Hüseyn Əbdürrəhimov

Hüseyn Əbdürrəhimov
Doğum tarixi	20 fevral (4 mart) 1912
Doğum yeri	Nuxa, Nuxa qəzası, Yelizavetpol quberniyası, Rusiya imperiyası
Vəfat tarixi	20 may 1966(1966-05-20) (54 yaşında)
Vəfat yeri	Nuxa, Nuxa rayonu, Azərbaycan SSR, SSRİ
Təhsili	Azərbaycan Dövlət Aqrar Universiteti
Fəaliyyəti	aqronom
Partiyası	Sovet İttifaqı Kommunist Partiyası
Mükafatları

Hüseyn Yəhya oğlu Əbdürrəhimov (20 fevral (4 mart) 1912, Nuxa – 20 may 1966, Nuxa) — Sosialist Əməyi Qəhrəmanı (1949).

Həyatı

Əbdürrəhimov Hüseyn Yəhya oğlu 1912-ci ildə Şəki (Nuxa) şəhərində anadan olub. Hələ kiçik yaşlarından yeyim olarkən yaxın qohumlarının himayəsində, Pansion məktəbdə oxuyaraq Sovet dövləti hesabına yaşayıb. 1922-ci ildə Nuxa şəhərində "Nümunə, Zəhmət, Təcrübə" məktəbinə daxil olub, həmin məktəbi 1930-cu tədris ilində başa vurub. 1933-cü ildə "Azərbaycan kənd təsərrüfatı inistitutu"-nun "aqronom" ixtisasını bitirib və həmin ildə də, əmək fəaliyyətinə başlayıb. 1934-cü ildən Nuxa rayon torpaq şöbəsində aqronom, 1941-ci ildən 1946-cı ilədək torpaq şöbəsində baş aqronom, 1946-cı il mart ayından 1947-ci ilin mayınadək Nuxa rayon "texniki, bitkilər" şöbəsinin müdiri, 1952-ci ilədək Nuxa rayon kənd təsərrüfatı şöbəsinin müdiri, 1952-ci il fevral ayından 1957-ci ilin yanvarına kimi Nuxa rayon İcra Komitəsinin sədiri, 1957-ci il mart ayından 1963-cü il aprel ayına kimi "MTS", "RTS" və Azərmexanikanın Nuxa şöbəsinin müdiri vəzifəsində çalışmış və həmin ilin avqust ayından Nuxa tütün idarəsində vəzifəsini davam etdirmişdir.

1929-cu ildən 1946-cı ilədək UİLKGİ-nın üzvü, 1939-cu ildən Sovet İKP-nın üzvü, 1946-cı ildən Şəhər Partiya Komitəsinin üzvü, 1954-cü ildən Azərbaycan KPMK-nin üzvü namizədi olmuş, yerli sovetlərə seçicilər üzrə ıı, ııı ,ıv çağırışda rayon sovetinə deputat seçilmişdir.

1929-cu ildən Torpaq işləri Həmkarlar İttifaqının üzvü olub.

Sovet ordusunda xidmət edib. Böyük vətən müharibəsi zamanı daşıdığı vəzifə ilə əlaqədar hərbi səfərvərliyə alınmayıb və məhkəməyə düşməyib.

1939-cu ildə UİKT sərgisinin iştirakçısı olub. 1945-ci ildə "Qafqazın müdafiyəsi" medalı ilə, 1941–1945-ci illərdə Böyük vətən müharibəsi zamanı " İgidliklə işləməyə görə" medalı ilə, 1948-cı ildə rayon üzrə tütün bitçisinin məhsuldarlığını xeyli artıqlaması ilə ödədəməyi təmin etdiyi üçün SSRİ Ali Sovetinin 1 iyun 1949-cu il tarixli qərarı ilə Sosialist Əməyi Qəhrəmanı adı almış, Lenin ordeni və qızıl ulduzla təltif olunmuşdur.

1952-ci ilin oktyabrından 1953-cü ilin iyun ayına qədər Azərbaycan KPMK-nin yanında rəhbər partiya və sovet kadrlarının ixtisasını artıran bir illik məktəbi bitirib.

1945-ci ildə ailə həyatı qurub, 5 övladı var. Əbdürrəhimov Hüseyn Yəhya oğlu 1966-cı il aprel ayının 20-i Şəki (Nuxa) şəhərində vəfat etmişdir.