Hüseyn Nəcəfzadə

Vikipediya, azad ensiklopediya
Jump to navigation Jump to search
Vikipediyada bu soyadlı müxtəlif adamlar haqqında məqalələr var, bax: Nəcəfzadə.
Hüseyn Nəcəfzadə
Nəcəfzadə Hüseyn Abbasqulu oğlu.jpg
Şəxsi məlumatlar
Doğum tarixi
Doğum yeri Saray, Abşeron rayonu, Azərbaycan
Vəfat tarixi (24 yaşında)
Vəfat yeri Kəlbəcər rayonu, Azərbaycan
Dəfn yeri Saray, Abşeron rayonu, Azərbaycan
Vətəndaşlığı Azərbaycan Azərbaycan
Təhsili Heydər Əliyev adına Azərbaycan Ali Hərbi Məktəbi
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Xidmət illəri 2015—2022
Rütbə Azərbaycan Silahlı Qüvvələrinin Quru Qoşunlarının baş leytenantı.png Baş leytenant
Döyüşlər Vətən müharibəsi
 • Suqovuşan döyüşləri
Fərrux əməliyyatı
Azərbaycan–Ermənistan sərhəd toqquşması (2022)
Təltifləri 3-cü dərəcəli "Vətənə xidmətə görə" ordeni — 2022"Vətən uğrunda" medalı — 2022"Suqovuşanın azad olunmasına görə" medalı"Azərbaycan Ordusunun 100 illiyi (1918-2018)" yubiley medalı
"Vətən müharibəsi iştirakçısı" medalı

Hüseyn Abbasqulu oğlu Nəcəfzadə (11 oktyabr 1997; Saray, Abşeron rayonu, Azərbaycan — 16 sentyabr 2022; Kəlbəcər rayonu, Azərbaycan) — Azərbaycan Silahlı Qüvvələrinin baş leytenantı, Vətən müharibəsi veteranı. 2022-ci il sentyabrın 12-dən 13-nə keçən gecə Ermənistan Silahlı Qüvvələrinin Kəlbəcər rayonu istiqamətində, Azərbaycan-Ermənistan sərhədində Azərbaycan Ordusuna qarşı törətdiyi təxribat nəticəsində şəhid olmuşdur.

Həyatı[redaktə | mənbəni redaktə et]

Hüseyn Nəcəfzadə 11 oktyabr 1997-ci ildə Abşeron rayonunun Saray qəsəbəsində Abbasqulu Nəcəfovun və Könül Nəcəfovanın ailəsində anadan olmuşdur.[1] 2003-2015-ci illərdə Abşeron rayon Saray qəsəbə 1 saylı tam orta məktəbində təhsil almışdır. 2015-2019-cu illərdə Heydər Əliyev adına Azərbaycan Ali Hərbi Məktəbində ali hərbi təhsil almışdır. 2022-ci ildən Atlas Nəcəfzadə ilə rəsmi nigahda idi.

Hərbi xidməti[redaktə | mənbəni redaktə et]

Azərbaycan Ordusunun leytenantı olan Hüseyn Nəcəfzadə 2020-ci il sentyabrın 27-dən Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində iştirak etmişdir. Suqovuşanın azadlığı uğrunda gedən döyüşlərdə vuruşmuşdur.

Azərbaycanın Suqovuşan qəsəbəsinin işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Hüseyn Nəcəfzadə "Suqovuşanın azad olunmasına görə" medalı ilə təltif edildi.[2]

Hüseyn Nəcəfzadə müharibə başa çatdıqdan sonra "baş leytenant" rütbəsi almış, Quru Qoşunlarının "Komando" Briqadasının tərkibinə daxil olmuş və hərbi xidmətini bu briqadada davam etdirmişdir.

24-28 mart 2022-ci il tarixlərində Xocalı rayonunun Fərrux kəndi istiqamətində kəndin və kənd ətrafında yerləşən ətraf ərazilərin işğaldan azad edilməsi üçün Azərbaycan Ordusu tərəfindən əməliyyat həyata keçirilmişdir. Fərrux əməliyyatı adlanan döyüşlərdə zabit Hüseyn Nəcəfzadə də iştirak etmiş, döyüş tapşırığını yerinə yetirərək fərqlənmişdir.[3] Əməliyyat nəticəsində Xocalı rayonunun Fərrux kəndi, Fərrux dağı azad edilmiş, Xankəndi-Ağdərə avtomobil yoluna Azərbaycan Silahlı Qüvvələrinin vizual nəzarəti təmin edilmişdir.[4]

