Gənc İstedadlara Dəstək Fondu

Vikipediya, azad ensiklopediya
Jump to navigation Jump to search
Gənc İstedadlara Dəstək Fondu
Növü İctimai təşkilat
Yaranma tarixi 18 oktyabr 2007
Qeydiyyat tarixi 26 dekabr 2007
Rəsmi dili Azərbaycan
Mərkəzi Azərbaycan Azərbaycan, Sumqayıt, AZ5000, 45-ci məhəllə, ev 11/13, mənzil 25.
Sədri Rüstəm Sadıqzadə

Gənc İstedadlara Dəstək Fondu və ya qısaca: GİDFAzərbaycanda ictimai, qeyri-siyasi, qeyri-dini istiqamətlərdə fəaliyyət göstərən qeyri-hökumət təşkilatı.

Gənc İstedadlara Dəstək Fondu 18 oktyabr 2007-ci ildə təsis edilmiş, 26 dekabr 2007-ci ildə Azərbaycan Respublikası Ədliyyə Nazirliyi tərəfindən dövlət qeydiyyatına alınmışdır. 30 mart 2011-ci il tarixindən Azərbaycan Respublikası Gənclər Təşkilatları Milli Şurasının tamhüquqlu üzvüdür[1].

GİDF-nun prezidenti Rüstəm Sadıqzadə

GİDF-nun prezidenti Rüstəm Sadıqzadədir[2].

Məqsəd və vəzifələr[redaktə | əsas redaktə]

Təşkilatın əsas məqsədi istedadlı gənclərin hərtərəfli inkişafına kömək etməkdən ibarətdir.

Fond göstərilən məqəsdlərə nail olmaq üçün aşağıdakı vəzifələri həyata keçirir:

  • istedadlı gənclərin aşkara çıxarılması ilə bağlı tədbirlər həyata keçirmək;
  • gənc istedadların yaradıcılıq potensialının inkişaf etdirilməsi istiqamətində tədbirlər həyata keçirmək;
  • istedadlı gənclər arasında vətənpərvərliyi təbliğ etmək;
  • milli-mənəvi dəyərlərin qorunub saxlanması və hərtərəfli təbliği işinə istedadlı gəncləri cəlb etmək;
  • istedadlı gənclər arasında maariflənirmə işi aparmaq;
  • istedadlı gənclərin məşğulluq problemlərinin həllinə yardım etmək;
  • gənc istedadların asudə vaxtlarının səmərəli təşkilinə kömək etmək.

Uğurları[redaktə | əsas redaktə]

  • 2011 — "2010-cu ildə uğurlu fəaliyyətinə görə və 2 Fevral – Azərbaycan Gəncləri Günü münasibəti ilə" Azərbaycan Respublikası Gənclər və İdman Nazirliyinin Fəxri Fərmanı ilə təltif edilmişdir[3].
  • 2011 — Sumqayıt şəhər Gənclər və İdman Baş İdarəsi tərəfindən "2010-cu il - İlin fəal qeyri-hökumət gənclər təşkilatı" nominasiyasında plaketlə təltif edimişdir[3].
  • 2011 — ARGTMŞ-nın yaradılmasının 15-ci ildönümü münasibətilə sertifikat və plaketlə təltif edilmişdir.

Layihələri və ən mühüm tədbirləri[redaktə | əsas redaktə]

