Günay Malikqızı

Vikipediya, açıq ensiklopediya
Jump to navigation Jump to search
Günay Malikqızı
Günay Malikqızı.jpg
Doğum tarixi 1978(1978-Şablondakı doğum və ya ölüm tarixində texniki yanlışlıq var!-00)
Doğum yeri Bakı, Azərbaycan SSR, SSRİ
Həyat yoldaşı Bəhruz Nəzərov
Atası Malik Fərrux
Vətəndaşlıq Flag of Azerbaijan.svg Azərbaycan
Peşəsi jurnalist
Milliyyəti azərbaycanlı

Günay Malikqızı — azərbaycanlı telejurnalist, Bakı Park Bulvar AVM-nin PR-meneceri.

Həyatı[redaktə | əsas redaktə]

Günay Malikqızı 1978-ci ildə Bakı şəhərində anadan olub. 1985-1995-ci illərdə Hüseyn Cavid adına 132 saylı orta məktəbdə təhsil alıb. 1995-cu ildə Naxçıvan Dövlət Universitetinin pedaqoqika fakültəsinini xarici dil ixtisasına daxil olub və 1999-cu ildə oranı bitirib.

2001-ci ildə elə həmin universitetin magistraturasını bitirib. İlk iş yeri 1995-ci ildə AzTV-nin nəzdində fəaliyyət göstərən "Virtuose" Teleradio Kompaniyasının "OFFSİDE+" idman verilişi olub. 2 il bu proqramda reportyor kimi çalışdıqdan sonra 1998-ci ildən "SPACE" MTRŞ-ə işə götürülüb. Müsabiqə nəticəsində 365 nəfərin arasında aparılan seçimdən keçən 5 gəncdən biri olub. "Hər gün" informasiya proqramının aparıcısı, həmçinin telejurnalist kimi fəaliyyət göstərdiyi dönəmdə kanalın bir çox ictimai-siyasi verilişlərinə aparıcılıq edib. 2004-cü ilə qədər "Space" MTRŞ-də çalışıb, prezident Heydər Əliyevi bir çox xarıcı səfərlərdə müşayət edən jurnalistlər sırasında olub. Parlament müxbiri kimi çalışıb. Müstəqil Azərbaycanın ən yeni tarıxındən bəhs edən bir neçə filmin ssenari müəllifi olub.

2004-cü ildən "Lider" Teleradio Kompaniyasinin İnformasiya departamentində redaktor kimi fəaliyyətə başlayıb. Bir müddət sonra həm də "Səda" informasiya proqramının aparıcısı olub. Həmçinin "Səda+" və "167-ci saat" verilişlərini tamaşaçılara təqdim edən aparıcılardan biri olub. Bu müddət ərzində bir çox filmin, o cümlədən sabiq prezident Heydər Əliyevdən bəhs edən filmlərin ssenari müəllifi olub. İşlədiyi dönəmdə "Sada" informasiya proqramının özəl tarıxlərə (20 Yanvar, Xocalı faciəsi, Yeni İl, Novruz bayramı və s.) həsr olunan buraxılışlarının quruluşçusu olub. 2007-ci ildə "Region+" ictimai-siyasi jurnalının baş redaktoru vəzifəsində çalışıb.

2011-ci ilin iyul ayından Park Bulvar AVM-in PR meneceridir.

Evlidir. 1 qızı var.

Xarici keçidlər[redaktə | əsas redaktə]