Gəncə Müstəqil Jurnalistika Mərkəzi

Vikipediya, azad ensiklopediya
Jump to navigation Jump to search

Gəncə Müstəqil Jurnalistika Mərkəzi (GMJM) — 2001-ci ilin iyul ayında açılmışdır. Təşkilat Gəncədə (əhalisi 300 mindən yuxarıdır) və qərb regionunda KİV-nin inkişafına kömək edir. Fəaliyyət dövründə 45-dən çox jurnalist hazırlanmışdır. GMJM-nin əsas fəaliyyət istiqaməti qəzet və televiziya jurnalistikasıdır. Mərkəzin əsas məqsədlərindən biri də jurnalistlərə Avropa standartlarına uyğun səpkidə materialların hazırlanmasını öyrətməkdir.

Mərkəzin iş fəaliyyəti[redaktə | əsas redaktə]

Gəncə və ətraf ərazilərdə baş verən mühüm hadisələri işıqlandıran və yerli “Alternativ TV” kanalı vasitəsilə yayımlanan, gündəlik, 15 dəqiqəlik “Xəbər+” xəbər/informasiya televiziya proqramının istehsalı ilə məşğul olmuşdur;

Region daxilində KİV nümayəndələri və müxtəlif idarəetmə sahələri və biznes sahəsi arasında etibar körpüsünü, qarşılıqlı anlaşmanı və əməkdaşlığı yaratmaq məqsədilə şəhərdəki müxtəllif KİV- də çalışan jurnalistləri, həmçinin yerli QHT-ləri, bələdiyyə üzvlərini, İcra Hakimiyyəti və özəl sektorun nümayəndələrini bir yerə toplayaraq dəyirmi masalar təşkil edir;

Gəncədə KİV nümayəndələri və müxtəlif dövlət və ictimai strukturların nümayəndələri üçün mətbuat konfransları, dəyirmi masalar və disskusiyalar təşkil edir;

Azərbaycan ərazisində regional KİV-dən olan televiziya və çap mətbuatı və jurnalistləri üçün treninqlər keçirir və bu treninqlərə mümkün qədər çox gənc insanları cəlb edir;

Qeyri-hökumət təşkilatları və onların fəaliyyətlərini əks etdirən 500-dən artıq kitablarla zənginləşdirilən kitabxana fonduna malikdir. Mərkəz həmin kitabxana vasitəsilə qeyri-hökumət təşkilatları və özəl sektorun nümayəndələrinin, müxtəlif qəzet və televiziya jurnalistlərinin xidmətindədir;

Mərkəz zəngin video materiallar arxivinə malikdir. Həmin arxiv bölgədə fəaliyyət göstərən jurnalistlər tərəfindən istifadə olunur;

Regional istiqamətlənmiş səhiyyə, kənd təsərrüfatı və s. kimi mövzularla bağlı televiziya proqramlarının istehsalında yerli və beynəlxalq təşkilatlara texniki və istehsalat dəstəyi; ictimai çarxların və konkret mövzu üzərində qurulmuş sənədli filmlərin istehsalı;

Xarici keçidlər[redaktə | əsas redaktə]