Hüsü Hacıyev

Hüsü Hacıyev
Hüsü Hacıyev
Azərbaycan Su Təsərrüfatı İdarəsinin rəisi
	1930 – 18 may 1931
Sonrakı	Bəşir Səfərov
Azərbaycan SSR xalq ədliyyə komissarı — Azərbaycan SSR prokuroru
	1928 – 1930
Əvvəlki	Böyükağa Talıblı
Sonrakı	Kərim Əbdülov
Şəxsi məlumatlar
Doğum tarixi	26 sentyabr 1897
Doğum yeri	Şuşa, Şuşa qəzası, Yelizavetpol quberniyası, Rusiya imperiyası;
Vəfat tarixi	18 may 1931 (33 yaşında)
Vəfat yeri	Ağdaş rayonu, Azərbaycan SSR, ZSFSR, SSRİ;
Dəfn yeri	Fəxri Xiyaban;
Partiya	Ümumittifaq Kommunist (bolşeviklər) Partiyası (1919–1931);
Təhsili	Şuşa real məktəbi (1910–1918);
Fəaliyyəti	inqilabçı, dövlət xadimi

Hüsü Hüseynəli oğlu Hacıyev (26 sentyabr 1897, Şuşa – 18 may 1931, Ağdaş rayonu) — Azərbaycan-sovet inqilabçısı və dövlət xadimi, Azərbaycan SSR xalq ədliyyə komissarı və prokuroru (1928–1930), Azərbaycan Su Təsərrüfatı İdarəsinin rəisi (1930–1931).

Həyatı

Hüsü Hüseynəli oğlu Hacıyev 26 sentyabr 1897-ci ildə Şuşa şəhərində anadan olmuşdur.^[1] 1910-cu ildən Şuşa real məktəbində oxumuş və 1918-ci ildən inqilabi fəaliyyətə qoşularaq məktəblilərin inqilabi hərəkatında iştirak etmişdir. 1919-cu ildən bolşeviklər partiyasının üzvü olmuş, Qarabağda bolşevik ədəbiyyatı yayaraq müsavatçılara qarşı mübarizə aparmışdır.^[2]

Azərbaycanda sovet hakimiyyətinin qurulmasından sonra Qarabağ İnqilab Komitəsinin üzvü olan Hüsü Hacıyev 1920-ci ilin iyun ayında Şuşada əks-inqilabi qiyam zamanı Şuşa həbsxanasına salınmışdır. Qısa müddət sonra o, həbsdən azad edilmiş və Qarabağ Fövqəladə Komissiyasının təyin edilmişdir. 1921-ci ildən etibarən Qubadlı, Kürdüstan, Ağdam və Quba qəza icraiyyə komitələrinin sədri, eləcə də Azərbaycan K(b)P Qaryagin Qəza Komitəsinin katibi olmuşdur. 1930-cu ilədək Azərbaycan SSR xalq ədliyyə komissarı və prokuroru vəzifəsində işləmiş, qısa müddət sonra isə Azərbaycan Su Təsərrüfatı İdarəsinin rəisi vəzifəsində çalışmağa başlamışdır.^[2]

Hüsü Hacıyev Azərbaycan K(b)P Mərkəzi Komitəsinin, Azərbaycan SSR və ZSFSR mərkəzi icraiyyə komitələrinin üzvü olmuşdur.^[1]

18 may 1931-ci ildə Kür çayının daşaraq Ağdaş rayonundakı bəndi yarmasına görə hadisə yerinə gedən Hüsü Hacıyev rayonunun Qaxay–Xirəzi kəndləri istiqamətində 10 nəfərlik dəstə tərəfindən hücuma məruz qalmış və yanındakı milis işçisi ilə birlikdə qətlə yetirilmişdir.^[3] I Fəxri Xiyabanda dəfn edilmişdir. Bərdədə abidəsi, Şuşada isə büstü qoyulmuş, Bakıda maşınqayırma zavoduna, Bakı və Ağdaşda küçələrə və s. adı verilmişdir.^[1]

Hüsü Hacıyev Azərbaycanın ilk riyaziyyatçı qadın alimi Maya Hacıyevanın böyük qardaşıdır.

İstinadlar

↑ ¹ ² ³ Һаҹыјев Һүсү Һүсејнәли оғлу // Азәрбајҹан Совет Енсиклопедијасы: [10 ҹилддә]. X ҹилд: Фрост—Шүштәр. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1987. С. 154.
↑ ¹ ² Һ. Һ. Һаҹыјев // Азәрбайҹанда Совет һакимиййәти уғрунда фәал мүбаризләр. Бакы: Азәрбайҹан Дөвләт Нәшрийяаты. 1958. səh. 190–191.
↑ Huqymət mə'lymatь // Kommynist. № 112 (3227). 20 maj 1931. S. 1.

[ase-1] ¹ ² ³ Һаҹыјев Һүсү Һүсејнәли оғлу // Азәрбајҹан Совет Енсиклопедијасы: [10 ҹилддә]. X ҹилд: Фрост—Шүштәр. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1987. С. 154.

[mb-2] ¹ ² Һ. Һ. Һаҹыјев // Азәрбайҹанда Совет һакимиййәти уғрунда фәал мүбаризләр. Бакы: Азәрбайҹан Дөвләт Нәшрийяаты. 1958. səh. 190–191.

[3] Huqymət mə'lymatь // Kommynist. № 112 (3227). 20 maj 1931. S. 1.

[1]

[2]

[3]

Azərbaycanın baş prokurorları
Azərbaycan Xalq Cümhuriyyəti (1918-1920)	Xəlil bəy Xasməmmədov (28 may 1918 – 17 iyun 1918) Fətəli xan Xoyski (17 iyun 1918 – 7 dekabr 1918) Teymur bəy Makinski (26 dekabr 1918 – 14 mart 1919) Aslan bəy Səfikürdski (14 mart 1919 – 22 dekabr 1919) Xəlil bəy Xasməmmədov (22 dekabr 1919 – 1 aprel 1920)
Azərbaycan SSR (1920-1991)	Əliheydər Qarayev (28 aprel 1920 – 1921) İvanov (1921 – 1922) Bahadır Vəlibəyov (1922 – 1926) Böyükağa Talıblı (1926 – 1930) Hüsü Hacıyev (1930 – 1931) Böyükağa Talıblı (1931 – 1932) Ayna Sultanova (1933 – 1934) Yaqub Məmmədov (1935 – 1936) Bahadır Vəlibəyov (1930 – 1937) Ağahüseyn Əlihüseynov (1938 – 1941) Cəbrayıl Cəbrayılzadə (1941 – 1943) Xəlil Əfəndiyev (1943 – 1948) Əliabbas Əliyev (1948 – 1951) Hacı Rəhimov (1951 – 1954) Adil Babayev (1951 – 1954) Seyfulla Əkbərov (1951 – 1963) Qambay Məmmədov (1963 – 1976) Abbas Zamanov (1976 – 1985) İlyas İsmayılov(1985 – 1990)
Azərbaycan Respublikası (1991 – indiyə kimi)	İsmət Qayıbov (23 yanvar 1990 – 29 may 1991) Murad Babayev (1991 – 1992) İxtiyar Şirin (1992 – 1993) Əli Ömərov (1993 – 1994) Eldar Həsənov (1995 – 2000) Zakir Qaralov (25 aprel 2000 – 1 may 2020) Kamran Əliyev (1 may 2020 - Hal-hazırda)