2022-ci il sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilmişdir. Təxribat nəticəsində Azərbaycan-Ermənistan sərhədində sərhəd toqquşması baş vermişdir. Döyüşlərdə Quru Qoşunlarının "Komando" briqadasının hərbçisi kimi iştirak edən Hüseyn Nəcəfzadə 16 sentyabr 2022-ci ildə Kəlbəcər rayonu istiqamətində döyüş tapşırığını yerinə yetirərkən şəhid olmuşdur. Həmin ilin 17 sentyabr tarixində nəşi doğulduğu Abşeron rayonunun Saray qəsəbəsində yerləşən Şəhidlər Xiyabanında dəfn edilmişdir. Vida mərasimində rayon rəhbərliyi, Hüseyn Nəcəfzadənin ailə üzvləri, yaxınları, döyüş yoldaşları və ictimaiyyət nümayəndələri iştirak etmişdir.[5]

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş Hüseyn Nəcəfzadə Azərbaycan Prezidenti İlham Əliyevin 05.11.2022-ci il tarixli Sərəncamına əsasən ölümündən sonra 3-cü dərəcəli "Vətənə xidmətə görə" ordeni və "Vətən uğrunda" medalı ilə təltif edilmişdir.[6]

Təltifləri[redaktə | mənbəni redaktə et]

İstinadlar[redaktə | mənbəni redaktə et]

  1. ↑ Azərbaycanın Müdafiə Nazirliyi. "2022-ci il sentyabrın 12-dən etibarən Ermənistan Silahlı Qüvvələrinin törətdiyi genişmiqyaslı təxribatların qarşısının alınması zamanı şəhid olan hərbi qulluqçuların siyahısı" (PDF). www.mod.gov.az (ingilis). 2022-09-17. 2022-09-17 tarixində arxivləşdirilib. İstifadə tarixi: 17.09.2022.
  2. ↑ Azərbaycan Prezidentinin saytı. "Azərbaycan Silahlı Qüvvələrinin hərbi qulluqçularının "Suqovuşanın azad olunmasına görə" medalı ilə təltif edilməsi haqqında Azərbaycan Prezidentinin 24.06.2021-ci il tarixli Sərəncamı". www.president.az. 24.06.2021. 2021-06-24 tarixində arxivləşdirilib. İstifadə tarixi: 24.06.2021.
  3. ↑ ""Mən ona hər zaman sadiq qalacam" - Şəhid Hüseyn Nəcəfzadənin nişanlısı". www.qaziler.az (az.). 21.09.2022. 2023-04-24 tarixində arxivləşdirilib. İstifadə tarixi: 20.04.2023.
  4. ↑ "Fərrux yüksəkliyinin azad olunması… — Keçmiş döyüşçüdən mühüm açıqlama". 2022-03-31 tarixində arxivləşdirilib. İstifadə tarixi: 2022-04-02.
  5. ↑ "Şəhid Hüseyn Nəcəfzadə də dəfn edildi - Fotolar". www.qafqazinfo.az (az.). 17.09.2022. Archived from the original on 2022-11-06. İstifadə tarixi: 06.11.2022.
  6. ↑ 1 2 3 Azərbaycan Prezidentinin rəsmi saytı. "Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı". www.president.az (az.). 05.11.2022. Archived from the original on 2022-11-06. İstifadə tarixi: 06.11.2022.
  7. ↑ Azərbaycan Dövlət İnformasiya Agentliyi. "Azərbaycan Silahlı Qüvvələrinin hərbi qulluqçularının "Suqovuşanın azad olunmasına görə" medalı ilə təltif edilməsi haqqında Azərbaycan Prezidentinin 24.06.2021-ci il tarixli Sərəncamı". www.azertag.az. 04.06.2021. 2021-06-24 tarixində arxivləşdirilib. İstifadə tarixi: 29.12.2020.
  8. ↑ "Vətən müharibəsi iştirakçılarının təltif edilməsi haqqında Azərbaycan Respublikası Prezidentinin Sərəncamı". www.president.az (Azərbaycan Prezidentinin rəsmi saytı) ( (az.)). 10.02.2022. 2022-02-10 tarixində arxivləşdirilib. İstifadə tarixi: 10.02.2022.
Mənbə — "https://az.wikipedia.org/w/index.php?title=Hüseyn_Nəcəfzadə&oldid=7002886"