Gəncə Maşınqayırma Zavodu

"Gəncə" Maşınqayırma zavodu — Azərbaycan Respublikası Müdafiə Sənayesi Nazirliyinin tabeliyindəki müəssisə.

Tarixi

Gəncə Maşınqayırma zavodu Azərbaycan KP MK-nın və Azərbaycan SSR Nazirlər Sovetinin 11 avqust 1977-ci il tarixli 44 nömrəli Qərarı ilə SSRİ radiosənayesi nazirinin 21 oktyabr 1977-ci il tarixli 442 nömrəli əmri əsasında 1984-cü ildən inşa olunmağa başlanmışdır.

Azərbaycan Respublikası Prezidentinin 3 sentyabr 1992-ci il tarixli 160 nömrəli Fərmanına əsasən Gəncə Maşınqayırma zavodu "Azəriqaz" Dövlət şirkətinin tərkibinə daxil edilmişdir.

Azərbaycan Respublikası Prezidentinin 27 sentyabr 2006-cı il tarixli 462 nömrəli Fərmanına əsasən zavod Azərbaycan Respublikası Müdafiə Sənayesi Nazirliyinin tabeliyinə verilmişdir.^[1]

Fəaliyyət sahələri

Xüsusi və mülki təyinatlı məhsulların istehsalı.

Texnoloji imkanları

Gəncə Maşınqayırma zavodunun fəaliyyəti aşağıdakı istehsal sahələrindən ibarətdir:

mехаniki yığmа;
gövdə hissələrinin, valların hazırlanması, muftaların emalı;
soyuq ştamplama;
qaynaq: arqon-qövs qaynağı, qaz qaynağı, lehimləmə;
plastik kütlə istehsalı;
ağac emalı;
kimyəvi örtükləmə: sinkləmə, fosfatlaşdırma, passivləşdirmə;
alət istehsalı: kəskilər, texnoloji tərtibatların hazırlanması, ştampların hazırlanması;
qeyri-standart avadanlıqlar, stendlər.