  • Sumqayıt şəhər Gənclər və İdman Baş İdarəsi və Sumqayıt Dövlət Rəsm Qalereyası ilə birgə 11 iyul 2008-ci il tarixində Qalereyada Azərbaycan Rəssamlar İttifaqının üzvü, Ə.Bakıxanov adına incəsənət məktəbinin müəllimi gənc rəssam Nəsibə Şükürovanın ilk fərdi sərgisi təşkil edilmişdir.
  • Sumqayıt şəhər Gənclər və İdman Baş İdarəsi ilə birgə 26 yanvar 2009-cu il tarixində şəhər Təhsil Şöbəsinin konfrans zalında “Uşaq Birliyi Təşkilatlarının (UBT) rəhbərlərinin bacarıqlarının müəyyən edilməsi” mövzusunda sorğu keçirilmişdir.
  • 2010-cu il ərzində Sumqayıt şəhərində yaşayan 10 nəfər istedadlı, yaradıcı və ictimai fəal gəncə GİDF-nun təqaüdləri verilmişdir.
  • Azərbaycan Respublikası Gənclər və İdman Nazirliyinin maliyyə, Sumqayıt şəhər Gənclər və İdman Baş İdarəsinin təşkilati dəstəyilə layihə çərçivəsində 15 yanvar-22 may 2010-cu il tarixlərində Sumqayıt şəhərində "Dünya" Müstəqil Televiziya və Radio Şirkətinin çəkiliş pavilyonunda şəhərin ümumtəhsil məktəblərinin IX-XI sinif şagirdləri arasında "Erudit" İntellektual Televiziya Oyunu keçirilmişdir. Şəhərdə ilk intellektual televiziya oyunu olan “Erudit”də 47 ümumtəhsil müəssisəsini təmsil edən komandaların tərkibində IX-XI sinif şagirdi olan 141 nəfər iştirak etmişdir.
  • Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə, Sumqayıt şəhər Gənclər və İdman Baş İdarəsinin təşkilati dəstəyilə 01 aprel-01 avqust 2010-cu il tarixlərində “Sumqayıt şəhərində fəaliyyət göstərən gənclər təşkilatlarının bacarıqlarının artırılması” adlı layihə həyata keçirilmişdir. Layihə çərçivəsində şəhərdəki “Zümrüd” restoranında “QHT idarəçiliyi və liderlik”, “Layihə dövrünün idarəedilməsi, layihə dizaynı və layihənin yazılışı”, “İctimai maraqların qorunması və Kampaniyaların aparılması qaydaları”, “İctimaiyyətlə əlaqələr və sosial tərəfdaşlıq”, “Natiqlik və effektiv ünsiyyət” mövzuları üzrə keçirilmiş 6 təlimdə şəhərdə fəaliyyət göstərən 19 gənclər təşkilatı və qurumlarını təmsil edən 120 nəfər iştirak etmişdir.
  • Azərbaycan Respublikası Gənclər və İdman Nazirliyinin maliyyə dəstəyilə Gənc İstedadlara Dəstək Fondu Sumqayıt şəhər Gənclər və İdman Baş İdarəsi və Təhsil Şöbəsilə birgə 15-24 iyul 2010-cu il tarixlərində Quba rayonunun Ərməki kəndi yaxınlığında yerləşən "Qırmızı Qərənfil" İstirahət Mərkəzində şəhərinin ümumtəhsil məktəblərinin IX-XI siniflərində təhsil alan 350 nəfər üçün yay istirahət düşərgəsi təşkil edilmişdir.
  • Azərbaycan Respublikası Gənclər və İdman Nazirliyinin maliyyə dəstəyilə Gənc İstedadlara Dəstək Fondu Sumqayıt şəhər Gənclər və İdman Baş İdarəsilə birgə 07-08, 14-15 avqust 2010-cu il tarixlərində Quba rayonunun Ərməki kəndi yaxınlığında yerləşən “Qırmızı Qərənfil” İstirahət Mərkəzində Sumqayıt şəhərində yaşayan və fəaliyyət göstərən istedadlı, yaradıcı, fəal gənclərinin, perspektivli idmançılarının və məşqçi-müəllimlərinin bir qrupu üçün (cəmi 50 nəfər) “Gənclik şəhərinin sağlam gəncliyi olmalıdır” devizi altında “Yay məktəbi” təşkil edilmişdir.
  • Azərbaycan Respublikası Gənclər və İdman Nazirliyinin maliyyə, Sumqayıt şəhər Gənclər və İdman Baş İdarəsinin təşkilati dəstəyilə 15 sentyabr 2011-15 yanvar 2012-ci il tarixlərində “Dünya” MTRŞ-nin çəkiliş pavilyonunda şəhər gəncləri arasında “Erudit” İntellektual Televiziya Oyunu keçirilmişdir. Yarışlarda ayrı-ayrı sahələri təmsil edən 192 nəfər gənc komanda və fərdi formatlarda iştirak etmişdir.
  • Azərbaycan Respublikası Gənclər və İdman Nazirliyinin maliyyə, Sumqayıt şəhər Gənclər və İdman Baş İdarəsinin təşkilati dəstəyilə 15 sentyabr-05 dekabr 2012-ci il tarixlərində “Sumqayıt şəhərinin gəncləri arasında “Gənclik şəhərinin sağlam gəncliyi olmalıdır!” devizi altında maarifləndirici tədbirlərin keçirilməsi” adlı layihə həyata keçirilmişdir. Layihə çərçivəsində şəhərin məhəllə və mikrorayonlarında, ali, orta ixtisas, texniki-peşə və ümumtəhsil müəssisələrində maarifləndirici görüşlər təşkil edilmiş, 9100 nəfərə yaxın iştirakçıya GİDF-nun sifarişi əsasında “Dünya” MTRŞ-də hazırlanmış “Narkomaniya - əsrin bəlası” adlı film-rolik nümayiş etdirilmiş, buklet və broşürlər paylanmışdır.
  • Azərbaycan Respublikası Gənclər və İdman Nazirliyinin 2013-cü ildə elan etdiyi Gənclər təşkilatlarının layihələrinin qismən maliyyələşdirilməsi ilə bağlı müsabiqəyə təqdim edilmiş “Sumqayıt şəhərinin istedadlı, yaradıcı və ictimai fəal gəncləri üçün “Gənclik gələcəyimizdir!” devizi altında Yay düşərgəsi” adlı layihəsinin qismən maliyyələşdirilməsinə qərar verilmişdir.
  • Azərbaycan Prezidenti yanında Gənclər Fondunun elan etdiyi 7-ci qrant müsabiqəsi çərçivəsində "Ümummilli lider Heydər Əliyev irsi və gənclik" layihəsini həyata keçirmiş, Layihə çərçivəsində Sumqayıt şəhərində 10-dan artıq seminar, konfrans və digər formatlarda tədbirlər təşkil olunmuş, eləcə də "Heydər Əliyev və Sumqayıt" adlı fotoalbom çap edilmişdir.

Mənbə[redaktə | əsas redaktə]

  • Sumqayıtda Fəaliyyət Göstərən Gənclər Təşkilatları.  (azərb.)
  • Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası. 2010-cu ildə maliyyələşən layihələr. Azərbaycan qeyri-hökumət təşkilatları (sorğu-məlumat kitabı). Bakı, 2010.
  • Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası. Azərbaycan qeyri-hökumət təşkilatları (sorğu-məlumat kitabı). Bakı, 2010.

İstinadlar[redaktə | əsas redaktə]

  1. Gənc İstedadlara Dəstək Fondu Azərbaycan Respublikası Gənclər Təşkilatları Milli Şurasının tamhüquqlu üzvü seçilmişdir. sumqayit.gen.az  (azərb.)
  2. Sumqayıtda Fəaliyyət Göstərən Gənclər Təşkilatlarının Rəhbərləri Haqqında Məlumat. sumqayit.gen.az  (azərb.)
  3. 1 2 Gənc İstedadlara Dəstək Fondu təltif edildi. sumqayit.gen.az  (azərb.)

Xarici keçidlər[redaktə | əsas redaktə]