [81] saytından 21 May 2018 tarixində. https://web.archive.org/web/20180520215753/https://chess24.com/en/read/news/ju-wenjun-is-the-17th-women-s-world-chess-champion.
  83. "Ju, Wenjun - Mammadzada, Gunay". 2700chess.com. Arxivləşdirilib: [82] saytından 21 May 2018 tarixində. https://web.archive.org/web/20180520220213/https://2700chess.com/games/ju-mammadzada-r11-riyadh-2017-12-29.
  84. "Mammadzada, Gunay - Cramling, Pia". 2700chess.com. Arxivləşdirilib: [83] saytından 23 May 2018 tarixində. https://web.archive.org/web/20180523000648/https://2700chess.com/games/mammadzada-cramling-r15-riyadh-2017-12-30.
  85. "Mammadzada, Gunay - Ushenina, Anna". 2700chess.com. Arxivləşdirilib: [84] saytından 23 May 2018 tarixində. https://web.archive.org/web/20180523001051/https://2700chess.com/games/mammadzada-ushenina-r13-riyadh-2017-12-30.
  86. "Mammadzada, Gunay - Gupta, Abhijeet". 2700chess.com. Arxivləşdirilib: [85] saytından 9 avqust 2018 tarixində. https://web.archive.org/save/https://2700chess.com/games/mammadzada-gupta-r2-abu-dhabi-2018-08-08.

Xarici keçidlər[redaktə | əsas redaktə]

Vikianbarda Günay Məmmədzadə ilə əlaqəli mediafayllar var.