George Haci

Vikipediya, açıq ensiklopediya
Jump to navigation Jump to search
George Haci
Gica Hagi.jpg George Haci, 2008-ci il.
Ümumi məlumatlar
Tam adı George Haci
Ləqəbi Karpat Maradonası
Doğum tarixi 5 fevral 1965(1965-02-05)[1] (54 yaş)
Doğum yeri Seçele kəndi, Konstansa vilayəti, Rumıniya
Vətəndaşlıq Rumıniya Rumıniya
Boyu 174 sm
Çəkisi 73 kq
Mövqeyi yarımmüdafiəçi
Əsas ayağı Sol
Klub haqqında məlumat
Klub "Viitorul" (baş məşqçi)
Karyerası
Həvəskar karyerası
1978–1980 Rumıniya "Farul" (Konstansa)
1980-1981 Rumıniya "Luçaferul" (Buxarest)
1981-1982 Rumıniya "Farul" (Konstansa)
Peşəkar karyerası[* 1]
1982–1983 Rumıniya "Farul" (Konstansa) 18 (7)
1983–1987 Rumıniya "Sportul" (Buxarest) 108 (58)
1987–1990 Rumıniya "Styaua" (Buxarest) 97 (76)
1990–1992 İspaniya "Real" (Madrid) 64 (16)
1992–1994 İtaliya "Breşiya" 61 (14)
1994–1996 İspaniya "Barselona" 36 (7)
1996–2001 Türkiyə "Qalatasaray" (İstanbul) 132 (59)
Cəmi 516 (257)
Milli yığma[* 2]
1983–2000 Rumıniya Rumıniya 125 (35)
Məşqçisi olduğu klublar
2001 Rumıniya Rumıniya
2003–2004 Türkiyə "Bursaspor" (Bursa)
2004–2005 Türkiyə "Qalatasaray" (İstanbul)
2005–2006 Rumıniya "Politexnika" (Timişoara)
2007 Rumıniya "Styaua" (Buxarest)
2010–2011 Türkiyə "Qalatasaray" (İstanbul)
2014-dən Rumıniya "Viitorul"

  1. Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 14 aprel 2016 tarixində redaktə olunub.
  2. Rəsmi oyunlarda milli yığmanın heyətində keçirdiyi oyunların və vurduğu qolların sayı, 14 aprel 2016 tarixində redaktə olunub.
Commons-logo.svg Vikianbarda əlaqəli mediafayllar

George Haci (rum. Gheorghe Hagi; d. 5 fevral 1965, Seçele kəndi, Konstansa vilayəti, Rumıniya) — rumın futbol yarımmüdafiəçisi; XX əsrin ən yaxşı rumın futbolçusu. 2001-ci ildən məşqçi kimi fəaliyyət göstərir.

Həyatı[redaktə | əsas redaktə]

George Haci 5 fevral 1965-ci ildə Rumıniyada Konstansa vilayətinin Seçele kəndində anadan olmuşdur.

Onun özündən böyük Elena və Sultan adında iki bacısı var. 6 yaşında ikən anası Çirata ona həyatını dəyişdirəcək və heç vaxt unutmayacağı bir hədiyyə verir nu futbol topu idi.

Klub karyerası[redaktə | əsas redaktə]

"Farul"[redaktə | əsas redaktə]

Hacini ilk kəşf edən "Farul" (Konstansa) klubunun gənclərdən ibarət heyətini çalışdıran İosif Bukossi olmuşdur. Sonradan Hacinin futbolçu olmasında onun böyük əməyi vardır.

Haci ilk rəsmi matçına 11 yaşında çıxmışdır. 1979/1980 mövsümündə lisenziyalı olaraq "Farul" (Konstansa) komandasının oyunçusu olub.

"Sportul"[redaktə | əsas redaktə]

1983-cü ildə imtahan vermədən universitetə daxil olmaq üçün "Universitatya Krayova" komandasıyla müqavilə bağlayır. Bundan Rumıniya Sosialist Respublikasının prezidenti, diktator Nikolae Çauşeskunun oğlu Niku xəbər tutur və dərhal Hacini Buxarestdə bir universitetə yazdırır və onu fəxri prezidenti olduğu "Sportul Studentes"ə transfer edir. Haci 1983-1987-ci illərdə formasını geyindiyi "Sportul"da 108 matça çıxmış və 58 qola imza atmışdır.

