Gunnm: Martian Memory

Vikipediya, açıq ensiklopediya
Jump to navigation Jump to search
Picto infobox gamepad.png
Gunnm: Martian Memory
Gunnm-MM-Cover-Art.jpg
Hazırlayan Yukito Products
Nəşr edən Banpresto
Seriya "Battle Angel Alita"
Buraxılış tarixləri Yaponiya regionu 27 avqust 1998
Janrlar jRPG
Faytinq
Yaş reytinqləri ESRB: EEveryone
Dizaynerlər Yukito Kişiro
Ssenaristlər Yukito Kişiro
Rəssamlar Yukito Kişiro
Texniki məlumat
Platformalar PlayStation
Oyun rejimləri Birnəfərli oyun
Daşıyıcılar CD-ROM
İdarəetmə qeympad

Gunnm: Martian Memory (銃夢 ~火星の記憶~ Ganmu Kasei no?, azərb. Silah yuxusu: Mars xatirəsi‎) — "Yukito Products" tərəfindən hazırlanan, "Banpresto" şirkəti tərəfindən nəşr olunan və aksiya rol-pleyinq janrında olan video oyun. "Battle Angel Alita" manqa seriyasına əsaslanan video oyun tarixində 27 avqust 1998-ci ildə Yaponiyada PlayStation platforması üçün satışa çıxarılmışdır. "Battle Angel Alita" manqa seriyasının əsasında hazırlanan, eləcə də "Yukito Products" şirkətinin yeganə video oyunudur.

Məzmun[redaktə | əsas redaktə]

"Gunnm: Martian Memory" "Battle Angel Alita" manqa seriyasının bir adaptasiyasıdır. Oyunun məzmunu Alitanın (Qalli) Daysuke İdo tərəfindən tapılması ilə başlayır və "TUNED" agenti olmasına qədər davam edir. Oyunun məzmununda müəllif Yukito Kişironun orijinal manqanı yaradan zaman fikirləşdiyi, ancaq o zaman gerçəkləşdirə bilmədiyi elementləri daşıyır. Bu elementləri oyunun kosmosda keçməsi də daxildir.[1]

Qeympley[redaktə | əsas redaktə]

Oyunçu məzmunda irəliləmək üçün onu və hər səviyyədə olan boss raundlarını bitirməlidir. Oyunçu Alitanı üçüncü-şəxs perspektivindən üçölçülü bir mühitdə idarə edir. Onlar əraziləri gəzə və qeyri-oyunçu personajlarla əlaqəyə girə bilərlər. Bu personajlar arasında manqada görünən personajlar da daxildir. Hekayə rejimində oyunçuya "Select" düyməsinə basaraq döyüş rejiminə (ing. Battle Mode) daxil olmaq seçimi verilir.[2]

"Battle Angel Alita" kainatının orijinal versiyasında mövcud olan iki aspekt – ovçu-döyüşçü sistemi və motorbol da oyunda mövcuddur. Oyundakı ovçu-döyüşçü sistemi pul qazanmaq formasındadır. Oyunçu istədiyi zaman hekayə rejimindən çıxa bilər və fərqli-fərqli qiymətləri olan rəqibləri məğlub etmək üçün müəyyən ərazilərə səyahət edə bilər. Bundan silah və təkmilləşmə satın almaq üçün istifadə etmək olar. Alita oyunun motorbol matçlarında yarış çığırında sağ qalmalı və digər oyunçuları məğlub etməlidir. Daha çətin matçlarda oyunçu bossları da məğlub etməlidir.[3]

İstehsal[redaktə | əsas redaktə]

Orijinal "Battle Angel Alita" manqasının şəxsi səbəblərə görə qısaldılmış sonluğu Yukito Kişironu qane etməmişdi. O, 1995-ci ilin oktyabr ayında "Battle Angel Alita" manqası əsasında bir rol oyunu yaratmaq fikrinə gəlmişdi. Bu ideyanı baş redaktoruna təklif edəndən sonra "Banpresto" ofisinə göndərilmişdir. "Ashen Victor" manqasını bitirəndən sonra Kişiro oyunun məzmunu, personaj dizaynı və paketləşdirilməsi üzrə işləmişdir. Oyun və jurnal üçün alternativ bir üzlük yaratmaq bir ay vaxt almışdı.[4][5] Kişiro oyunun ikiölçülü olmasını istəyirdi, ancaq oyunda üçölçülü qrafikalardan istifadə etmək təklifini qəbul etmişdir. Oyun 1997-ci ildə satışa çıxarılacaqdı, amma bu 1998-ci ildə gerçəkləşmişdi.[6]

Kişiro "Gunnm: Martian Memory" üçün hazırladığı hekayəni genişləndirmək qərarını almış və "Battle Angel Alita: Last Order" manqasının əsas hissəsi olaraq istifadə etmişdir.

İstinadlar[redaktə | əsas redaktə]

  1. ""Gunnm: Last Order" notice by Yukito Kishiro.". English version of Yukito Kishiro's official website. 16 iyul 2007 tarixində arxivləşdirilib. İstifadə tarixi: 16 avqust 2018.
  2. "Gunm Martian Memory (Import) Review". GameSpot (2 fevral 1999).
  3. "Gunnm: Martian Memory". EX: The Online World of Anime and Manga (2000). 23 iyun 2004 tarixində arxivləşdirilib. İstifadə tarixi: 16 avqust 2018.
  4. "Yukitopia Illustration Gallery, "Angel of Space, Red"". English version of Yukito Kishiro's official website.
  5. "Yukitopia Illustration Gallery, "Angel of Space, Blue"". English version of Yukito Kishiro's official website.
  6. "Yukito Kishiro's Memories of Mars Interview--UltraJump 10/25/98". 3 noyabr 2005 tarixində arxivləşdirilib. İstifadə tarixi: 16 avqust 2018.

Xarici keçidlər[redaktə | əsas redaktə]