Gennadi Anaşkin

Gennadi Anaşkin
rus. Генна́дий Влади́мирович Ана́шкин
Şəxsi məlumatlar
Doğum tarixi	17 dekabr 1968(1968-12-17) (54 yaş)
Doğum yeri	Kuybışev, Samara vilayəti, RSFSR, SSRİ
Vətəndaşlığı	Rusiya
Milliyyəti	rus
Hərbi fəaliyyəti
Mənsubiyyəti	Rusiya
Qoşun növü	Rusiya Federasiyası Hava-Desant Qoşunları
Xidmət illəri	1987-ci ildən
Rütbə	general-leytenant
Döyüşlər	Birinci çeçen müharibəsi, İkinci çeçen müharibəsi, Rusiya-Gürcüstan müharibəsi (2008), Rusiya Federasiyasının Dağlıq Qarabağdakı sülhməramlı missiyası
Təltifləri
Vikianbarda əlaqəli mediafayllar

Gennadi Vladimiroviç Anaşkin (17 dekabr 1968, Kuybışev) — rusiyalı hərbi xadim. 2017-ci ilin iyulundan Cənub Hərbi Dairəsinin 8-ci qvardiya ümumqoşun ordusunun komandirinin müavini, general-leytenant (2021). Rusiya Federasiyasının Qəhrəmanı (05.09.2008).

Həyatı

Gennadi Vladimiroviç Anaşkin 17 dekabr 1968-ci ildə Kuybışev (indiki Samara) şəhərində anadan olmuşdur.

1987-ci ilin iyununda Sovet Ordusu sıralarına çağırılmış, Almaniyada Sovet Qüvvələri Qrupunda xidmət etmişdir.

1989-cu ilin avqustunda Ryazan Ali Hava-Desant Komandanlığı Məktəbinə daxil olmuş, bundan sonra 1993-cü ildə 337-ci Qvardiya Hava-Desant Alayında xidmətə göndərilmişdir (104-cü Qvardiya Hava-Desant Diviziyası, Ulyanovsk). Həmin ilin avqust ayından orada paraşüt-desant tağımının komandiri təyin edildi. 1994-cü ilin avqustunda komandirin müavini, 1995-ci ilin iyulunda isə eyni alayda hava-desant bölüyünün komandiri təyin olundu.

1998-ci ilin aprel ayından etibarən komandanlıq etdiyi 116-cı paraşütçü-desant taborunda (31-ci qvardiya hava-desant briqadası, Ulyanovsk) xidmət etmişdir.

1999-cu ilin dekabrından 2000-ci ilin avqustuna qədər Gennadi Vladimiroviç Anaşkin keçmiş Yuqoslaviyada ezamiyyətdə olmuş və burada Bosniya və Herseqovina Respublikasında Sülhməramlı Qüvvələrin bir hissəsi olan hava taboruna komandanlığı yerinə yetirmişdir.

2003-cü ildə Rusiya Federasiyası Silahlı Qüvvələrinin Ümumqoşun Akademiyasını bitirmişdır.

2003-cü ilin iyun ayından etibarən kiçik rütbəli hava desant qüvvələrinin hazırlığı (Omsk) mərkəzində 226-cı, sentyabr ayından isə 242 və 285-ci paraşütçü-desant alayında komandır müavini və qərargah rəisi vəzifəsində çalışmışdır.

2006-cı ilin avqustunda 31-ci Qvardiya Hava-Desant Briqadasının qərargah rəisi və komandir müavini (Ulyanovsk) təyin edildi. Birləşdirilmiş bölmələrin tərkibində birinci və ikinci Çeçen müharibələri zamanı Çeçenistanda ezamiyyətdə olub.