"Styaua"[redaktə | əsas redaktə]

Hacinin uğurları Çauşeskunun böyük oğlu Valentinin də diqqətini çəkir. Qardaşı ilə arası heç də yaxşı olmayan Valentin Hacini ordu komandası olan "Styaua"ya transfer edir. Həmin vaxt Buxarest klubu Avropa Çempionlar Kubokunun qalibi olmuşdu. Avropa Superkuboku uğrunda keçirilən oyunda isə artıq Haci də heyətdə idi. Həmin matç Hacinin vurduğu yeganə qolla – 1:0 hesabı ilə başa çatır.

Bundan başqa, "Styaua"dakı ilk ilində Rumıniya Kuboku və Rumıniya Liqa Çempionluğunu yaşayan Haci daha sonra bu komanda ilə 1 Rumıniya Kuboku və 2 çempionluq qazanmışdır.

"Styaua"da oynadığı dövrdə "Yuventus", "Liverpul", "Çelsi" və ən çox da "Milan" kimi güclü klublar tərəfindən dəfələrlə transfer edilmək istənilsə də, dövrün kommunist rejimi səbəbiylə bu baş tutmur.

"Real"[redaktə | əsas redaktə]

1990/1991 mövsümündə ölkədəki kommunist rejiminin dəyişməsindən sonra Haci 25 yaşında ikən İspaniyanın dünyaca məşhur klubu olan Madrid "Real"ına transfer olur. Bu transferi Madrid klubu heç də asan başa gəlmir. İspanlar 4 milyon dollara – o dövrə üçün rekord sayılan ödəniş qarşılığında onu transfer edə bilirlər.

1990-1992-ci illərdə formasını geyindiyi "Real"da Toşak və Antiç kimi mütəxəssislərlə çalışır; 64 oyunda 16 qol vurur.

"Breşiya"[redaktə | əsas redaktə]

Madriddə istədiyi uğuru əldə edə bilməyən futbolçu 2 mövsüm sonra – 1992-ci ildə İtaliyaya yollanaraq, "Breşiya" klubuna transfer olunur. "Breşiya"dakı ilk ilində klub elitanı tərk edən zaman yeni transfer təkliflərinə baxmayaraq, Haci komandadan ayrılmır. Klubdakı ikinci ilində "Breşiya" tarixindəki ən diqqətçəkən uğurlardan birinə imza atır: İngiltərə və İtaliya klublarının iştirak etdiyi "Anqlo-İtaliya Kuboku"nu qazandı.

"Barselona"[redaktə | əsas redaktə]

"Barselona"nın holland baş məşqçisi Yohan Kroyffun səyləri nəticəsində 1994/1995 mövsümündə Haci yenidən İspaniyaya qayıtdı. Burada iki mövsüm çıxış edir və 36 oyunda 7 qol vurdu.

"Qalatasaray"[redaktə | əsas redaktə]

Hacinin karyerasında ən uzun müddət və ən çox meydana çıxdığı klub məhz "Qalatasaray" olmuşdur. O, İstanbulda 5 mövsüm çıxış etmişdir.

Hacinin "Qalatasaray"a transferi Türkiyə mətbuatında tənqidlərlə qarşılandı. Onun yaşının əslində 31 yox, 35 olduğu iddia edildi. Qeyd edək ki, bu həm də onun transferində növbəti rekord qiymət idi.

Haci tənqidlərə meydanda qarşılıq verəcəyini deyərək, "Qalatasaray"dakı ilk üç çempionat matçında qələbə gətirən qolları vurur. Növbəti illərdə isə Haci komandanın lideri olur. Komandaya qazandırdığı kuboklarla yanaşı, oynadığı 132 matçda 59 qol vurdu və daha 51 dəfə isə qol vurdurur.

"Qalatasaray"da oynadığı 5 mövsümdə UEFA Kuboku, Avropa Superkuboku, 4 Superliqa çempionluğu, 2 Türkiyə kuboku və 1 Cumhurbaşkanlığı Kubokunu qazanmışdır.

