Günel Musəvi

Vikipediya, azad ensiklopediya
Jump to navigation Jump to search
Günel Musəvi
Günel.Musəvi.jpg
Sənətçi məlumatları
Doğum tarixi 30 iyun 1980 (1980-06-30) (39 yaş)
Doğum yeri Bakı, Azərbaycan SSR
Vətəndaşlığı
Peşələri Teleaparıcı,müğənni
Musiqi aləti vokal

Günel Musəvi (30 iyun 1980, Bakı) — teleaparıcı, müğənni.

Həyatı[redaktə | əsas redaktə]

Günel Musəvi 30 iyun 1980-ci ildə Bakı şəhərində anadan olub. 1986-1995-ci illərdə 46 nömrəli orta məktəbdə təhsil alıb. 1996-2000-ci illərdə Elm və Təhsil Mərkəzi Təfəkkür Universitetini bitirib. Universitetdə KVN-Şən və Hazırcavab komandasında aparıcı aktrisalardan biri olub. 1998-ci ildə Bakıda Universitetlər arasında "Təfəkkür" Universiteti çempion adını qazanıb. 1999-cu ildə 106 FM Radiosunda DJ-aparıcı vəzifəsində çalışmağa başlayıb. Bir il orada Emin Musəvi ilə bərabər "Yuxudan oyan" verilişinin aparıcısı olub. Daha sonra - 2000-ci ildə ABA teleкanalında öncə Azərbaycanda ilk yerli hit paradı - "Qızıl onluq" verilişini yaradıb və onun aparıcısı olub. Bunun ardınca əyləncəli-musiqili "100%" verilişində aparıcılıq edib. Həmin il "100%" verilişinə görə ilin ən yaxşi musiqili-əyləncəli veriliş nominasiyasında "Grand" mükafatına layiq görülüb. 2001-2002-ci illər ərzində Lider teleradio şirkətində "Tezdən oyan" və eyni zamanda Lider 107 FM radiosunda "Tərsinə" verilişlərində aparıcı olub.[1] [2] 2003-2004-cü illərdə Space TV-də "Çərçivə" musiqili-əyləncəli verilişini yaradıb və bu verilişin aparıcısı olub. 2004-cü ildə 6 aylıq Azərbaycanı tərk edib ABŞ-da yaşayan qardaşının yanına gedib. Dönəndən sonra 2 il fəaliyyətsiz qalıb. 2006-2008-ci illərdə yenidən Lider TV-də vaxtı ilə populyar olmuş "100%" verilişini bərpa etmiş və canlı yayımda hər gün 1 saat ərzində veriliş aparmışdır. Verilişdə ölkənin ən populyar müğənniləri və mədəniyyət xadimləri iştirak ediblər. 2008 ildə 5 ay ərzində "Salam" verilişinin aparıcısı olub. Bu illər ərzində televiziya və radiolarda yayımlanan reklam çarxlarını Azərbaycan dilində səsləndirib. Həmçinin bir sıra müğənnilərin kliplərində (2 defə Elariz Məmmədoğlu, İzzət Bağırov, Sabir və s.) çəkilib ki, həmin kliplərin də rejissorları tanınmış klipmeykerlər Aqil M. Quliyev, Elxan Cəfərov, Xanlar Ağayev olub.

Daha sonra AzTV-nin çəkdiyi "Oyunçu" serialında rol alıb, orda tərəf muqabili Yaşar Nuriyev olub.

G.Musəvi həm də müğənni kimi fəaliyyət göstərir.

2 klipi, 7 mahnısı var.

"Qaytar" adlı mahnısına çəkilən klip populyar olub və qısa zamanda hitə çevrilib. 2009-cu ildə Amerikanın Alabama ştatının Troy şəhərində "Troy" Universitetində təhsilini davam etdirməyə yollanıb.[3][4] 2010-cu ildə Amerikanın Minnesota ştatının Sent Pol şəhərinə yerləşib və "Metrostate Universitety"-də Uşaq Psixologiyası üzrə təhsilini davam etdirir.Bundan əlavə,Günel Musəvi "Every Azeri" bloqunun təsisçisidir.[5]Bu bloq vasitəsilə Günel Musəvi dünyanın bir çox yerlərinə səyahət edir,maraqlı məlumatlar hazırlayır və xaricdə yaşayan azərbaycanlılarla ünsiyyət yaradır.Həmçinin xarici ölkələrdə Azərbaycan diasporasının layihələrində,tədbirlərində aktiv şəkildə iştirak edir.2015-ci ildə həmyerlisi ilə ailə həyatı quran Günelin 2016-cı il təvəllüdlü Sevil adında qız övladı var.[6]

Xarici keçidlər[redaktə | əsas redaktə]

Every Azeri rəsmi bloqu

Every Azeri bloqunun Youtube səhifəsi

İstinadlar[redaktə | əsas redaktə]

  1. Günel Musəvi Day.az
  2. Günel Musəvi müsahibəsi
  3. Modern.az Günel Musəvi
  4. "Yazar" rubrikasında Günel Musəvi
  5. Günel Musəvi "Kokteyl" layihəsi
  6. Günel Musəvi ana oldu