Gəncə Avtomobil Zavodu

Vikipediya, azad ensiklopediya
Jump to navigation Jump to search
Gəncə Avtomobil Zavodu
Logo of the Ganja Automobile Plant.png
Tipi ictimai şirkət
Yaranma tarixi 1986
Sənaye avtomobilqayırma
Gəliri 6 mln 241,7 min AZN (2019)
Xalis mənfəəti 4 mln 993,4 min AZN (2019)
Ümumi aktivlər 79,3 milyon AZN (2019)[1]
Sayt ganjaauto.gov.az

Gəncə Avtomobil ZavoduAzərbaycanın Gəncə şəhərində fəaliyyət göstərən maşınqayırma müəssisəsi.

Tarixi[redaktə | əsas redaktə]

1986-cı ildə əsası qoyulmuş Gəncə Avtomobil Zavodunun istehsal gücü layihəyə əsasən 30 000 ədəd ortatonnajlı avtomobillərin istehsalı üçün hesablanmışdır. Müəssisənin tikintisi layihəyə görə 1989-cü illin sonlarına qədər başa çatdırmalı idi. Lakin Sovetlər Birliyinin dağılması nəticəsində zavodun tikintisini yarımcıq qalır. Yalnız 2004-cü ilin dekabırında Gəncə avtomobil zavodu işə düşüb və müəssisədə yığımdan keçən ilk avtomobil işıq üzü görüb.[2] 2006-cı ilin oktyabrında Minsk traktor və avtomobil zavodları ilə Gəncə avtomobil zavodu arasında əməkdaşlığın yaradılması barədə razılığa gəlinib. 2007-ci iln mart ayının 27-də isə Gəncə avtomobil zavodunda yığımdan keçən ilk «Belarus» markalı traktor konveyerdən düşüb. Paralel olaraq müəssisədə Belarusun “MAZ” yük avtomobillərinin yığımı da təşkil olunub. Həmin ilin aprelin 30-da müəssisədə yığılan «GƏNCƏ» və «PƏHLƏVAN» adları daşıyan ilk MAZ-lar işıq üzü görüb.[3]

İstehsal[redaktə | əsas redaktə]

Zavodun istehsal gücü ildə 1 700-2 000 ədəd traktor və 950-1 000 ədəd yük avtomobilin istehsalına bərabərdir.

Gəncə Avtomobil Zavodunda yığılan UAZ-469

Zavodda 2008-ci ildə 600-ə yaxın traktoravtomobil istehsal olunmuşdur. 2009-cu ilin aprel ayında zavodda 1000-ci traktor istehsal olundu. 2018-ci ilin aprel ayında Gəncə Avtomobil Zavodunun sayca 10 mininci traktoru istehsal edildi və həmçinin burada 3500-dən çox MAZ avtomobili və qoşqular buraxıldı.[4]

2020-ci ildə "Gəncə Avtomobil Zavodu" Finlandiyanın "Sampo" firması ilə əməkdaşlıq müqaviləsi əsasında “Sampo-Roselew” markalı kombaynların yığımına başlayacağını bildirib.[5]

Həmçinin bax[redaktə | əsas redaktə]

İstinadlar[redaktə | əsas redaktə]

  1. “Gəncə Avtomobil Zavodu”nun xalis mənfəəti 5 dəfəyədək artıb
  2. Gəncə Avtomobil Zavodunun Tarixi
  3. Belarusdakı vəziyyət "Gəncə Avtomobil Zavodu"nun istehsalına təsir edibmi?
  4. Belarus Azərbaycanda dərman istehal edəcək
  5. Azərbaycanda “Sampo-Roselew” markalı kombaynlar yığılacaq

Xarici keçidlər[redaktə | əsas redaktə]