Onun bu klubdakı uğurları fanatlar tərəfindən "I love you Hagi" şüarını yaratmışdı. Türklərin inanılmaz "10 nömrə" adlandırdığı Haci sərt, dəqiq zərbələri və ecazkar cərimə zərbələriylə "Qalatasaray" azarkeşlərinin qəlbində taxt quraraq, unudulmazlar sırasına daxil olmuşdur.

Milli komanda karyerası[redaktə | əsas redaktə]

George Haci 1983-2000-ci illərdə 125 dəfə Rumıniya millisinin formasını geyinmiş və 35 qol vurmuşdur.

Məşqçilik karyerası[redaktə | əsas redaktə]

Məşqçilik karyerasına Rumıniya milli komandasında başlayan George Haci, sonradan "Bursaspor", "Qalatasaray", "Politexnika", "Styaua" kimi klubları çalışdırmışdır.

2014-cü ildən isə o, Rumıniya Liqa 1-ində çıxış edən "Viitorul" klubunun baş məşqçisidir.

Ləqəbi[redaktə | əsas redaktə]

Ona "Karpat Maradonası" ləqəbi verilib. Lakin bu ləqəbi özü heç vaxt bəyənməyib. Ölkəsində dostları onu "Qiça" ləqəbiylə çağırıb.

Klub statistikası[redaktə | əsas redaktə]

Mənbələr:[2][3][4][5][6]

Klub performansı Çempionat Kubok Digər Qitə[nb 1] Total
Mövsüm Klub Çempionat Oyun Qol Oyun Qol Oyun Qol Oyun Qol Oyun Qol
Rumıniya Çempionat Rumıniya Kuboku Rumıniya Liqası Avropa Cəmi
1982–83 "Farul" (Konstansa) Divizia A 18 7 18 7
1983–84 "Sportul" (Buxarest) Divizia A 31 2 2 0 33 2
1984–85 30 20 2 0 32 20
1985–86 31 31 2 3 33 34
1986–87 16 5 4 1 20 6
1986–87 "Styaua" (Buxarest) Divizia A 14 10 1 1 15 11
1987–88 31 25 8 4 39 29
1988–89 30 31 9 6 39 37
1989–90 22 10 3 1 25 11
İspaniya Çempionat Kopa del Rey Superkubok Avropa Cəmi
1990–91 "Real" (Madrid) La Liqa 29 4 0 0 1 0 4 0 34 4
1991–92 35 12 5 1 10 3 50 16
İtaliya Çempionat Kubok Superkubok Avropa Cəmi
1992–93 "Breşiya" İtaliya A Seriyası 31 5 31 5
1993–94 İtaliya B Seriyası 30 9 30 9
İspaniya Çempionat Kopa del Rey Superkubok Avropa Cəmi
1994–95 "Barselona" La Liqa 17 4 2 1 2 0 2 0 23 5
1995–96 19 3 4 0 5 3 28 6
Türkiyə Çempionat Kubok Superkubok Avropa Cəmi
1996–97 "Qalatasaray" (İstanbul) Türkiyə Super Liqası 30 14 1 2 2 0 3 1 36 17
1997–98 30 8 6 0 0 0 6 0 42 8
1998-99 28 14 4 1 8 3 40 18
1999–00 19 12 3 1 15 4 37 17
2000–01 25 11 1 0 11 2 37 13
Ölkə Rumıniya 223 141 17 6 31 16 271 163
İspaniya 100 23 11 2 3 0 21 6 135 31
İtaliya 61 14 4 2 65 16
Türkiyə 132 59 15 4 2 0 43 10 192 73
Yekun 516 237 47 14 5 0 95 32 663 283

Milli komanda statistikası[redaktə | əsas redaktə]

Mənbə:[7][8]

Rumıniya milli futbol komandası
İl Oyun Qol
1983 5 0
1984 9 1
1985 10 4
1986 8 3
1987 8 2
1988 4 2
1989 8 0
1990 11 2
1991 6 2
1992 5 4
1993 5 1
1994 11 5
1995 3 1
1996 8 1
1997 6 4
1998 7 1
1999 4 2
2000 6 0
Yekun 124 35

Qeydlər[redaktə | əsas redaktə]

  1. Buraya UEFA Çempionlar Liqası, UEFA Kuboku, UEFA Kuboklar KubokuUEFA Superkuboku (1986, 2000) daxildir

Mənbə[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda George Haci ilə əlaqəli mediafayllar var.