Rusiya-Gürcüstan müharibəsi (2008)

2007-ci ilin iyun ayından 104-cü Qvardiya Hava-Desant Alayına (76-cı Qvardiya Hava-Desant Hücum Diviziyası, Pskov) komandanlıq etmişdir. 8 avqust 2008-ci ildə səhər çağında alay həyacan siqnalı ilə ayağa qaldırılmış və bir neçə saat sonra polkovnik Gennadi Vladimiroviç Anaşkin tabor taktiki qrupunun başında Şimali Osetiyaya uçmuşdur. 9 Avqust gecəsi Anaşkinin komandanlığı altında qrup Cənubi Osetiyaya doğru yürüşə başlamış və avqustun 9-u səhər Sxinvaliyə çatmışdır. Avqustun 10-da onun komandanlığı ilə xüsusi hücum texnikasıyla gücləndirilmiş iki desant taborundan ibarət bir qrup Qori şəhərinə basqın etdi. Yolda qrup Gürcüstan aviasiyası tərəfindən hücuma məruz qaldı, qırıcı zenit silahları ilə vuruldu.

Xetaqurovo kəndi yaxınlığında qrup gürcü tankları tərəfindən atəşə tutuldu və geri çəkildi. Şindisidən Qoriyə hücum edən Anaşkinin qrupu, Variani kəndi yaxınlığındakı hərbi texnika anbarına hücum edərək onu məhv etdi. 12 avqustda ağır döyüşdən sonra bir televiziya qülləsi ilə hakim yüksəklik ələ keçirildi, gürcülərin artilleriya batareyası məhv edildi. Basqın zamanı qrupun bir hərbçisi öldü, doqquzu isə yaralandı.

Rusiya Federasiyası Prezidentinin 5 sentyabr 2008-ci il tarixli fərmanı ilə Rusiya-Gürcüstan müharibəsində hərbi vəzifəni yerinə yetirərkən göstərdiyi şücaət və qəhrəmanlığa görə qvardiya polkovniki Gennadi Vladimiroviç Anaşkinə Rusiya Federasiyasının Qəhrəmanı adı verildi. Qızıl Ulduz medalı (No 917).

Komandan postunda

Anaşkin müharibədən sonra Rusiya Ordusunda xidmətini davam etdirdi. 2008-ci ilin sonunda polkovnik Gennadi Anaşkinin komandanlığı altında olan alay Rusiya Hərbi Hava Qüvvələrinin ən yaxşı alayı olaraq seçildi.

• 2009-cu ilin avqustundan — 106-cı Qvardiya Hava Desant Diviziyasının komandir müavini
• 2010-cu ilin noyabrından 2011-ci ilin yanvarınadək — 106-cı Qvardiya Hava Desant Diviziyasının komandiri.
• 2012-ci ildə Rusiya Federasiyası Silahlı Qüvvələri Baş Qərargahının Hərbi Akademiyasını bitirib.
• 2012-ci ilin avqustundan 2014-cü ilin avqustunadək — 31-ci Qvardiya Hava Desant Briqadasının komandiri.
• 2014-cü ilin avqust ayından etibarən — Cənub Hərbi Dairəsinin 58-ci Birləşmiş Silahlı Qüvvələrinin komandir müavini.
• Rusiya Federasiyası Prezidentinin 11 dekabr 2015-ci il tarixli fərmanı ilə ona "general-mayor" hərbi rütbəsi verilib.
• 2017-ci ilin iyul ayından — Cənub Hərbi Dairəsinin 8-ci Qvardiya ümumqoşun ordusunun komandir müavini.
• Rusiya Federasiyası Prezidentinin 11 iyun 2021-ci il tarixli 355 nömrəli Fərmanı ilə "general-leytenant" rütbəsinə layiq görülüb..
• 2021-ci il sentyabrın 25-dən 2022-ci il yanvarın 12-dək — Dağlıq Qarabağdakı Rusiya sülhməramlı kontingentinin komandanı.

Mükafatları

• Rusiya Federasiyası Qəhrəmanı; (05.09.2008)
• "Vətənə xidmətə" görə qılınclarla IV dərəcəli orden;
• "Aleksandr Nevski" ordeni;
• Kutuzov ordeni;
• "İgidliyə görə" medal 3 orden (18.05.2000);
• "Hərbi Xidmətə görə" orden (7.04.2001);
• "Vətənə Xidmətlərə görə" qılınclarla II dərəcəli orden (29.01.1997);
• Suvorov medalı (21.02.2000);
• Rusiya Federasiyası medalları;

Xarici keçidlər

Сайт "Герои страны".